"سكريبت".
-كابتن، كابتن!
بينتبه لها
--ايوا؟
-معاك موبايل؟
--ايه السؤال الغريب ده طبعًا معايا.
-ممكن نتصور؟
--ايه؟
-عندك سناب شات؟
--سناب شات؟
-مالك هو أنا بقول حاجه عيب، تعالى نتصور بالكلب يلا.
--يبنتي انتِ عايزه مني ايه؟
-عايزة نتصور، أصل انا معنديش حد أتصور معاه هنا في الجامعة فـ شوفتك واقف لوحدك زي قولت أجي أتصور معاك.
--تعالي نتصور، بس حوار الكلب ده بلاش منه أرجوك
-حاضر.
-- انتِ فطرتي؟
-نعم؟ شكلك فهمتني غلط!
--مش قصدي والله مش انتِ لوحدك هنا واكيد من الصبح فـ جوعتي وأنا كمان هموت من الجوع ومبعرفش أكل مع حالي ممكن تيجي نفطر سوا؟
-يلا.
مشيوا مع بعض برا الكلية وراحوا لأقرب مكان يقعدوا فيه!
--انتِ مقولتليش اسمك؟
-فرح.
--جميل اسمك.
-شكرًا، وانت؟
--سليم.
-حلو!
ابتسم ابتسامة خفيفة كده.
--أدينا أكلنا، والشاي بقاله ساعه وزمانه برد مبتشربيش ليه؟
-بصراحة الشاي من غير سكر، وأنا مكسوفة أقولك تنادي على حد!
--لا ما أنا الي طالبه كده.
-ده ليه؟
--بصراحة .. معرفش إزاي هيجيلك قلب تاكلي نفسك كده؟
-مش فاهمة؟ آآآآآه.
ضحكت ضحكة بكسوف كدة ووشها أحمر!
--طب يلا نمشي؟
-يلا.
-شكرًا انك اتقبلت جناني ده ومتضايقتش!
-أضايق من ايه حقيقي انا محصليش حاجة لطيفة كده من زمان!
--بجد انا لطيفة؟
-جدًا وملامحك جميلة كمان .. مش مجاملة عشان انتِ بنت.
--طب ليه محدش بيصاحبني؟ كنت فاكرة نفسي وحشة، وتقيلة على قلوب الناس عشان كدة مبيتعاملوش معايا.
-مين قال كده؟
--انتِ روحك حلوة وتلقائية وانا أستلطفتك ووالله، اسف بس لازم أمشي، هشوفك أمتى تاني؟
-مش عارفة هشوفك تاني ولا لا أصلًا.
--ليه كده؟
-اصل انا مش باجي كتير عشان معنديش حد اقعد معاه.
--وأنا؟
-انتَ ايه؟
--مش بقينا صحاب، تعالي بقى وانا كمان هعرفك عالكلية كويس!
-هحاول.
--هستناكِ.
-مع السلامة.
* تاني يوم *
--أستنيتك كتير على فكرة يا أستاذ!
-قاعد بقالي ساعة بدور عليكِ!
--اصل بصراحة شوفت قطة روحت ألعب معاها، شيلتها ودخلت بيها القاعة لاقيت البنات كلها طلعت فوق البنشات، من كتر الضحك القطة فلتت من إيدي راحت ناطة عالبنشات والبنات قعدت تشيصاااوت تشيصاوتتتت "بصوت عبلة كامل" أخدت بعضي وطلعت كده كده محدش يعرفني فيهم!
هو واقف بيبصلها وعمال يضحك، وهي واقفة بتضحك على ضحكه ومستغربة!
--أقسم بالله مضحكتش الضحك ده في حياتي.
-وجودك مبهج والله.
--كنت فاكره دمي تقيل عشان كده مشيت بسرعة.
-يبنتي والله انتِ جميله مالك؟
--احم احم هنعمل ايه النهاردة؟
-هاخدك مكاني المفضل.
--فين ده؟
-تعالي بس
أخدها وفضلوا ماشيين مسافة كبيرة لحد ما وصلوا مكان غريب!
--ايه ده؟
-بصي بقى أنا مش عارف أيه الي خلاني أعمل كدة، بس المكان ده في كل ذكرياتي من ساعة ما أتولدت لحد اللحظة الي أحنا واقفين فيها مع بعض محدش يعرف عنه حاجة ولا عمري أمنت لحد عليه، غيرك!
