اسكريبتاتي🖤

حتّى قبل رؤياه كان حبّه ينبت بقلبي"♥

_ مش ملاحظة إن كدا كتير مثلاً !
= أفندم !!
_ لأ مش بعاكس، بقولك مش كدا كتير شفتك 3 مرات النهارده !
" بصّتله وطنّشت ومشيت"
_ لو شفتك تاني تبقا إشارة من ربنا ولازم نبقا صحاب ع فكرة .

_ نور
= ها إرغي مين الكراش الجديد !
_ مش كدا يستّي، مش أنا بطّلت أكراش ع النّاس !
= هتسيبي الناس في حالهم ! لأ كدابة
_ واللهِ يبنتي مش هكراش خلاص، يعني أنا اتكلمت عن شباب مؤخراً !
= شباب يا نيره .. شباااااب
_ طب بُصي هعدّي عليكِ بقا عشان نرغي شويّتين؛ عشان خلّصت مشاويري بدري النّهارده، وأحكيلك عن كراشاتي الجديدة
= تاني يانيره !
_ وللمرة الألف يحبيبي، نيره مش هتبطل تكراش حتّى تحب وربنا ينفخ في صورتها!

_ لأ لأ كدا كتير أوڤر بقا، تتجوزيني !!
" شفته تاني ! ماله ده، بس ضحكني يوغتي عليه "
_ بصي دي رابع مرة في نفس اليوم، صدقيني دي إشارة وأنتي مش واخدة بالك، احنا لازم نتجوّز .
= طب وسّعلي الطريق عشان معلّمش ع أفاك يا ظريف!
_ سرسجية !
= حصل، فروح اعرف كيوت يابا مش عندي أنا الكلام ده، فل يسيدي!
"علّى صوته"
_ ع فكرة بقا أنا هتجوزك، خلصت
"والله ابغي اضمّك لسلسلة كراشاتي اللا منتهيّة هالحين!"

_ نور ده جمر، لأ غيرهم هاذا والله
= هو مين ده
_ معرفهوش والله، بس يستاهل يتكراش عليه، وأنا هدّيله حقه.
= الله يحرق هرموناتك!!
_ قوليلي بقا مين جايّلكم النهارده
= عبدالله  يستّي
_ يطلع مين الكراش الجديد ده!
= ممكن أسُبّلك يا فتاة !
_ ممكن ليه لأ، المهم عبدالله ده يبقا مين، يقربلك إي كدا!
= ده يستّي ابن عمّتي، وأخويا في الرضاعة.
_ الله حلو ده خلاص نتجوزه.
= يالهوااااااي !!
_ لا فين الدلع!!
= أهو جه هقوم أسلم عليه وآجي، تعالي معايا
_ لأ بتكسف
= وش كسوف بسلامتك، يلا يختي يلا

_ لأ لأ لأ كدا كتير !! الخامسة لابسة يجميل بقا.
= سلامٌ وقولٌ من رب رحيم ! أنت جن ومتسلّط عليا صح !
_ ده القدر يا فتاة ناوي يضمّنا "وغمز"
*شكلكم تعرفو بعض!
_ هي دي صحبتك !
*آه هي دي نيره
_ لأ بقت نوري أنا خلاص .
"الاسم وقع ع قلبي  فرتكه!"

_ حلوة وأنتِ بتضحكي يا نيره
= عارف لولا إنّك أخو نور كان زماني هزقتك! ملكش دعوة بيا
_ مليش دعوة غير بيكِي أنتِ خلاص من النهارده.
= نور أنا همشي ..

"وفعلاً مشيت من بيت نور، وكنت عاوزة أروّح دي بقت الساعة 9 بليل وأنا لسه في الشارع! بس مكانش ليا مزاج اروّح، عاوزة أتمشى شويّة وأحضن الهوا جلبي ده"

_ فكرك هسيبك تمشي وحدك في الوقت ده ! لأ بغير ع مراتي
= يبني بس بقا بطل هطل!
_ ضحكتك حلوه اوي، وعينيكِ !
" لأ لأ مبحبّش أحس مشاعر الحريم دي !! مش هتكسف لأ هشتمه!"
_ نبقا صحاب إي رأيك، أنا أصلاً حاطط عيني عليكِي من حكاوي نور، ده غير القدر إلّي بيحاول يجمعنا ده ! مش واخدة بالك .. دي مش صدف ده قدر خلاص ! فإي رأيك صحاب !
"تؤ كراش"
= صحاب.
_ مبدئياً كدا مفيش روچ يتحط تاني، الكحل ده ميتحطّش عينيكِ حلوة من غيره ! الإسود شكله جمر فيكِ متلبسهوش تاني بقا !
= نعم !
_ نعم الله عليكي يروحي
= أنت مجنون !!
_ من يوم ما شفتك
= أنت لسه شايفني النهارده أصلاً!
_ بس حاسس أعرفك من زمان !
= تدري إن ده محن وأمّي تجول حراااام !
_ شششش اسمعي الكلام بغير ع صحبتي الله !
= مش واخد بالك إنّي مليش في الجو ده !
_ جو إي ده ؟
= جو المحن ده
_ بأمانة مش شايفك غير في المحن، وحتّى بُصي لما بقولك كلام حلو وشك بيروح يمين وشمال إزاي !! بتتوتري ! يعني في مشاعر من دي جواكِ، مخبياها ليه بقا !
= بيتي أهو سلام بقا
_ في كلام كتير بيننا خدي بالك، هسيبك دلوقتي بس !

