LAWYER: KIEL DELA CRUZ(On Hold)

ARROGANT LAWYER 9

"Ken, bakit mo ba ako sinama pa rito?" tanong ni Aina. Nakasuot siya ng simple dress na kulay red.

"Para maging date ko" sabi ni Kenderson. Gwapong-gwapo ito sa suot na tuxedo.

"Marami namang iba diyan ah. Si Loida na lang dapat inaya mo" sabi ni Aina.

Ayaw niya kasi sa mga inggrandeng party. Kaya nga pag invited ang pamilya niya. Hindi talaga siya sumasama. 

"Ikaw ang gusto ko" sabi ni Kenderson at binigay ang invitation card.

Bawat daanan nila may camera. Kaya nag tago siya kay Kenderson. Baka kasi makita siya ng papà niya o yong matanda na ipapakasal sa kaniya.

"Bakit ka nagtatago?" tanong ni Kenderson.

"Basta" sabi niya.

18th birthday ito ni Angelica. Kaya invited sila Kenderson at Kiel. Napag alaman niya na ang amo niya ang escort ng birthday celebrant. Marami rin na invited na mga sikat na tao, lalo na ang mga Lawyer. Anak din kasi ng Lawyer ang may birthday. Kaya natatakot siya ngayon baka nandito ang ama.

"May pinagtataguan ka ba?" tanong ni Kenderson. Siguro nahalata nito ang akto niya.

"Oo, kaya please lang." sabi niya.

"Don't worry kung sino man ang pinagtataguan mo. Hindi ka niya makikita. Boyfriend mo ba?"sabi nito at uminom ng wine na kabibigay lang ng waiter na naglilibot.

"Juice lang po, kuya" nakangiti niyang sabi.

"Ok po, babalikan ko na lang po kayo" magalang na sabi nito bago sila iwan.

"Wala pa akong boyfriend no" sabi niya.

"Eh sino nga pinagtataguan mo?" makulit talaga ang isang ito.

"Basta" sabi niya.

"Duda ako sa basta mo na iyan" nakangisi na sabi nito. "Baka naman manliligaw mo at binasted mo. Kaya ka nagtatago" dagdag nito.

"Hindi nga, kulit mo naman. Basta may pinagtataguan nga ako" pikon na sabi ni Aina.

"Ok, chill. Huwag kang mapikon" natatawang sabi nito.

★★★

"Tahimik mo ata?" tanong ni Kandra. Tapos sinundan ang tingin ng anak-anakan.

"Bored lang po, Mom" sagot niya at uminom.

"Bored? o selos ka lang kay bunso" pang-aasar nito.

"Kanino naman ako magseseslos?" inis na tanong niya.

"Ok, tatahimik na ako. Pikon na kasi ang baby panganay ko" nakangiting sabi nito.

Invited din kasi ang ina-inahan niya. Actually buong pamilya niya sa birthday party ni Angelica. Wala siyang nagawa ng kunin siya nitong escort.

Tapos gusto niya sana na si Aina ang date niya. Kaso yong asungot niyang bunsong kapatid ay inunahan siya. Kaya siya tahimik, dahil binabantayan niya ang kilos ni Aina. Tapos ang nakakapikon pa masiyadong close ang dalawa.

Bakit sa akin ayaw niyang makipag close? ay! bahala siya kung ayaw niya. Di wag!..

Ginulo niya pa ang buhok, dahil sa naisip.

"Oo hello, Mr. Hayes. Invited din pala kayo?" napatingin siya sa kausap ng Mommy niya.

"Yes, Mr. Ortaliza invited me. Kahit na nasa province ako nagstay ngayon" sabi nito. Mukhang haggard ang matanda, pero kita parin ang gandang lalaki nito. Actually may kahawig ito. Hindi lang niya matandaan.