حبيب خيالـي

الفصل الثالث

بعد ما ذهب لتلك المكان مره اخرى و لم يجدها ، جلس امام البحر يفكر بها لماذا هي !؟ لماذا شغلت تفكيري هكذا !؟ لماذا انتظرك يا صغيره !؟ مر الوقت سريعا قام و أخذ سيارته عائدا إلى ڤيلا الألفي .

***
.. في منزل عداله ..

جالسه في مرسمها أمامها لوحه فارغه تحاول مرارا وتكرارا تذكر ملامحه التى لم تتذكر أنها رأتها بعد ، بل من خلال صوته الدافيء و خياله التى شعرت به بجانبها قامت برسم ملامح من خيالها بعد عدة ساعات من المعاناه فأصعب رسم  هو رسم الملامح وخصوصا لو من خيالك لشخص لم تعرفه بعد... رمقت اللوحه بفخر بعد أن شعرت بأمل أن تراه مره اخرى ولو صدفه... أستمعت لرنين هاتفها يتعالَ والذي لم يكن سوي ابن عمها الأكبر "مازن" هي تعرف مشاعره تجاها ولكن هي رافضه تماما لأي ارتباط من اى شخص من العائلة ، فاقت من شرودها سريعا على رنين الهاتف مره اخرى....

لتجيب سريعا : الوو.. ايوا يا ميزو .
_مازن بحب : عامله ايه يا حبيبتي !؟
_ارتبكت قليلا من قوله لتهتف بثبات : كويسه الحمدلله انتو عاملين ايه و مها و طنط نجاة .
_مازن بحزن عليها : مها كويسه.. بتسألي عليهم بعد كل اللي عملوا فيكي .
_حزنت لتلك الذكرى لتهتف : مازن قولتلك طنط نجاة ملهاش دعوه باللي عملوا عمي جمال .
_مازن بحزن على ما فعله والده بها : ياريتني كنت اقدر اعمل حاجه توقفهم .
_عداله برفق لتخفف عنه : انت ملكش ذنب يا مازن .
_مازن بحزن : ذنبي أنه ابويا يا عداله .
_عداله بهدوء : متحملش نفسك فوق طاقتها يا مازن.. انت ملكش ذنب وبعدين منا عايشه اهو .
_مازن بحزن : عايشه.. عايشه بعيد عننا و عني.. ليكمل بحب : المهم انتى يا حبيبتي طمنيني عنك كويسه في البيت اللي انتى قاعده فيه .
_عداله مطمئناً إياه : اطمن انا كويسه الحمدلله.. البيت فيه جيران كتير بس أنا في شقتي مليش دعوه بحد .
_مازن بحب : طب يا حبيبتي مش عايزة اى حاجه اجاي اجبهالك ، محتاجه اى حاجه.. معاكي فلوس يا عداله .
_عداله بحب فهي تحب حنانه عليها وتعتبره اخ لها ولكنه لم يراها اخت له : اطمن يا مازن انا كويسه جدا و مش محتاجه لحاجه و معايا فلوس اطمن .
_مازن بحب : طب يا حبيبتي انا معاكي على طول لو احتاجتيني هتلاقيني معاكي .
_عداله بحزن : خلي بالك من نفسك يا مازن و متحاولش تكلمني كتير لحسن جمال بيه يعرف .
_مازن : اللي يعرف يعرف.. ملكيش دعوه بيهم انا لو حد عرف انى بكلمك هيكلموني انا ملكيش دعوه المهم انتى تطمنيني عليكى أول بأول وتخلى بالك من نفسك عشان خاطرى وانا في اقرب فرصه هحاول اقابلك .
_عداله : بلاش مقابلات يا مازن لو حد شافك و بلغ جمال بيه هتتأذي بسببي .
_مازن بضيق : قولتلك ملكيش دعوه بيا .
_عداله بتعب : خلاص يا مازن براحتك زى ما تحب .
_مازن بهدوء : يالا يا حبيبتي انا هقفل و ابقي اكلمك اقولك هشوفك ازاى تمام .
_عداله : تمام ومتنساش تسلملى على مها .
_مازن بحب : حاضر يا حبيبتي.. ثم اغلق الخط لتتنهد هي بتعب هاتفا في نفسها : حتي لما بقي فيه حد حنين عليا بيكلمني من وراهم وفي الخفا زى الحراميه عشان جمال بيه ميعرفش.. وحتى مش عارفين نشوف بعض.. يارب بقي امتى اخلص من القرف ده .