اسكريبتاتي🖤

الواحد بيبقا مجبر علي حاجات كتير!🖤

-يبني أنجز بقا!
-يبنتي ما تصبري ما انتي اللى جايبلنا خزنه مبتتفتحش!
-انا شوفتها كبيرة قولت هتبقي فيها فلوس كتير وكده؟
-يا حبيبتي ابقي بصي علي شكل القفل مش الحجم!
-خلاص خلاص يلا بس انجز قبل ما ابوك يجي
-ماشي
حاول فيها تاني وانا قعدت علي كرسي بتفرج ومستنية
-طب جرب شنيور؟
-خالتك هتصحي وتصحي الجيران علينا
-يا مسهل
صوت تكه
-هوب اتفتحت اهى..يلا اشكريني
-يعم وسع كده اما نشوف..احيه اى ده؟!!
-إيه؟
-بص
-إيه ده احيه..انا عمال احاول كل ده واشيل معاكي عشان ده؟!
-انا كنت فكراها تقيله مليانه
-تقيله عشان حجمها مش عشان مليانه كنتي رُجيها عشان تحسي مليانه ولا لا
-هرج كل ده إزاى يعنى بروح امك؟!
-خلاص خلاص بصي انتى تاخدى الدبدوب اللي جواها ده تديه لبنت اختك وانا هاخد الخزنه ابيعها
-مرزقه البت دى والله مش زي خالتها
-خالتها فقر وفقرانى من يوم ما عرفتها ما شاء الله عليها
-طب يلا امشي
-امشي انتى، انتى فبيتنا!
-اه صح خلاص وسع..وهات ده
خدت الدبدوب وقبل ما اشيله بالكامل حسيت اني شايلة حاجة تقيله!
-محمد؟
-عاوزه إيه تانى؟
-الدبدوب تقيل ولا انا بيتهيقلي؟
-هاتي كده..اه ده تقيل فعلاً!
-تفتكر مخبين جواه حاجة..هات مقص كده
جاب المقص وبدأت أفتح فيه لقيت بودره كتيره لونها ابيض بتقع من اكياس جواه
بصينا لبعض وقولنا في صوت واحد
-احيه؟!
=دي بودره  يا محمد صح؟
-وانتي يوم ما تسرقي تسرقي تاجر مخدرات؟!
-وانا ايش عرفنى إنه كده الخزنه كانت في محل عادي!
-خلاص خلاص هنعمل إيه دلوقتي؟
-مش عارفه إحنا لازم نتخلص منها دى شبهه
-وحيات امك والفلوس إللى كانت هتطلع مش شبهه؟!
-الفلوس تدارى لكن ده ميتداراش
-بصي انتى خديهم معاكي وارميهم فى اى صندوق زباله زى ما كنتى هتاخدي الدبدوب وانا هلم البهدله دى
-ياربي حتى بنت اختي ملهاش نصيب؟!
-عيله فقر كلكم
-طب ما نبيع البودره دى؟
-ونس احنا اتفقنا نبقي حراميه صغيرين مش تجار مخدرات
-الأخلاق يحكومه
-يلا يابت برا وخدى التهمه اللي جيبهالنا دي معاكي انا غلطان انى بمشي وراكي من الاول
-حاضر يبشه
لميت الدبدوب والاكياس اللى جواه في شنطه وخرجت من عند محمد اللي هو ابن خالتي وجاري وشريكي اصلا وفي الآخر منزلنى لوحدي الحيوان..اروح فين اروح فين سبحان الله مفيش ولا باسكت زباله البلد نضفت دلوقتي؟!
فجأه لقيت عربيه بتقف جنبي شاب قمر راكبها وجنبه ست كبيره
-لو سمحتي؟
-نعم؟
-حضرتك من هنا؟
-اه
-طب ممكن أعرف عماره رقم ١٥ب فين؟
-عمارتي
-حضرتك فيها؟ طب اركبي نوصلك معانا
-لا شكرا انا لسه هعمل حاجات
-طب هي فين؟
-الشارع اللي بعد ده ع اليمين
-طب تعرفي بنت ساكنه فيها أسمها ونس؟
-ااا..اه مالها؟
نزل من العربيه عشان يكلمنى احسن
-مفيش انا و والدتي رايحين نتعرف علي أهلها بالاتفاق معاهم يعنى وانا مشوفتهاش قبل كده فقولت اسأل يعنى تعرفيها تعرفي أخلاقها وكده؟
-ازاى ماما مقالتليش حاجه زى كده؟!
-وانتى مالك امك؟
-نعم؟
-قصدى مامتك هتعرف ليه ان جارتكوا جايلها عريس؟
طب اقوله انى العروسه بشكلي ده فيطفش ولا اسيبه يتفاجئ ويطفش بردوا؟
-ااا..أصل انا ونس
أنا حراميه اه كدابه لا
-بجد..تمام اهلاً وسهلاً طب ممكن تركبي معانا نوصلك في طريقنا ونقعد مع اهلك
-لا مش هينفع اصل انا لازم ااا...
