-لأ لأ مش عاجبني عيد تاني
-أعيد إيه حضرتك؟!
-السيشن
-هعيد سيشن كامل إزاي أنتي عارفه دول كام صوره؟
-كام يعني؟
-أنتي أتصورتي تقريبًا أربعين طلعنا منهم حوالي عشرين كانوا عاجبينك في إيه بقا؟
-ما بقوا مش عاجبني
-نعم يا عنيا؟!
وطيت صوتي -مش عاجبني
-ليه بقا؟
-يعني حاسه إن ممكن يطلع حاجة أحلي
-أحلي من كده إيه وبعدين لسه في إيديت وكده
-يعني خلاص كده؟
-أه
-متأكد أنهم حلوين؟
-أه
-طب حلوين ليه؟
-عشان تصويري
-أنت ليه محسسني إنك نازل سيشن تصوير مع هوا؟
-بتقولي كده ليه؟
-هو إيه اللي حلو عشان تصويرك أومال مين اللي كان بيتصور؟
-أنتي
-يبقي إيه اللي حلو في الصور؟
-تصويري
-ياربي!
خلصنا وروحت غيرت هدومي وكلمت حبيبة:
-ما أنتي بردوا غبيه عاوزاه يعيد السيشن تاني ليه كل مرة تعصبيه كده وتزعلي أما يردهالك؟
-ما أنا بخاف يشوف صوره وحشه ليا هكة ولا هكة وتشوة صورتي قدامه كفاية اللي بتغفل فيهم
-لأ بصي بقا أنتي أعجبتي بيه في المواصلات وقولنا عادي بتحصلنا كلنا، ضربتي عينك في موبايله وجبتي الأكونت وسكتنا، عرفتي إنه فوتجرافر وخلصتي فلوسي وفلوسك عشان تنزلي سيشنات معاه وتجبيلها هدوم وقولنا معلش سيبي البت تفرح..لكن تدخلي في شغل الراجل كده مجهودنا كله هيروح علي الأرض!
-أعمل إيه طيب ما هو اللي خطف قلبي وأنا لازم أرجعه..أو أوقعه هو كمان مش ضامنه
-خلاص ريحيه بقا في الشغل وخليكي رقيقه كده زي البنات كفاية دبش!
-حبيبه حبيبتي قولتلك مية مرة الدبش ده جزء من شخصيتي ومن حياتي زي محمد كده
-ماشي ياختي
-طب بقولك هننزل نجيب طقم السيشن الجديد أمتي؟
-صبرني يارب!
قفلت معاها وقبل ما أنام فضلت أفكر في حجه للسيشن الجديد وهلبس إيه ولما نتقابل هنقول إيه والوان الصالون وأسامي عيالنا!
"يا صباح الرعب الساعة ٦ وعلي المقيمين خارج مدينة الرعب المحافظة علي فروق التوقيـ.."
طفيت المنبة وصحيت لبست وروحت الجامعة قابلت حبيبة.
-طب بصي أنا عندي جيبة بلسيه وممكن نشتري بلـ..
-حيلك حيلك أهدي كده وكفاية سيشينات أنتي لسه كنتي معاه أمبارح اتقلي شوية وبعدين ورانا بريزنتيشن الأسبوع الجاي ولازم نجهزله أهم
-يالهوي بريزنتيشن إيه..هنجهزله إزاي طيب؟
-نجهز الموضوع والداتا وهنقول إيه ونشرح إزاي ونقسمها علينا وكده
فكرت دقيقة -وهنلبس إيه؟
نفخت بنفاذ صبر -فورمال أكيد
-حلو ننزل نجيبه مع لبس السيشن
-أنتي أبوكي ورث؟ قولي أه أه متتكسفيش؟!
خلصنا المحاضرة والسيكشن وروحنا وبعد ساعة كلمتها تاني عشان مليش غيرها يشاركني أفكاري:
-طب هو مفيش مرة كده يقولي نخرج من غير سيشن، خلاص كل الصور الحلوة دي مش جايبه نتيجة؟
-صور حلوة إيه يا ونس ده هو نفسة أحلي منك؟!
-بت جوز أختك عيب!
-جوز إيه أتنيلي ده مش بيعاكسك حتي
-طب أفرضي عاكسني؟
-أنتي متتوصيش هترمي دبشتين من عندك
-لأ أنا هتكسف؟
-دلوقتي بقيتي قطة؟
-يعني هو يعني اللي هيعاكس ده لوح!
