اسكريبتاتي🖤

ياخساره محدش فينا نفذ وعد..محدش فينا خاف من البعد."🖤

....
لسـه فاكراه يـحور!
انا منستهوش ي نورا ٦ سنين وهو دايما علي بالي حتي وهو مش معايا انا معرفش ليه تتخلي عني أنا معملتش حاجه غير اني شوفته مصدر طاقه وسند ...وحبيته؟!
_مش كل حاجه عايزنها بناخدها يحور
_ انا مكنتش عايزه كل حاجه انا كنت عايزه اتحب منه نص حبي لي!! قلبي واجعني ومش عارفه اعيش ولا احب حد مش عارفه ادي نفسي فرصه ادخل علاقه وارتبط مش لاقيه نفسي مع حد الا هو انا شوفت فيه نفسي بهبلها وطيبه قلبها وعصبيتها شوفته نص التاني لي رماني وبعني؟! انا والله حاولت أنساه معرفتش
حاولي مره واتنين وتلاته وعشره يا حور
انا فاشله يا نورا بفشل وبتهزم من ذكرياتنا من كل حاجه حلوه كانت ما بينا وضاعت مننا هي ضاعت ليه!؟
في خلفيه الجسمي وهو بيقول " كل الحاجات الضايعه ليه اتعلقنا بيها"!!
_نامي يا حور عشان خاطري واهدي الدنيا مبتقفش علي حد
_ردتت بتوهان: امشي ومتقلقيش عليا انا هيبقي كويسه
_هطمنيني عليكي
_ اكيد
11:00 pm
فتحت ال noot book بتاعتي ودموعي كانت سبقاني علي الورقه قبل حبر القلم.
_ انت وحشتني انهارده عدي ٦ سنين وانت بعيد عني ازاي جالك قلب تبعد عن اكتر واحده حبيتك وكانت شايفك كل حاجه ليها ..مش عارفه انساك ومش قادره انساك يا مازن انت ازاي مش باجي في بالك مبيجيش عليك وقت وتبقي عايز تطمن عليا؟! مرتاح لمين وانا مش موجوده.. نورا بتقولي أنها مبتقفش علي حد هي مبتقفش بس انا وقفت في مكاني من يوم غيابك مستنيه رجوعك ليا ولسه عندي امل ..
في خلفيه عامر منيب وهو بيقول "ولما بتضايق دلوقتي بتكلم مين..مين حبك ف الدنيا دي قدي وارتحت لمين"!؟

_ دخلت علي ال account بتاعه هي تقريبا بايته فيه علي امل تلاقيه مسدچ منه بأي حاجه حتي ولو ازيك!؟

قفلت الاكونت ونامت من التعب والتفكير ..
_ جايلك عريس يا حور..
- مرفوض يا ماما
_ يا بنتي ليه كده بس ربنا يهديكي
_مش عايزه اقابل حد ومش عايزه اتجوز
_ مفيش حاجه اسمها كده ابوكي حدد معاه معاد ومش هتصغريه وبكره هيجي وتشوفيه ..

"دخلت الاوضه وقعد علي السرير..هو احنا ليه بنوقف حياتنا علي شخص واحد ..شخص احنا مش علي باله..مش ناوي ترجع يا مازن احساسي ديما كان بيقولي انك هترجع ..ياريت ترجع

فتحت ال noot book زي كل يوم وكتبت

-كان دايما بيفارق ويرجع..بس للاسف المرادي فارق ومرجعش!!
_ ممكن تهدي وتبطلي عياط
_ مش عايزه اتجوز حد يا نورا ولا عايزه اقعد مع حد عايزه مازن يرجع بقي
_انتي لسه مفقديش الامل ياحور
_ لسه ومش عارفه ابطل احس انه هيرجعلي ف يوم.
_ياحبيبتي انسيه بقي يمكن العريس ده عوض ليكي وفرصه لقلبك من جديد
_تفتكري يا نورا
_طبعا
_خلاص هصلي صلاه استخاره وربنا يطبطب علي قلبي

