=هو في ايه يا حور
بأرتباك: ايه يا بنتي في ايه
=مؤمن طول ما احنا قاعدين مع بع في المسرح مبينزلش عينه من عليكي الناس كلها قربت تلاحظ ان غي بينكوا حاجه
_وانا مالي يا وسام طيب هو ال علي طول مركز معايا انا مليش دعوه فعلا
=انا عارفه يا حبيبتي انك ملكيش دعوه بس لازم يبطل ال بيعمله ده ولا اكلمهولك انا
_لا انا هكلمه خلاص
=تمام يلا نروح عشان منتأخرش..
..........
كنت شايفه واقف مع صحابه والمخرج مكنتش عارفه اندهله ازاي ..
=مؤمن ..مؤمن
_ايوه نعم..ايه ده حور ازيك؟
=انا كويسه يا مؤمن بس كنت عايزه اكلم معاك ف موضوع ممكن ..
_اه طبعا تعالي نقعد في الكاڤتريا
=احم بص يا مؤمن بصراحه انت هتعملي سمعه وحشه وسط صحابي وكده عيب ومتقبلهاش..
قطع الكلام وقال:ايه ده في ايه اهدي اديني فرصه اكلم
=اسفه..بس الموضوع مضايقني
_عملك سمعه وسط صحابك ازاي يعني
=نظراتك ليا طول الوقت واحنا قعدين كمان مع المخرج مبتبقاش مركز غير معايا تقريبا وصحابي اخدوا بالهم..
ضحك ضحكه سحرتني وقال:هو انا مقفوش للدرجادي وبص في عنيا بثبات وكمل..اصل انا غرقت
اتوترت وقومت من مكاني:معلش يا مؤمن ياريت بلاش كده انت مترضاش ليا حاجه وحشه مش موجوده اصلا
اتنهد وقال:حور ..تتجوزيني .
_ايه؟!
=ال سمعتيه انا بحبك من سنتين فاتوا اينعم نظراتي فضحاني السنادي جامد بس بجد بحبك وعايز اتجوزك
=.......
_فكري في الموضوع براحتك بس والله فعلا بحبك وشاريكي ومش عايز غيرك كل ال طلبه منك فرصه لحد ما اكون نفسي وابقي مقتدر ماليا ان اكلم مامتك واجيب اهلي ونيجي ها موافقه يا حور ..
= "الي ربنا عايزه هيكون"
_ونعمه بالله
=عن اذنك
_اتفضلي.
............
=انتي كنتي فين يا هانم بدور عليكي
_كنت مع مؤمن
=قولتيله
_اه
=قالك ايه
_.......
=انتي يا بنتي بقولك قالك ايه اي السرحان ده ..
_قالي انه بيحبني وعايز يتجوزني بس للاسف مش مقتدر ماليا وعايزني جمبه لحد ما يكون نفسه
=والله فرحت مؤمن راجل جدع وطيب وانا كنت حاسه ان هيبقي في بينكوا حاجه
_كل الكلام ده جميل يا وسام بس انا خايفه من النصيب ...
= النصيب شماعه بنعلق عليها ال بيحصلنا ووجعنا الراجل ال عايز بجد مبيسابش والبنت ال بتحب بجد بتعافر وتستحمل ..
=عندك حق يلا نروح عشان منتأخرش
_يلا...
.........
روحت صليت ونمت وحكيت لساره اختي اقرب حد ليا بعد وسام..
في وسط كلامنا لقيت مؤمن بيرن اتردد بس ف الاخر قررت ارد
_ردك عليا كان محتاج التفكير ده كله
=عرفت منين ان كنت بفكر قبل ما ارد عليك
_حسيت بيكي..
ضحكت :حسيت اه ماشي
=ها يا حور قولتي ايه
_مؤمن انت طيب وجدع بس..
=بس ايه هو انتي في حد في حياتك..
_ لا والله مفيش حد في حياتي ..
=طيب "تسمحيلي ابقي انا كل حياتك"!!
.......
فاكر يا مؤمن يوم ما اعترفتلي بحبك..
=فاكر يا احلي حور في دنيتي مش مصدق ان بقي معانا اياد وليلان ربنا يخليكوا ليا يا حبايبي..
في خلفيه محمد حماقي وهو بيقول
"يوم ما اتقابلنا اليوم ده هفضل مش ناسيه..ده انا اتكتبلي احلي قصه حب فيه"....
الكاتبه" نيره عباس"
_رائيكوا..
.
