- ليه اغلبية قصص الحب بل 95% منها مش بتكمل وبتفشل ياجدو ؟
- ليه سألتي السؤال ده يابنوتي ؟
- عشان شايفه إن ده بقت ظاهرة منتشره وإن الإرتباط دلوقتي بقى حاجة عادية يعني ممكن شاب يرتبط ويسيب يجي عشر مرات في الاسبوع والمشكله إن البنات عارفه كده بس مش عارفه ليه بيكملوا
- ماشاء الله كبرتي يارودي وبقيتي بتفكري في حاجات مهمه ومن واجبي إني ارد عليكِ
ركزي معايا ياحبيبتي
إحنا في زمن دلوقتي غاب فيه الحب بنسبة كبيرة جدًا لدرجة إن اللي بقي يحب حد من قلبه وربنا يجمعهم ببعض دول بالنسبة للمجتمع اللي إحنا فيه دول حاجه غريبه ، ظاهرة إستثنائية ، وللأسف مايعرفوش إن المفروض ده أساس الحياة
نيجي بقي لسؤالك ليه اغلبية قصص الحب بتفشل
هرد علي سؤالك ده بسؤال زيه بس بصيغة مختلفه
هو ازاي الحب بين اتنين يستمر ويكمل لحد ماربنا يكرمهم ببعض؟
انا دايما بقول ان لو الحب صادق والحب اللي بينهم حلال يارودي ربنا هيبارك فيه وربنا عمره ماهيأذي عبده
- هو فيه حب حلال وحب حرام ياجدو؟
طبعا ياحبيبة جدو
الحب ده شيء ربنا زرعه جوه قلوبنا عشان يفرحنا ويهون علينا تعب الدنيا ده
ربنا عزو جل الرحيم بينا ماخلقش الانثى من ضهر الرجل عشان ماتكونش متأخره عنه
ولا خلفه ويكون ذو سلطة عليها
ولا خلقها من امامه عشان ماتكونش هي صاحبة القرار او ده يخلي فيه خلاف مابينهم
بل خلقها من ضلعه عشان يتشاركوا كل شيء ومش بس كده لا كل شيء مابينهم يكون بحب وود ورحمة ولا يكون فيه تنافس زي اللي بنشوفه الايام دي من بعض الرجال والنساء وان كل حد فيهم عايز يفرض شخصيته
عشان كده لازم الحب اللي هيتشاركوه يكون حلال مش حرام
يكون حب بدعوة في قيام الليل
بإستغفار في وقت الفجر
الحب الحلال انه يتقي الله فيكي ويفرحك ويفهم فعلا انك مخلوقه من ضلعه وانكم تتشاركوا كل شيء زي بعض
الحب الحلال انه يجيلك من باب بيتكم مش من رساله علي النت ولا مكالمة علي الفون
الحب الحلال يكون بصدقة في يد فقير وتسأله الدعاء ليكم ربنا يرزقكم ببعض
وبمناسبة الصدقة ياحبيبتي عايز اقولك قصة صغننه خالص عن الصدقة
كان فيه شاب جامعي بيحب بنت جدا وعرف ان الصدقة دي اجرها عظيم جدًا فسمع مره من أحد المشايخ في المسجد ان لو جيت تدي لفقير او لذو حاجة صدقة تسأله الدعاء وتطلب منه يدعيلك بالشيء اللي انت نفسك فيه وهتشوف ربنا هيستجابلك بسرعه قد ايه
وقتها افتكر الشاب ده الست الكبيرة اللي قاعدة قدام باب الجامعة بتاعته بتبيع مناديل ، كل يوم كان بيسلم عليها ويبتسموا لبعض بس ومافكرش حتى انه يتصدقلها بأي حاجة ، بس من يومها يابنوتي وهو بدأ يتصدقلها يوميًا باللي يقدر عليه ويطلب منها انها تدعيله ربنا يرزقه ببنت الحلال اللي هو بيحبها
وكانت دايما تدعيله بالصيغه دي "روح يابني ربنا يرزقك بالموزه اللي انت بتحبها وتنجح وتعدي صافي " كان هو بيفرح اوي وقتها ويضحك من قلبه فعلا ويحس ان الدعوة دي باب امل ليه والحاجة كان صوتها عالي وهي بتدعي الدعوه دي لدرجة ان بتوع الأمن عرفوا الشاب ده من دعوة الحاجة ليه وكانوا بيفضلوا يضحكوا معاه ويبتسموله