"أتعلم أمرًا؟..ما لبث قلبي أن نظر إليك حتي أعلن عن أستقرار روحه بروحك، فما بالك تنظر لي كغريب وأنت حبيب؟!"
# ونس
قفلت معاها وقررت أني هتغدي وأذاكر شوية وأنام عشان أتقل عليه شوية زي ما قالتلي:
-محمد..محمد..محمد؟
-إيه يا باشا إيه الأخبار؟
-الحمد لله تمام كان عندي بريزنتيشن في الجامعة وهنلبس فورمال وكده وكنت عاوزاك تيجي تصورنا لو مش هعطلك؟
-أنا أول مرة أشوف واحده بتحب تتصور كده ده أنا لسه مبعتلكيش صور أمبارح..علي العموم أنتي تؤمري هيبقي أمتي إن شاء الله؟
-الحد الجاي
-تمام
أنا مش بحب اتصور أنا بحب لوح!
تاني يوم نزلنا أنا وحبيبة جبنا اللبس وبدأنا التحضير للبريزنتيشن، أتفقت معاه إنه يجي من أول اليوم ويصورنا وأحنا بنقدم وقبل وبعد وفعلاً جه بدري، كانت أول مرة أطلع أتكلم قدام عدد كده وكنت متوترة لدرجة إني مكنتش عارفة أتكلم معاه..وجودة أصلاً وإنه هيتفرج عليا ده سبب كفاية يوترني
-قوليلي بقا هتقدموه عن إيه؟
-المفروض أننا..أننا نعمل مقارنه بين عيدين..يعني عيد وعيد وكده بقا وبس كده
-طب أنتي متوترة ليه؟
-عشانك..قصدي عشان أما تصورني وأنا بتكلم أصل بتكسف أتكلم
-أنتي؟ ده أنتي مفكيش غير لسان؟!
-وأنت مفيش تربية كده؟
-شوفتي!
سكت شوية -مفيش غيرة لفت نظرك؟
-هو إيه؟
-لساني
-لأ أكيد في حاجات حلوة
-زي؟
-زي أنك بتـ..
-يلا يا ونس دورنا
-مش وقتك خالص يا حبيبة!
ضحك فوترني أكتر
-تعالا أقف تحت جنبي..جنبنا عشان تصور أحسن وكده
-ماشي
قومنا من المدرج ونزلنا تحت وبدأنا نطلع بالترتيب كنت الرابعة
-لأ لأ أنا متوترة أوي أطلعي يا حبيبة مكاني
-لأ مينفعش لازم كلنا
-فيه إيه يا ونس عادي يعني هتطلعي تقولي كلمتين وخلاص، بصي أعتبري نفسك واقفه مفيش حد قدامك..أو بصيلي أنا بس عشان العدد ميقلقكيش
-لا مش هينفع أبصلك
-ليه؟
-هتوتر أكتر..قصدي الصور مش هتبقي حلوة لازم أبص للناس
-خلاص بصيلهم بس كأنك مش شيفاهم
-خلاص حاضر يلا طالعة
-أستني
سكت شوية وبعدها أتكلم بتوتر -هو مش وقتها بس أنا..أنا بحبك!
-إيه؟!
-يلا يا ونس
-مش وقتك خالص يا حبيبة!
طلعت وبدأت أقول الكلام بسرعة وكأني حفظاه بتوتر وعاوزة أضحك وتقريبًا ضيعت نص الدرجات وبرستيجي معاهم، نزلت لقيته واقف هو وحبيبة بيضحكوا عليا وعلي منظري فضحكت معاهم
-طبعًا مصورتش حاجة؟
-لأ صورت والله بصي
-لأ لأ مش عاجبني عيد تاني
-أعيدهالك إزاي دي؟!
-أتصرف
-ليه طيب ما هما حلوين أهو؟
-بجد حلوين؟
-أه
-حلوين ليه؟
-عشان أنتي فيها
-بجد يعني شكلي حلو؟
-جدًا
-بتطبلي عشان متعيدهاش ومزعلش صح؟
-هو لا كده عاجب ولا كده عاجب!
-طب كنت بتقول إيه بقا قبل ما أطلع
-كنت بقول إني بحـ..
-أحم أحم أنا واقفة
-مش وقتك خالص يا حبيبة!
" ما بالي أنتظرك كطفلة سُلبت منها كل الأمال عداك؟ فلتقترب وتسكُن قلبي وتحطم أسوارك علّ قلبي ينتفض فرحًا وإياك!"
نيره عباس...
رائيكوا
