ويبقى الأمل

الفصل السادس 💙

الفصل السادس :
6/6/2020

‏"نحن لا نستحق أن نهون أو يُهان بنا." 💜

جلس كلا من طاهر ومصطفى بمفردهما فور مغادرة عامر والذي تعلل بعمله وأمل والتي تعللت بالإطمئنان علي ياسين وبالطبع كانت تلك الاسباب ستار لمدراة التخبط والحيرة التي يشعر بها كلا منهما…!!

خلع طاهر معطفه الثقيل وألقاه باهمال بجواره وهتف بنزق :

- افهم يعني رابطني جنبك ومش راضي تسبني اروح شغلي ليه وكمان حوار ان اتجوز تاني حاليا يعتبر خيال علمي بالنسبة ليا ها خيال علمي متحلمش

- فطرت ولا تفطر معايا

اجابه مصطفى باسترخاء تام متجاهلا ضيقه الواضح وغيظه البائن في حديثه…

عض طاهر باطن فمه بعنف مانعا ذاته من القاء الجالس بجواره بلفظ بذيئ…!!!

فذلك الرجل يتمتع ببرود اعصاب يكفي لاعصابته بضغط دم في الحال وارغم نفسه على الحديث بهدوء قائلا :

- معلش لا مؤاخذة في السؤال انت جايب البرود ده منين

- برود ايه ما انا طبيعي اهو

اردف مصطفي بتلقائية لينفجر طاهر صائحا بغيظ :

- طبيعي ازاي يعني معاليك في اقل من ساعة زمن جوزت ابنك ودكتورة حفيدك غصب عنهم وجاي دلوقتي قررت اني اتجوز بالنيابة عني ومش بس كده عايزني اتجوز من واحدة شفتها مرة واحدة بس مرة يا حج وبعد ده كله قاعد بمنتهى البرود تقولي فطرت ولا تفطر معايا لا وكمان بتسألني برود ايه ما انا طبيعي اهو الصبر يارب !!

صرخ بآخر حديثه بصوت جهور عندما ابتسم له مصطفى مخبرا اياه من خلال تلك الابتسامة بعدم تأثره بحديثه الغاضب …واتبع بسمته بقوله المتزن والواثق :

- اولا انا مغصبتش عامر وامل علي الجواز هما وافقوا بكامل ارادتهم ثانيا

- ثانيا ايه يا ابو ثانيا انت نخلص من اولا دي وبعدين نشوف ثانيا و عاشرا بتقول مغصبتش مين يا عنيا

-اظن كلامي واضح الجوازة تمت برضاهم

- حصل دا حتي انا شوفت عامر وهو بيقولك جوازهاني يا بابا هموت واتجوزها مقدرش اعيش من غيرها هي الهوا الي بتنفسه يا بابا هي اكسجين الروح يا حج

اردف طاهر بسخرية غاضبة كردا منه علي حديث مصطفى في حين ابتسم مصطفى له باستفزاز هاتفا :

- لا مش لدرجة اكسجين الروح يعني

- الطم ولا اشد في شعري يعني ويقولوا الواد اتجنن يا ناس

- طاهر يا حبيب خالك عامر وامل اتجوزوا برضاهم وانا عارف انا بقول ايه كويس

اردف مصطفى بغموض ممزوج بثقة تامة جعلت طاهر يهدأ قليلا رغم عدم اقتناعه ثم استكمل حديثه قائلا :