-أشمعنا يعني؟
--بصراحة حسيتك مختلفة عن كل الي دخلوا حياتي، بسيطة كدة ولطيفة بتتعاملي بتلقائية، و لوحدك زيي، ملقتش ألطف منك آشاركه جزء من حياتي.
-أنتَ فرحتني أوي على فكرة.
--تعالي يستي بقى أفرجك على باقي المكان ..
أخدها ولف بيها المعرض وفضل يتكلم معاها ويحكيلها كل تفصيله في حياته وهي مجرد مستمعة أخر اليوم بعد ما خلصوا وتعبوا من كتر الكلام.
--أنا مبسوطة جدًا انك قدرت تشاركني جزء من حياتك أو حقيقي هي كل حياتك.
-هي فعلًا كل حياتي، أتمنى مكونش ضيعت عليكِ حاجة مهمة في اليوم ده.
--كنت أهم مافي اليوم.
معرفش يرد عليها بس الكلمة أدخلت على قلبه السرور ..
-هشوفِك بكرة؟
--بإذن الله .
سابوا بعض وكل واحد فيهم على وشه ابتسامه فضلت على وشهم لفتره .. الطبيعي ان اي اتنين لازم ياخدوا على بعض فترة، يدرسوا بعض عيوب، مميزات، طبع ...
لكن سليم وفرح مقدروش يمنعوا نفسهم قربوا من بعض بسرعه و ..
-مش عارف أنا أتصلت بيكِ في الوقت ده ليه؟ بس حسيت اني عايز أكلمك ..
--كنت مترددة جدًا أكلمك، قولت إنك نمت، كنت عايزني في ايه؟
-مش عارف بس حسيت اني لازم أسمع صوتك قبل ما أنام، كلمتك لسه في ودني من ساعتها، معقول بقيت شخص مهم في يومك؟
--مش أكتر من إنك رجعت ثقتي في نفسي وخلتني شخص قريب منك في يومين كده!
-فرح ..
-- يارب!
-مالِك؟
-- قلقانة !!
-من إيه؟
-- مش عارفة حاسة اني عايزة أقول حاجة بس مش عارفة ..
- إيه؟
--إيه؟
-قولي!!!
-- ....
-أقول انا؟
-- .............
-بحبك.
-- أهو حصل الي كنت خايفة منه!!
-اه بحبك، هتقوليلي من يومين؟ هقولك من أول ساعه أتكلمنا مع بعض فيها حقيقي أنا مأمنتش حد على حياتي كدة، كنت فاكر هفضل طول العمر لوحدي، لاقيتك شخص مختلف في كل الصفات الي بدور عليها، لاقيت فيكِ جمال داخلي وبراءة، لاقيت نصي الي عمري ما أتوقعت اني ألاقيه في يومين!
بقولهالك يفرح أنا بحبك، ومحتاجك تكلمي معايا الطريق ده لو تواضعتي ووافقتي!
-- لا طبعًا!
-فرح!!
--سليم!!
-فرررح!
--سليييم!
-يفرح إنجزي هشتم!
-مكسوفه الله.
--تمام تصبحي على خير!
-لا خلاص خلاص، وأنا كمان.
--وانتِ كمان ايه؟
-بـ ...
--
-بحبك، ومتطلبش مني أقولها تاني!
لا لا خلاص يسليم والله مش قادرة.
--مش قادرة ايه ي مجنونه!
-قلبي!
--ماله؟
-مش عارفة حاسه انه بيترعش كده هو أنا هموت يسليم؟ الله يخربيتك، ملحقتش أفرح.
--وأنا مالي، بقولك ايه انا اصلًا كنت بهزر يلا أشوفك في جهنم!
-سليم.
--ما انتِ مستفزة!
-خلاص، بحبك بقى!
--قولي تاني كده؟
-بحبك يسليم، بحبك!
--شكلي وقعت واقعه ومحدش هينجدني!
"جئتِ مُبهجة لتبتهج بكِ حياتي، أكملت بكِ نصفي الآخر، فرح انتِ وصفًا وليس إسمًا ..
نيره عباس...
رائيكوا..
