"رحيل"
_لسه بتشربي القهوه ساده زي ماعلمتك
"بصيت لمصدر الصوت لاقيته"
=انت علمتني كتير اوي مجتش علي دي يعني اللي هتتغير
وسيبت الكافيه كله ومشيت
"مكنتش عاوزه اشوفه تاني، انا لسه بحبه، بظهوره بيظهر حبي ليه اللي في قلبي، مكانش ينفع يظهر تاني انا مصدقت دفنت الحب ده، ليه بيحييه تاني"
********************
_هتفضلي كده لحد أمتي، مش هيرجع تاني خلاص صدقيني، بلاش تضحكي علي نفسك
=هيرجع، مفيش طفل بيسيب أمه، مهما غاب بيلف ويرجعلها، وهو كان طفلي
_هو مع غيرك، هو اختار غيرك، لو حبك بس ربع حبك ليه كان رجع والله العظيم
=هو لو بس كان حبني، كان شاف الحلو اللي جوايا قبل فوات الأوان
_فوات الأوان بالنسباله، انما عندك انتي انت تبني نفسك من جديد، انسانه تربيتك وتربيه الظروف والدنيا اللي علمتك، مش تربيته اللي علمك فيها بس تحبيه، وتحبي اي حاجه بيحبها
=بس انا مليش غيره، مليش غير قلبه اللي قلبي حبه
_وهو ليه غيرك، تفتكري هو مش عارف حبك ليه، هو رجع لما انت قررتي تبطلي تحبيه مش عشان دايب فيكي
=
"مكنتش عارفه ارد عليها ولا ادافع عنه هو مسابليش الحلو اللي ادافع بيه عنه حتي لما كنت بفتكر ده كان بيدفنهولي قدام عيني، هو دفن وجودي في حياته قبل اي حاجه
***************
تاني يوم روحت نفس الكافيه، وشوفته معاها، شوفت اللي خدته مني وكان في يوم سبب بعدنا، أو دي الشماعه بالنسبالي اللي برمي عليها أخطائه بس غصب عني بكرها، هي خدت اكتر حاجه حبيتها
"عيني جت في عينه، بس انا نظرتي بقيت في العادي وكل اوقاتي بارده، بس عيونه هو كان جواها كسره، كان معاها بس دايما بلاقيه بيخطف من الوقت للتاني نظره، لحد ما چو جه وقعد معايا علي التربيزه وابتدا هزاره اللي بيطلع احلي ما عندي في ضحكتي بسببه
حسيت ساعتها في نظرته بغضب، هو اناني اوي علي فكره، فاكر حياتي هتقف عليه وهو حياته ماشيه مع اللي بيحبها، تؤ انا اللي بيحبني مش هي، قطع تفكيري صوته وهو واقف قدامنا
=نعم!!
_مين ده!!
=أعتقد شئ ميخصكش
_ أنا!! اللي كنت اول حد بتجري عليه تحكيله بقي ميخصنيش
=آه بقي ميخصكش، لما فضلتها عليا بقي ميخصكش، لما كنت بتشوف مشاعري قدام عينيك، مشاعري مكانتش بتصعب عليك!! كنت بهون عليك للدرجادي، لما كنت ببقا هموت وانت بتحكيلي عنها، لما بشوفك بتكلمها حلو وانا بترد عليا بالعافيه، دلوقتي عاوز اي!! انت اناني لييه كده، انا غلطت لما حبيتك بس انا مستاهلش منك كل ده
_
=ساكت ليه مترد، ولا اقولك انا مبقتش حتي عاوزه اسمع صوتك، بيخنقني
=يلا يا چو
ومشيت تاني من الكافيه، بس جوايا لسه بحبه، انا مش عارفه اتعافي من حبه
حبه مملعن، وانا متوبتش
"امضيت وقت كبير في المحاربه من اجلك حتي تبين لي في نهايه المطاف، اني لم اقتل إلا نفسي"
نيره عباس✍🏻 🖤
رائيكوا..
