بسمة غضبان

٤

#بسمة_غضبان

الغربة..!
من ترجع ادور بالصور والذكريات اليوجعنك ..
الغربة..!
من روحك تگلك دنسه .. فنك...!
//////////////////

شفت رجال واكف يدخن و يباوع من شباك المطبخ الظاهر حس بيه ..
اندار !!

فتحت عيوني و حلكي و حطيت ايدي ع حلكي اتمالك
بسمه/ انت
غضبان/ انتي

/ انت شجاي تسوي ببيتنه
/ هذا بيت عمي
بقيت ابلعم / اها نن نورت
قلص عيونه / و انتي شجابج هنا

لساني اتأتأ اجتي حوراء / ها بسوم ابويه جان يريدج تنطينه الدوا لان تيهناه

/ اوك جايه
غضبان / بس انتي منو
/ اني بسمة حمّاد
فتح عيونه / انتي بنت عمي
/ ليش مو انسانه مقابيلك ؟
/ تشتغلين بمطعم شلون شلون هيج شلون يصير

/ لو جنت من عائله فقيره اهلهه متبرين منها و ابنهم معدوم و ما عدهم ولد و سبيل بالعائله غيرك ما اتوقع تتردد ان تشتغل

/ شلون عمي سمحلج
ديمشي يروح لابويه وكفت كدامه مكتفه ايدي /ابويه تعبان لا تشغله بسوالفك هاي خلي ياخذ دواه و عود ناقشه

غضبان / انتي ما متربايه مثل بنت الشوارع تدحكين بلا مبالاه

دتحجي حوراء خزرتهه / اي و النعم منك ابن عمي عجل اذا بنت عمك صارت بنت شارع هاي الي جنت تمشي وياها بنت النبي ؟ اعرف و اوزن كلامك خلي ببالك كدامك بنيه بالف مليون رجال

ضحك / مصدكه روحج
رفعت حاجبي و تبسمت / فوك ما تتصور

تركني و مشا اني رحت انطيت الدوه الابويه و هو منطلق ويه حارث و حارث هم شكله و سوالفه محبوبات

كمت بدلت و رجعت حطيت كيك و عصير و ابويه معدني يمه و يبتسم بوجهي يا الله بابا شبي

بس يالله احس نضراته فخر ..
كعدنا كلنا و هذا غضبان بس معصب و يهز برجله ..
استغفر الله هذا شبيه ادري هو ابويه رجلي لو عمي لو جدي مجرد ابن عمي ..

هو جان يحجي ويه ابويه شعجب البنات ما محجبات و ما يصير و جدي ما يقبلهه تنرفزت بس
اني هنا بعد اني االفقيره جنت كاعده و اهز برجلي منتظره اي كلمه غلط من عنده حتى اهجم عليه و منو الي يخلصه من لساني بعد والله لا اندمه على اليوم الي اجه بي .. اي و اخيرا ريح كلبي و حجه و عيونه تغلي من الغضب بس مو بكد عيوني

بعد ما جان يحجي ويه ابويه بهداوه و ابويه يكله الحجاب قناعه ..
غضبان / زين يا عمي عتبان عليك شلون بنتك تشتغل بنص الزلم
/ بنتي و واثق منها لو احطها بين الف رجال و وحدها الكيها صاغه سليمه

زمجر بحده / عمي شنو هي هيته تره عيب كل العيب يابه المره مفرعه و ضليتو على راسي  امنت بالله و سكتت بس مو مال تتركها تشتغل بمطعم  عيب هي مره و انت لا بد و تعلمت من ديرتنا المره مالها مكان غير البيت و المطبخ