Out of my League [Completed]

Chapter 11

Chapter 11

Hindi ako makasagot. He just confirmed my thoughts, someone broke his trust before, kaya siya nahihirapan magtiwala ngayon.

But for someone like Axl, who looks superior, authoritative and hard as rock, I wonder who did it? I wonder who had the guts to fool him? I wonder who had the power to crush his trust that easy?

Sobrang awkward sa loob ng sasakyan. Kung hindi lang kami tumigil sa isang building sa BGC ay baka pareho na kaming nilamon ng katahimikan.

Pumasok ang sasakyan sa parking lot, kasunod ang dalawang itim na van. Muntik nang mawala sa isip ko na may meeting kaming dadaluhan. Masyado akong nalubog sa mga iniisip tungkol sa kaniya.

Kinalas ko ang seatbelt ko nang makitang tinanggal niya ang kaniya. Halos sabay lang kaming nakababa ng sasakyan.

He's on his usual dark handsome face. Hindi ko alam kung guni-guni ko lang ba ang nakita sa mga mata niya kanina o totoo ang mga iyon. He's so hard to read, it makes me doubt myself, and the things I see through his eyes.

Tahimik akong sumunod sa kaniya nang pumasok kami sa elevator.

"Hindi sasama ang bodyguards mo?" Hindi ko napigilang itanong nang mapansin kong kaming dalawa lang sa elevator. Ni hindi ko rin napansin ang pagbaba ng mga ito sa itim na van.

"They don't show up that much, they just hang around the corner, watching suspicious people around me."

Napatango ako.

Bumukas ang elevator at nakarating kami sa lobby ng palagay ko ay isang hotel. Nakumpirma ko iyon nang makita ang malaking pangalan nito na naka-engraved sa information desk. La Terraza Hotel Chains.

The hotel looks so elegant and classy. Masasabi kong hindi ito basta-bastang hotel. Is it a five star hotel?

Kinabahan agad ko. We're meeting investors like what he said earlier. At kung sa ganitong klaseng hotel palang ay naghuhumiyaw na ang karangyaan ay nasisiguro kong mas elegante ang mga ka-meeting namin. Kinagat ko ang labi ko ng mariin.

Nilingon naman ako ni Axl. Bumaba ang mga mata nito sa labi ko at pagkatapos ay nagtaas ng kilay.

"We're meeting my bandmates, it's just a casual meeting so don't be nervous."

"Bandmates?" Banda? Nagbabanda siya?

"I thought I'm that popular but someone doesn't know me huh." Bahagya itong napailing, a ghost of smile is on his lips.

Nanlaki ang mga mata ko, did he just smile?

Mabilis akong humabol sa kaniyang paglalakad, "I know you, you're very popular in your field but I didn't know that you have a band." Paliwanag ko.

Pinagtitinginan kami ng mga taong naroon pero tila walang pakialam si Axl at nagdiretso ito sa restaurant ng hotel. Agad kaming nilapitan ng isang lalaking naka-uniporme.

"Good afternoon Mr. Genesis, this way please." Iginiya kami nito patungo sa isang private room.

Halos mabali ang leeg ko sa kakalingon sa interior ng restaurant, sobrang ganda. Hindi man ako maalam sa mga ganito ay alam kong pang-mayaman ang hotel na ito sa ambience palang.

Binuksan ng lalaki ang isang double doors at pumasok kami doon ni Axl. Hindi na ako nakapagsalita nang bumungad sa akin ang apat na lalaki na naghihintay sa amin.

Lumapit kami ni Axl sa kanila at halos malula ako nang makita sila nang mas malapitan.

The famous actor, Gelo Ferrer is even here! Magkakilala sila? At magka-banda? Tinignan ko ang tatlo pang hindi pamilyar na lalaki na pare-pareho ring nakatingin sa akin. Hindi ako makapaniwala sa nakikita ko.