تَــهَـشُـم

البارت الواحد والعشرون

..

عمر ...عوفج منها تولي عندي غير موضوع وياج

همسه .. شنو بعد ياساتر
عمر.. امس علي رجع خطبج مني واني ما انطيته اي جواب محدد لان الموضوع راجع الج وانتي بكيفج صارلج ٥ اشهر من تطلكتي من صكر تقريبا يعني حتى العده المفروض خلصتيها وانتي بكيفج بعد

همسه....

تفاجئت من رجعة عمر بهاي السرعه مبين عليه صاير شي وياه اول مادخل. لغرفته رحت وراه حجالي ع ازار والي مسويته كلش ضجت وانقهرت عليه بس ما انصدمت منها ادري بيها خبيثه الي صدمني موضوع خطوبة علي الي

ضحكت واستحيت من عمر طلعت من الغرفه للبنات بدون ما اجاوب عمر
سولفت للبنات فرحتي بهاي الساعه ماريد انطيها لأحد

ريم .. يعمري الف مبروك وربي ما مصدكه
رشا .. اي والله ولا اني خصوصا بعد الي صار بين عمر وعلي
همسه ... شنو صار بينهم ؟؟
ريم .. لج علي اجه هنا من عرف بيج رحتي فصليه تعارك وي الكل وصارت عركه جبيره بينه هو وعمر وجان يريد يروح لبيت ابو صراع هم يسوي مشكله وياهم والي عرفناه متعارك وي صكر من اول اسبوع رحتي بي للبصره

همسه .. عزززه واني اشوف صكر متخبل عليه يكومني بكتله وينومني بكتله طلع كله من وره علي

ريم... تره حقه يسوي هيج ليش انتي مو جذبتي عليه وخليتيه يطلكج ونوب يعرف بيج رايحه فصليه يعني طلكج حتى تتزوجين غير واحد وتحمل هاي الفتره كلها وهسه رجع خطبج شتردين بعد !!!

رشا .. سبحان الله اول مره ريم تحجي حجايه بيها خير

ريم .. اييي لج موفره حجي الي بي خير بالمواقف الصعبه هاي الفتره كلها جاي اتدرب بصوتي ع هالكلمتين

رشا.. ريم ماتدرين

ريم .. شنوو

رشا ..
" ان انكر الاصوات لصوت الحمير "

ريم .. حييووانهه

همسه .. ولجن بسسس تره مو وكت سوالفجن احتار بيجن لو بعلي هسه

رشا .. همسه تره مصختيلها هو انتي جايه طايره من غرفه عمر والضحكه شاكه حلكج بعد بيمن محتاره

ريم .. اي شيشه ما سمعتيها تغني اغنية هب السعد وهي جايه - غمزت لرشا

رشا .. ايي سمعتها وحتى تسوي شعر شعر

همسه ... هههههههههههه هاي اني سويت هيج شو مادري

ريم .. رايحه اكول لخاله حلاااا

رشا.. اخذيني وياااج
همسه... ههههه الحمد لله والشكر ع نعمة العقل

راحن البنات شوي ورجعن هن وخاله حلا والابتسامه مرسومه ع وجههن

ابتسمت لخاله حلا واجت حظنتني
حلا.. شلون بيج يا يمه ما مكتوبلي تبقين يمي ماجاي اشبع منج ، بس دام راح ترحين لعلي متطمنه عليج