لحد ماجه في يوم الشاب ده راح للحاجة واداها اللي فيه النصيب بس هي حست انه مش بخير وان ده مش زي عوايده ومش بيضحك ولا بيبتسم حتى
- مالك يابني انت فيه حاجه مضيقاك؟
- شوية مشاكل بس ياحاجة وان شاء الله هيتحلوا
- خير طيب مشاكل بخصوص حبيبتك؟
- اه ابويا مش موافق ولا ابوها كمان موافق وفيه مشاكل كتير وانا خلاص حاسس ان الموضوع مش هيكمل
- طيب اهدي يابني وامسح دموعك دي وتعالى اقعد جنبي
=اخدته جنبها وطبطبت عليه وقالتله
- عارف يابني من كتر الحب اللي شوفته في عيونك ليها بقيت بدعيلكم في كل صلاة ان ربنا يجمعكم ببعض صدقني يابني ربنا اللي نجا يونس من بطن الحوت وموسى من جبروت فرعون وشفا ايوب من مرضه والكل بيقول مستحيل ده يحصل صدقني قادر ينجيك ويفرحك بيها ويجمعكم بس اكيد ربنا بيختبر صبركم بس ربنا وقت ما يقول للشيء كن فيكون صدقني لو العالم كله اجتمع انهم يبعدوكم عن بعض ماحدش هيقدر ، عليك بس بقيام الليل وتدعي كتير ودايما صلي علي النبي وربنا هيكرمك والله وهيجعلها من نصيبك
= وطلعت شيكولاته من شنطتها وقالتله والله لاتاخد دول مني انا بقي انهارده واضحك كده ياولا بدل مااقول للموزه بتاعتك
= وقتها الشاب باس علي ايدها وفضل يضحك كتير وحس ان فعلا ربنا هيجبر بخاطره وقام دخل علي جامعته
=وبعد اربع شهور الحاجة لقت الشاب ده جاي جري عليها ووشه بيقول انه مبسوط جدا سألته بسرعه
- خطبتها صح ؟
- خطبتها ياحاجه والحمدلله بابا وافق وابوها كمان وافق ووالله مش مصدق لحد دلوقتي انا هموت من الفرحه
=وقتها الحاجه زغرطت وفرحت جدا وقالتله
- مش قولتلك اني بدعيلك وربنا هيستجابلك عشان انت ابن حلال وحبك صادق
- هاتي ايدك ابوسها ياحاجه
- لا ياخويا لاخطيبتك تغير عليك وتزعل مني بقي
- لا ماتخافيش مانا عرفتها بيكي وان شاء الله هتجيلك قريب وهتجيبلك الحلاوه معاها
- حلاوتي انكم بقيتوا مع بعض يابني الحمدلله
- الحمدلله
وده كانت نبذه بسيطه خالص يابنوتي عن الصدقة وفضلها وازاي الحب الحلال ربنا بيستجيبله والحب الحرام اللي متمثل دلوقتي في ارتباط من ورا الاهل وخروج وفسح وحاجات مايعلم بيها الا ربنا ده ربنا عمره ما يبارك فيه ابدا
دلوقتي بقي يابنوتي اقدر اقولك ان قصص الحب مش بتكمل لانه مش حب حلال بيكون مجرد إعجاب وتعود واول ما الظروف تيجي بتعري القناع اللي هما لابسينه اللي اسمه الحب
يكون بيتسلى ببنات الناس وعايز ربنا يرزقه باللي بيحبها
تكون مصاحبه ولاد ولبسها فاضح وعايزه ربنا يرزقها باللي بيحبها
بيكونوا مش بيصلوا ولا يعرفوا حاجه عن ربنا ويقولوا ربنا مش عادل انه مش جمعنا ببعض
اللي بيحب بجد بيتبت في اللي بيحبها وكأنها حورية نازلة من الجنة
اللي بيحب بجد بيحب بالحلال وعمره ما يفكر في يوم يحب حب حرام
اللي بيحب بجد بيعرف ان ربنا خلق الأنثي من ضلعه..
- عشان يتشاركوا كل شيء مابينهم ويحبوا بعض من قلبهم ياجدو
- شاطوره يابنوتي
ربنا يجعل الحب دايما في قلوبنا ويرزقنا باللي يحبنا حب صادق وحب حلال
_نيره عباس ♥😴
_رائكيوا ..🦉🖤
