ويبقى الأمل

خبر حلو 💙💃💃

أخيرا أخيرا أخيرا أخيرا 😂 روايتي الأولي خلصت اخر فصل نزلته من شوية فرحانة بجد رغم ان الرواية مفيش ليها متابعين خالص بس برضه فرحانة وبجد نفسي تقروها وتقوليلي رايكم الرواية دي

خدت فيها انتقادات كتير وناس معجبتهاش خالص بس تفضل اول رواية طويلة ليا ومعتزة بيها وسعيدة اني خلصتها حتي لو انا بس الي قرأها بعدين فاضل فيها خاتمة ودي هتكون سعادة في سعادة هييح 😂😂💃💃❤

وبمناسبة الخبر ده بكرة باذن الله هنزل ليكم فصلين من روايتنا دي 💃💃 وهيكونوا طوال كمان عشان الحلوين بس ميضايقوش 💛💛😻😻

اقتباس من الرواية الاولي :

مساءا بمزرعة حسان كانت مريم تعبث برسماتها القديمة وزكرياتها السابقة لذلك المكان الذي حوي اجمل لحظاتها واحزنها ايضا توقفت يديها عندما التقت احدي الرسومات الخاصة بعمرو والتي كانت ترسمها له دائما شعور بالحنين طخى عليها تنهدت بألم ممزوج بحزن دفين بداخلها كانت ان تلقيها من يدها لتتفاجئ بعمرو يمسك بيدها هامسا :

- هيهون عليكي عمرو

- عادي ما انا هونت عليه

- استحالة تهوني يا مريم لو هونتي مكنتيش دلوقتي مراتي

- عايز ايه يا عمرو انا تعبت ومش هتحمل حاجة تاني

- عايزك ترمي همك عليا وارمي همي عليكي عايزك تكوني امي واختي وبنتي ومراتي وحبيتي عايزك تشوفيني ابوكي واخوكي وابنك وحبيبك وجوزك وكل دنياتك زي ما انتي هتكوني  العالم كله ليا

أخبرها بهدوء وقد ظهرت عاطفته بوضوح بنبرة الترجي الخاصة بحديث في حين رمقته مريم بالم قبل ان تجيب بتهكم ظهر به ألم :

- بالبساطة دي للاسف انا غير صالحة للحياة الي انت بتقول عليها بلاش خيال يا عمرو

- ومين قالك اني انا الي صالح للحياة دي احنا الاتنين هنقوي بعض عارف اننا هنشوف تعب في النص بس الآخر هلاقي الراحة صديقني يا مريم انتي ليا وانا ليكي احنا نصيب بعض من الدنيا

اتبع قوله بغمرها بداخل أحضانه بقوة لتنهار ببكاء كتم لوقت طويل وهتفت من بينا شهقتها :

- انا تعبت والله تعبت عمري ما أذيت حد بس الحياة كلها ضدي وبتجي عليا من غير سبب انا بقيت خايفة من بكرة بقيت مهزوزة وضعيفة قوي

- اعتبريني قوتك ضعفك هيتنهى قريب صيبك من السعادة لسه مجاش احنا مع بعض هنبني حياة بعيدة عن حسان ابو الطيب وحامد الجيزواي بعيدا عن اهلي واهلك هنبعد عن الكل لحد ما نصلح الي اتكسر جوانا طول ما انتي معايا وانا معاكي يبقي مفيش حاجة تستاهل حزنك انتي اماني وراحتي يا مريم

وكان حديثه نابعا من اعماق اعماقه ومن داخل روحه الباحثة عن ملجئ للأمان ضمته هي الأخري بضعف آملا في تنفيذ وعده له!!

&&&&&

تصبحوا علي خير ❤❤💞😻😻

انا لما بقول ان الرواية ملهاش متابعين خالص 🐵

انتوا 👇😂😂