_نووووووووور اتأخرنا عالمدرسة يا نور !
-نازلة نازلة حالًا
_إي يست كل دا تأخير،يالا مش عايز إعتذار.
-صحيت متأخر معلش بقي ولما صليت ولبست.
_يلا قدامي ومش عايز مبررات تانية عشان متأخرين.
-*بضحك* يلا.
_ فـِ الفسحة.
_ قلت لماما تعملك سندوتشات الحلاوة بالقشطة اللي بتحبها.
-وأنا قلت لماما تعملك سندوتشات الجبنة واللانشون اللي بتحبيهم.
*"خلصو أكل والفسحة واليوم الدراسي وهما مروحين"*
_تعالِي نقعد عـَ البحر زي كل مرة.
-يلا،إنتَ عارف ان أنا بحب البحر أويي، وبرتاح هناك.
_عارف طبعًا،يلا نقعد شوية عشان مش نتأخر.
-يلا.
*"وصلو عالبحر وقعدو فـِ مكانهم المُعتاد"*
-تميم تعرف إني بحب البحر أوي وبخاف من موجه،البحر يبان لك جميل ومريح لكنه غدار،ممكن يسحبك فـِ ثانية لجوا، يضيعك ويدمرلك حياتك بسببه، تعرف كمان لكنِّي ما زلت بحبه.
_نور،مالك عنيكي مليانة دموع لي؟!
*موج البحر بدأ يعلي ساعتها.
-بخاف من الموج لما بيعلي وأهو دلوقت عالي،فيه حاجة مش كويسة هتحصل يا تميم،يلا نمشي عشان خاطري.
_هاتي إيدك *"حضن إيديها"*،عشان خاطري كفاياكي بُكي،أنا جنبك ومهما الموج يعلي عُمر مهيحصلك حاجة وأنا معاكي.
"إبتسمت".
-يلا نمشي.
_يلا.
*"وصلوا كل منهم لعُمارته،و أثناء م كانو بيسلمو علي بعض،نادت والدة نور عليها من بيت تميم
-إيدااه إنتو هنا.
'آه كلنا وبابا،معزومين عند تميم النهاردة.
_دا إي المفاجأة القمر دي.
-إوعا عالمفاجآت.
'المفتاح أهو يستِ غيري هدومك وتعالي يلا.
بعد ربع ساعة.
*"باب شقة تميم خبط"*
_أكيد مفيش غيرها يعني.
"فتح الباب"
-أيوة أيوة مفيش غيري.
_طب إدخلي يا خفة.
-نينينينيينيني،إدخلي يا خفة.
"تعالي يا نور.
-خالتو حبيبتي"والدة تميم".
'يلا جهزي معانا يلا.
-حاضر حالًا.
"جهز السفرة يا تميم
_حالًا.
*"جِهزت السفرة والأكل وإتغدو وظبطوا المكان وكل حاجة بعد الغدا"*
"حلّو بقي بالبسبوسة بتاعتي،وفيه خبر بخصوص شغل سعيد هو هيقولكو عليه.
)إشجيني يا سعيد يا أخويا.
( والله يا عز ي حبيبي،أنا مكنتش موافق بس مفيش حل غير كدا.
(خير اللهم اجعله خير يا رب.
)أنا مكتبي إتنقل إيطاليا.
*"سمعو كلهم الخبر كأنه صاعقة ونزلت عليهم"*
)ألف مبروك ي سعيد،بس بعد عُمر طويل وإحنا هنا مع بعض هتمشوا وتسيبونا!
_*تميم بصدمة* هنسافر!،لأ أنا مش عايز أسافر ومدرستي والنادي والأهم من كل دا نور!،إزاي هسيب أختي وصحبتي وأسافر ومش هشوفها تاني غير كُل فين وفين!
*"أثناء الكلام،قامت نور وعنيها مليانة دموع وإتجهت للبلكونة،لحقها تميم أول ما قامت"*
- *وهي بتبكي* مش قلتلك فيه حاجة مش كويسة هتحصل، خلاص هتمشوا وتسيبونا،هعيش إزاي وحيدة من دونك، أنا معنديش صحاب غيرك هقعد مع مين وهحكي لمين وإنتَ غايب،مين هيغلس عليا،أ أخر مين دلوقت عن معاده،هبقي وحيدة من بعدك يا تميم.
"أنا وتميم صحاب من زمان أويي من ساعة ما اتولدنا تقريبًا، وأهلنا صحاب كمان وجيران وبنروح عند بعض المدرسة والدروس وكل حتة وبنحكي لبعض أسرارنا،ونعتبر أكتر من إخوات،الناس لما بتشوفنا بيقولو علينا إخوات وهما ميعرفوش اننا أكتر من أكتر إخوات،دلوقت هو هيسافر أنا عارفة إن دا مش بإيده ولا بإيد باباه،بس هي الحياة كدا لازم تاخد الجزء الحِلو اللي فحياتنا،وتميم كان بالنسبالي أخويا وملجأي وكل حاجة فحياتي."
_أنا آسف والله شغل بابا هو اللي حكم الأمر،أنا مكنتش عارف زيي زيك لسة عارف والله،متزعليش وأنا هبقي أبعتلك المراسيل اللي بتحبيها،طب غمضي عيونك كدا.
-مش وقته يا تميم.
_عشان خاطري بس غمضي.
-ها؟!
*"أخرج تميم إسورتين "حظاظتين" من جيبه واحدة ليه وواحدة لنور، كانت شافتها قبل كدا وحبيتها عشان كان مكتوب عليها Best friend for ever "*
_فتّحي.
-الله،مش دي الحظاظة اللي شفناها قبل كدا!
_أيوة هي وعرفت انها عجبتك ف جبتها لنا احنا الاتنين واحدة لية وواحدة ليكِ.
-تميم،ممتنة لأنك فـِ حياتي والله،كنت زعلانة لأنك هتسافر وتسيبني ومازلت بس فرحت جدًا بالهدية دي لأنها دايمًا هتفكرني بيك.
_وأنا ممتن أكتر لطنط وعمو إنهم خلفوا القمر القموصة دا.
-*ضربته علي كتفه* بس بقا.
_ماشي خلاص،امسحي دموعك دي ومش عايز أشوفها تاني وتعالي نقعد معاهم يلا.
-حاضر.
*"خرجوا من البلكونة وقعدو مع العيلة وبعد ما اليوم انتهي،رِجعت عيلة عز لشقتهم وناموا عشان يستعدو لليوم التالي"*
