..
اصعب لحظه ممكن تعيشه اي بنيه ماخذيني منهم بس مو عروس ماخذيني تعويض ماخذيني ك هديه مالها اي قيمه
ودعتهم وطلعت ....
طلعوا خوالي وياي
سياره واكفه كدام باب البيت.. وبيه واحد داير وجهه ع الجهه الثانيه اكيد ما يريد يشوف خلقة واحد من عدنه
بست ايدين خوالي ومشيت ..
اباوع لرجلي
مو هذا الحذاء الكعب الابيض الي تطلع بي العروس من بيت اهلها ويكضها العريس خاف توكع لان الكعب عالي وما متعوده تمشي بي
ولا هاي البدله البيضه الي تختارها البنيه وتخبث ع العريس ما تخليه يشوفها الا من يجي ياخذها من بيت اهلها عروس
وايدي !! وين حلقتي الي المفروض يزعل مني اذا بيوم نزعتها
فتحت باب السياره وصعدت وره ..
شغل السياره بثواني وانطلق بسرعه
نزلت دمعتي ع خدي .. يارب مو بهالهدوء تنزف العروس
وين الهلاهل ... وين الاغاني .. وين ضحكتي ومسحتاي !!
ضليت اشهق بالبجي وبده صوتي يعلى انخرست بثانيه من صاح
"بسسسسس انلصمي حسج ماريد اسمعه فااااهمه
خليت ايدي ع حلكي بحركه سريعه وعيوني انفتحت ع كبرهن
عزه بعينج همسه هذا صكر اي اي هو اعرف صوته
، ياويلي اذا يطلع الي بالي صح وربي راح يعدمني العافيه هذا عصبي ما يتعاشر شلون اذا يشوف اخت الي قتل اخوه كدامهياربي ساعدني دخيلك ، ياللهي ساعدني ماعندي غيرك
الطريق كله واني عيوني ما وكفت دموعها خايفه ومرعوبه شلون راح يستقبلوني ، شراح يسون بيه
معقوله صدك يسوني خدامه لو يذبحوني لو هذا صكر يكص ايدي بالسجينه يمه شهل افكار
كله منج ريم اووووف ياربي شسوي هسهاذب روحي من السياره ... لا لا خاف يموتني صكر
اووف ياهمسه ياغبيه بطلي غبائج ذابه روحج من السياره ما تموتين بس صكر يموتج ، يوووه والله صكر يخوف اكثر شوف وجهه شلون طابك حواجبه ابو عيون طامسه شلون جاي يشوف الطريق هسه يسوي بينه حادث
صكر : اتوقع كتلج انلصمي لو جلدج يحكج من هسه
انلللصمي صوت مااسمع منج لا وحق الي خلق الحق دم اخوي اطلعه من عيونج وابجي اهلج عليج وما يرف الي جفن.....
عززززززه جان يسمعني واني احجي عليه ولج همسه شجاي تسوين بروووحج والله راح يشوي ع ذاناتي بصل
صكر : اسمعيني عدل وخلي هالحجي براسج كلش زين ، جايه تعيشن بالبيت خدامه حالج حال الي يشتغلن بالبيت لا والله انتي اقل منهن يمنه
أنت تقرأ
تَــهَـشُـم
ChickLitروايــة عراقيــة حقيقية (مكتملة) ( كالزجاج تهشمت انا لكنني فعلت مثله وتمسكت ببعضي البعض ف انا لا اترك شتاتي يتناثر) مريم : شويه مر وكت ايناس تتصفح بأوراق الكتاب الي بيدها ولمحت ولد جاي بأتجاهي ابيض الشمس جانت تضرب بعيني شوي الا كدرت اميز هذا ع...