ويبقى الأمل

الفصل الثاني عشر 💛

الفصل الثاني عشر :
٢٠٢٠/٧/٦

"ـ أمّا القريب فقال: "اقتلُوا يوسف"
ـ وأمّا الغريب فقال: "أكرمي مثواه"

- إنَّ الحُبَّ رزق، وإنك لا تعرفُ في أي قلبٍ رزقك💙"

لم تنتبه أمل للسخرية المنبثقة من حروف وترجمت جملته على انها وصف لحقيقته بينما رمقها عامر بغضب ظنها سئ به لاقصي درجة رفعت عينيها مرة أخري عن تلك الاوراق لتهتف :

- ايه الورق ده

جذب الارواق من يديها ليمسك باحداهما قائلا بضيق :

- دي عقد الشقة الي كتبتها باسمك لما عرفت حكايتك عشان لو مرتحناش مع بعض يبقي عندك مكانك الخاصة بيكي ومحدش يقدر يتحكم فيكي يا دكتورة وده عقد العيادة بتاعتك عشان يبقي عندك بيتك وشغلك كنت ناوي اعملها مفجأة ليكي بس قولت لازم تعرفي حقيقت الراجل الزبالة الي اتجوزتيه ودي بقا ورقة ناقصة امضت معاليكي عشان افتح حساب بنكي ليكي احولك عليه مرتبك الشهري هنا عرفت بقا انا ازاي زوج واطي بستغل حاجة مراتي يا امل ولا لسه... عايزة تسيبي البيت براحتك هوصلك شقتك وطبعا كل مصاريفك واحتياجاتك عليا من غير ما تطلبي لكن طلاق مش هطلق يا أمل شوفي هتعملي ايه

للحظات دارت بها الأفكار لا تدرك ماذا يريد منها ان كان نادما علي الزواج منها اذا فلم ذلك التمسك بها ورفضه للتخلي عنها ؟ وحديثه الآخير أخبرها انه يخطط لانهاء تلك العلاقة او ربما يشك في نجاحها ؟!...

لكن حديثه مع والده ينافي مع يفعله الآن معها ...تنهدت بصوت مرتفع لتردف بنبرة خرجت حادة رغما عنها :

- فلوسك مش عايزة منها حاجة وكلامك ده مش هيصلح الي انت عملته

- وايه الي انا عملته اصلا

تسأل بتهكم ولم تروقه نبرتها الحادة واجابته هي بانفعال وقد أغضبها السخرية في حديثه :

-سيادتك من شوية كنت بتذلني اني ماليش حد وبتستغل اني مقدرش الجئ لحد من اهلي

- انا ذلتلك !! الظاهر ان عقلك مش قادر يفهم كلامي يا دكتورة لما اتكلمت عن اهلك قصدي اوضحلك انك مينفعش تجيبي سيرتهم نهائي مش تقولي هروح لحد منهم يعني الغلط من الاول عندك كنت تقدري تقولي انك هتدوري علي شقة مثلا وقتها كنت هقولك ماشي وادور معاكي كمان يا ستي مش تقوليلي رايحة لحد من اهلي ولأ وزعلانة قوي ان اتعصبت عليكي

هدر بصوت مرتفع غاضبا من اتهامها الباطل له قد تكون خانته كلماته وأساء اختيار عبارته لايصال غرضه لها ...

كاد يتحدث مرة أخري موضحا لها الأمر لتعاجله هي بهتافها الغاضب كملامحها المنفعلة :

- والله وانا اعرف قصدك منين انا بتعامل معاك باللي بشوفه منك والي بتقوله ، اما نيتك الطيبة اللي مدفونة داخل أعماق حضرتك ما تلزمنيش !!