-لازم إيه؟
-خلاص خلاص جايه
-تمام اتفضلي..ونس يا ماما العروسه
امه استغربت جدًا
-العروسة؟! وإيه اللي منزلها دلوقتي واحنا جايين
-احم..تلاقيها كانت رايحه تشتري حاجه يا ماما خلاص
تقريبا حس انها احرجتني
-تمام اتفضلي يا حبيبتى
انا هركب بالمصيبه اللي شيلاها دى واروح ازاي؟!
-اتفضلوا اتفضلوا..يا ماماااا
سيبتهم مع ماما وجريت ادارى المصيبه اللى معايا قبل ما تاخد بالها..غيرت هدومى وظبطت شكلي وخرجتلهم تاني
-انتي ازاى يا هدي متقوليش لبنتك أننا جايين بقا ده اسمه كلام؟
-كنت فكراكم هتيجوا بليل والله مكنتش اعرف أنكم هتيجوا بدرى
تقومي مخزوقانى كده يا ماما دى آخرتها؟
كانت قاعده لطيفه جدا مفيهاش اى رسميات وفي الاخر مشيوا وقالوا انهم هيجوا تاني اتمنيت ده فعلاً لأنه قمر جدا وشكله ابن ناس..قومت دخلت اوضتى واتصلت بمحمد حكيتله اللى حصل:
-انت لازم تيجي تاخدها حالا ترميها ف اى حته
-مش هعرف انا يدوب وديت الخزنه بيعتها ودلوقتي مع ابويا فشغله..بيتيها عندك مش هيحصل حاجه يعني!
-طيب
قفلت معاه ونمت من تعب اليوم
-ونس ونس..اصحي روقي اوضتك ولمي الجبس اللى تحت سريرك ده عشان القطه بهدلته..انتى جايبه جبس ليه تحت سريرك؟
-جبس اى دى بودره
-إيه؟!
ادركت انى مش بحلم وفوقت
-ااااه بودره جبس مش الجبس نفسه
-انتي بتقولي إيه؟
-هلمه اهو حاضر
سابتنى وخرجت برا الاوضه
-اوبس كنت هضيعني يارب الكابوس ده يخلص بقا ياريته كان دبدوب عادي
جت القطه قعدت جنبي
-حبكت لأمك تلعبي ف الكيس ده
سكتت وبصت علي السقف
-ايوه اعملي نفسك عبيطة
لميت الدنيا واتصلت بمحمد:
-تيجي تاخده حالا انا سؤالين كمان وهتقفش!
-خلاص حاضر ساعه بالكتير وهكون عندك
-تمام
قعدت ع التليفون شويه بلعب عليه لحد ما يجي
-ونس محمد ابن خالتك جه وعاوزك
-حاضر
خرجت اديته الشنطه ومشي وبعد عشر دقايق لقيته بيخبط تاني!
-في إيه؟
-امى كانت جيالكم وقابلتنى تحت وانا معرفش وصممت تعرف إيه ده فقولتلها بتاع ونس هديهولها وهى طالعه ورايا اهى خبيه بسرعه
-يادى النيله!!
دخلت خبيته بسرعه وخرجت سلمت علي خالتو وقعدنا سوا وهما مروحين مسكت محمد ع جنب
-ساعه توصل امك وتيجي تاخده ترميه
-حاضر حاولى بردوا تنزلى انتى ارميها؟
-خلاص هحاول حاضر
قفلنا الباب وراهم
-يلا يا ونس روحي اجهزي عشان مصطفي جاي
-احيه مصطفي مين؟
-العريس المره دى رسمي بقا
-يالهوي
اجلت رمي الكيس ولبست عشان العريس جه وقعدت معاه واتفقنا علي حاجات مبدئيه ولما نزلوا غيرت ونزلت علشان ارمي الشنطة فقابلت محمد علي السلم
-إيه هترميها
-أه تعالا معايا
-ماشي
شال الشنطه ووصلنا لحد الباسكت وقبل ما نرميها لقيت مصطفي ورايا!
-ونس؟
-مصطفي؟!
-مين ده؟
-ده..دااا محمد ابن خالتي
-ابن خالتي؟ والله؟وإيه ده؟
-ده..ده جبس
-ليه رايحين تشطبوا شقه؟
-لا لا اااا..اااا
-وريني
حاولنا نمنعه انا ومحمد لكنه شد الشنطة وفتحها
-بودره؟!
-اطفال
-نعم؟!
-بودره اطفال
-كل ده؟!
-لا..ااا..ما تتكلم يا محمد!
-اسكتي بقا انتي اللى حطتينا في الموقف ده
-انا؟
-اه انتي اللى خلتينا نبدأ سرقه وانتي اللى جبتي الخزنه اللي فيها القرف ده وانتى اللي جالك العريس ده انتى اللي حطتينا في كل ده!
-انت بتكلمني انا؟
-ايوه انتى وانا بساعدك زى الحمار عشان بحبك ونفسي نبطل وفي الاخر يجيلك عريس وموافقه وخايفه تتكشفي طب اهو مصيبه بمصيبه بقا
سكت ومعرفتش اتكلم..مصطفي بصلي بقرف ومشي ومحمد مشي من الناحية التانيه وانا وقفت فالنص قدام الباسكت ومحسيتش باختلافي عنه..ساعات الواحد بيبقا مجبر علي حاجات كتير بس للأسف ساعات كتير بيتعود عليها بمزاجه!
*نيره عباس*!!⁦
رائيكوا...