حبيب خيالـي

الفصل السابع

الفصل السابع

.. في منزل عداله ..

حيرت قلبي معاك وأنا بداري و أخبي.. قولي أعمل إيه وياك ولا أعمل إيه وياه قلبي.. بدي أشكيلك من نار حبي.. بدي أحكيلك علي في قلبي.. و أقولك على سهرني.. وأقولك على اللي بكاني.. وأصورلك ضنا روحي.. و عزة نفسي منعاااني..🎶💜

كان هذا صوت كوكب الشرق أم كلثوم آتي كالعادة من غرفة الرسم فهي تحب ترسم في ذلك الوقت ، ترسم صاحب تفكيرها ، المسلط علي تفكيرها إلي الآن ، الشخص الذي لم تعرف منين جاء و بدقيقه حديث معه شغل بالها كل هذا الوقت ، ترسم من جعلته رفيقاً ,صاحباً ,أخاً ,أباً و حبيباً بخيالها كل هذا من شعورها بالأمان معه..
لتسأل نفسها بحيره ؛ هو معقول أحب حد معرفوش و أرسم معاه أيامي وأتخيله فيها وغير كده كمان اتوقع ملامحه وارسمها في كذا صوره مش معقول ، يارتني أشوفك ولو ثانيه اشوف ملامحك بس.. اااه ايه اللي حصلي ده بس.... قاطعها جرس منزلها الذي يتعالى

ما أن فتحت الباب لتجده يقف بشموخ وكبرياء لينقبض قلبها بخوف تهتف بارتجاف : جمال بيه !
_رمقها بإحتقار هاتفا بسخريه : مش هتدخليني ولا ايه يابنت اخويا .
_ارتجف قلبها ولكن أهدت من نفسها قليلا لتشير له بالدخول : لا ازاي.. اتفضل يا جمال بيه .
_دلف بكبرياء ينظر لمنزلها بحقد فهو كان يتوقعه بإسوء حال ولكنه جميل مرتب أنيق ليهتف بغيظ : ما البيت حلو اهو اومال وصلني انك مش مبسوطه ليه ؟!
_رمقته بكره تهتف بسخريه : وانا زعلي فارق مع سعادتك ولا حاجه ؟!
_وضع قدم فوق الأخري بكبرياء هاتفا بسخريه : لا طبعا ميفرقش معايا .
_زفرت بضيق لتهتف بملل : اقدر اعرف سبب الزيارة يا جمال بيه و ياريت تقولي عرفت مكاني ازاي ؟!
_جمال بغرور : انا مفيش حاجه معرفهاش.. وعارف انك على اتصال بمازن ابني و كنتوا مع بعض امبارح وكان معاكوا مها و حسام .
_رمقته بصدمه : هما قالوا لحضرتك .
_جمال بسخريه : هما مين ؟!
_عداله : مازن ومها وحسام .
_جمال بسخريه : تؤ.. انا عرفت منا قولتلك بقي مفيش حاجه معرفهاش.... سكت قليلا ليهتف بحده ؛ اسمعييي انتي تبعدي عن طريق ولادي و ولاد اخويا احسنلك يابت رحيم فاهمه .
_رمقته بدموع تهتف بوجع : وانا مش بنت اخوك ولا ايه ؟!
_صرخ بها بعنف : لاااااا مش بنت اخويااااا عشان هو عمره ماكان اخوياااااا ده عيل ابن ملجأ جه وخد مكاني في قلب ابويا و امي ، و طول عمرهم بيفرقوا بينا كانوا بيحبوه اكتر مننا ، حتي لما كبرنااا ابويا كان ممسكوه الشغل كله واحنا ولاده ملناش مكان ، انا بكرهوا.. بكرهه سيرته بكرهه مراته بكرهه اي حاجه من ريحته وبكرهك انتي كماااااان.. اسمعي يابت أمور المسكنه دي مش عليا ومتتعملش مع حد من عيالي لو فاكره انك ممكن ترجعي القصر تاني تبقي بتحلمي و اه متحلميش انك تاخدي باقي ورث ابوكي اللي اصلا مش من حقه و اتكتب بإسمه غلط بإيد واحد خرفان كان في آخر أيامه ، ابويا كتب لرحيم تلت اربع الميراث و انا و اخويا الربع مع إن رحيم مش ابنه .
_اززاي ازاي مش اخوك انت بتقول ايه ؟! هتفت بها بصدمه ليهتف الاخير بغضب : قولت مش اخوياااا.. انا قولت اللي عندي حسك عينك تقربي من ولادي فاااهمه ؟! تركها وغادر بغضب لتجلس هي بصدمه علي الأرض تبكي كما لم تبكي من قبل .