"المقابله جت والعريس جه هو وأهله ايه ده ثواني !؟
_نورا نورا الصوت ده مش غريب عليا
_ قصدك اي...ايه؟؟!
_ هو يا نورا هو
_ انتي متاكده
_صوته وريحه برڤانه
_ اطلعي يا حور ونشوف هو ولالا
_لالا لو طلع هو هعيط قدامه
_ اطلعي وجمدي قلبك واوعي تباينله ضعفك.
"دخلت قدام الكل وهي ضربات قلبها بتزيد هو معقول يبقي في شخص بيدوي الوجع ال كان السبب فيه يعني ينفع حد يبقي داء ودواء!؟⁦⁦♥️⁩

-اي يا حور سلمي علي أهل العريس

-اه طبع ااا حاضر

_ السلام عليكم .

-وعليكم السلام يزين مختارات يا مازن

_مازن عينه كانت متثبته عليها هي وبس تتوجه لنا شاف كميه الحزن والاشتياق ال ف عنيه عارف انها لا يمكن تسامحه بس عنده امل ولو بسيط فاق علي صوت والده
- مازن يا حبيبي هنسيبك مع عروستك شويه وان شاء الله خير
_ها تمام .
"دام الصمت ما بينهم اكثر من ربع ساعه رغم كل واحد منهم جوله كلام ٦ سنين مبيخلصش.

قطع الصمت صوتها " اطلع بره!

-انتي بتقولي اي يا حور

_ ال سمعته اطلع بره يا مازن طلبك مرفوض ولو اخر راجل ف الدنيا ف انا مش عايزك

_كدابه انا والله العظيم بحبك متظلمنيش

_انت ال ظلمتني وظلمت نفسك لما بعد عني بدل السنه ٦ ليه ياخي عملتلك اي ده انا حبيتك؟

_وانا كمان والله حبيتك خوفت يا حور خوفت متبقيش ليا ف بعد

_ورجعت ليه دلوقتي

_عشان خلاص بقيت جاهز لكل حاجه ومش هتبقي غير ليا..

_بداء صوت عياطها يعلي بالتدريج " كنت فضلت معايا كنت هستناك وهصبر لآخر وقت زي ما صبرت لما قبلت أن اقعد مع العريس انهارده كان عشان ادي لنفسي فرصه بس لو الفرصه دي رجوعك ف انا مش عايزها امشي ومش عايزك ..

_بس انا عايزك وهتجوزك واعوضك عن كل السنين دي

_ ياريت كان ينفع نبقي سوا ..

_ اي ال هيمنع يا حور انا والله بحبك وعمري ما بطلت احبك ولا ابطل تفكير فيكي

_ انت كداب قدرت تعيش بدل السنه ٦ من غيري متكدبش عليا ولا علي قلبك..

_ده اخر كلام عندك

_ اه اخر كلام عندي ..

_تمام

"اهله مسئول وزي مبيقولو كده مش واخدين بعاد نافع انا اتصدمت من نفسي ونورا اتصدمت أكتر مني بس كان لازم أوجعه زي ما وجعني "

تاني يوم لاقيته تحت بيتي

_ انت اي الي جابك هنا..

_جبت اقولك أن مهما حصل ف انتي ليا وان انا بس ال عوضك وفرصتك الأولي والاخيره وبدأ صوته يعلي ويجمع الناس ...

"شوفت كميه ناس رهيبه ف عز مكان الشارع فاضي من ضمنهم ماما وبابا ونورا وكانوا فرحانين  !!

_ حور تتجوزيني بحبك والله مهبعد عنك تاني

_هوافق بس بشرط ..توعدني ..اوعدني متخونش عهدك مره تاني وحبك ليا يزيد ومتسبنيش مهما حصل

_وعد..ها بقي تتجوزيني

_موافقه.

"ممكن تنتصر ف معركه اتهزمت فيها ٦ مرات ربك لما يريد.."⁦⁦

_ نيره عباس.

" رائيكوا ..بيهمني🖤