"وإن تكررت الصُّدف فكُفّ عن الإيمان بها وآمن بالقدر؛ فذاك قدرك وليست بِصُدف !"

_ عارفة يانوري
= عرّفني ..
_ أحياناً الحُزن ممكن يتبدّد لو بس تلمح حد بتحبّه، وقتها القلب بيضحك مش بس بيبتسم، شعور لطيف بيصيبُه لمّا يلاقي سبّاب دقّته ونغزته !
= والقلب إن دقّ يسيدي بيتكسر؛ فمالوش لازمة يدق، يضخ دم وهو ساكت .
_ أنتِ معقدة يماما !
= لأ يصحبي جوّ الحب ميلقش عليّا
_ لو مفيش حب في قلبك لحد هتعيشي إزاي !!
= هعيش عادي، هو لازم أتموحن عشان أعيش
_ حبيتِ من قبل صح ؟
= آه حبيت ...
_ إحكي
= كان شخص جميل أوي، شخص مهما أحاول أبعد عن طريقه، تصادفني طرقي في طرقه ! كان ودود وحنيّن جداً ولكنّه كان تمثيل بالنّهاية .. كانت ضحكته حلوة أوي، كنت حقيقي بحسّني بخير جمبه لكنّها يسيدي كانت مشاعر من طرف واحد ..مش هقول عنّه وحش نهائي بالعكس هو لطيف وأتمنّاله كل الخير مع صحبتي.
_ صحبتك!
= آه ما هُو حبّ صحبتي جداً وهي حبّته وحالياً مكتوب كتابهم وفرحهم قريب .. اسمها ليلى اسمها جميل مش كدا؟
_ دول ولاد ..
= متشتمش ! صدقني هم طيبين أوي ! غصب عنها حبّته وهو حبّها، والحمدلله الله كريم مرضيش يسبني في ظلمتي لوحدي وأوجدلي نور في طريقي، وحقيقي هيَّ النور ليّا.
_ متعيطيش !
= بس أنا مش بعيط !

" طلعلي منديل من جيبه وادّاهوني"

_ امسحي دموعك !
= حاضر
_ أكتر شيء زعّلك في حياتك إي ؟
= لما ليلى حبته ليه محكتليش، وهو ليه محكاليش! واللهِ كنت هبعد من غير صدمات .
_ ليكِ علاقة بالأشكال دي لسه!
= يبني دول صحابي .
_ غريبة!
= مش أول حد يقولها.
_ لو حد قالك بحبك هتعملي إي
= أحسنله ميحبّنيش ! أنا أذيت كتير بسبب كدا، الموضوع بالنسبالي بقا كوميدي مش أكتر واللهِ .
_ هتقعي يا نيره في الحب من جديد، إلّي زيك لا يمكن يتسابواْ .. لا يمكن يبنتي!
= يمكن بس معتقدش
_ أنا هنا مش هفلتك وأفوتك أبداً يا نيره.
= أعتبره وعد !
_ اعتبريه.

"چلَّ ما أرادَهُ القلب رفيقاً لحزنه، يداً ممتدّة لتلتحفه من ظلامه، لتقل له: أنا أحبّك!"

_ نور ! مش عاوزة عبدالله يفكرني بحبه !!
= ليه ؟
_ كدا، عشان مش قصدي مشاعري تظهر كدا !
= وأنتِ مشاعرك إي نحيته ..
_ صحبي..
= سكتّي ولسه في كلام جواكِ، ما تقولِيه !
_ حبّيته يا نور !!
= متإكدة !
_ نور أنا بعيّط لو غاب عن عيني لحظة ! عمره ما مدّلي إيده لكن نظراته كانت إيد بتطبطب وتضمّ ! وجوده شفا علّتي يا نور !! بحبّه ..

"والقلب له رأيٌّ آخر ! تُعاهد حالك بألّا يدق قلبك لهذا، ولا يدق إلا لهذا! يالهُ من مشاكس !"

_ عارف يا عبدالله !
= عرفيني
_ أحياناً الحُزن ممكن يتبدّد لو بس تلمح حد بتحبّه، وقتها القلب بيضحك مش بس بيبتسم، شعور لطيف بيصيبُه لمّا يلاقي سبّاب دقّته ونغزته !
= إي !
_ إي !!
= ده كلامي
_ وحبّيته؛ فبقوله ..
= شكلك كدا !
" وطّيت رآسي وابتسمت"
= وقعتِي !
_ وقعت .
= على فكرة ! كنت عارف.
_ ....
= متبصيش كدا بحبك يستّي .
_ على فكرة ! كنت عارفة.
= ....

"حتّى قبل رؤياه كان حبّه ينبت بقلبي"♥😌
نيره عباس💕
رائيكوا♥