بسمة غضبان

٢٤

#بسمة_غضبان

انه من عمري شريد ؟
غير اصعد سفينة نوح
و ابدي بكاع غير الكاع
و ابدي بناس غير الناس
و ابدي بحدي متنازل عالوشاله
مضيت جروحي مجرورة
على ظهري حبل صبري انگطع
و الصيت عتالة
اشد ياهي و الم ياهي
و على جتافي اثر و حزوز جتالة
بقيت لوحدي احب روحي
انه الماكو احد بحاله
خرده الباقي بيه سنين
وعلى الخرده يطلبوني
بعد ما شبهوني ضيم طلعو هسه يردوني
يجيبوني و يودونيوعلى جفوفي
شلتهم شيلة الكرصة
اذا توكع يمسها تراب
تبوس شفافي و الگصه
اعيوني الجمرت جم دوب
اهوي و تحترك قصة
رميت بخيطي سناره و عالحجاره
سحبني النابت بشصه
بين المختنك و مرات
اذا يحجي تسمع باذنك الغصة
تحس سوالفه من كزاز
تشوفن روحك بنصه
و يجي الكاعد و مرتاح
يكلي سوالفج خبصه
جرب تضحك و مخنوك
تعلي الضحكه من تنصه
و جرب صحبة السنجار
تحك و عمره ما يصفى
ولا رايد منهم انه الجاه
ولا شايلهم لعازه
اتجي بروحي عالبيبان اذه اتوازه

نوزاد : بسمة يماااا ريتااا تعالو عاد بدا الفلم

رحت يمه شايله الشاميه و اضحك : شبيك گلبت الدنيا جينا يا خوي

نوزاد : اوووف ريحة البوووشار عطت جيبي جيبي خلي اخلصهه قبل ما تجي ريتا تخلصه
ريتا : كمشتكم تحجون عليااا

نوزاد : لا اني معليه هاي بسمه دتكول ريتا بس تجي تخلص البوشار

فتحت عيوني : هجم بيتهه للباميه شكد تنفخ كال بوشار كال هي اذا متصيح الهه شاميه هيج متحسهه شاميه

نوزاد : اكعدي راحه يمعوده لا تطلعي تسمياتج الخنفشاريه

كعدت يمهم ناكل و نباوع فلم رابطين التلفون بالتيفي و ويانه ام نوزاد مرت خالي

دك تلفوني : هاي حوراء يا عيني شكد مشتاقتلهه
نوزاد : هو هوووو مو المغرب جنتن تتخابرن لو هي مال ككو كومي منا نكمل الفلم لا تهربي علينا

: دنجب غير اختي سوده عليه صار سنه و نص ما متشاوفين

فتحت الخط و صحت : الووووو
نوزاد صرخ : و طرش ولج كومي من يمنا هذا الحيوان راح يبوسها دبوسها عاد مو شلعت كلبي

حوراء : بسمة هاي شكو شو بوس و كذا
عليت صوتي : دنباع فلم سخيف نفس ابن خالنا نوزا اللوزا

نوزاد : ولج غضب شلون وياج شنو نوزا اللوزا شهرين نوب هصير اب يعني لو تكرصين لسانج و تنجبين يكون افضل

: اي شبيج خو ما رشوان مضوجج لو شي
رشوان : يابه شكد تكرهيني وله انه لا يمكم ولا حدركم شكو تحجين عليه

: هو اني المن احب منكم حتى ما اكرهك لحظه لحظه عيني عيني هاي دتتصنط على مكالمتنا اني و اختي يباشا

رشوان : اسمعي انه هيج راح انتحر باقرب بالوعه اروح للحمام احسن من هالاكلان خ***

: روح روح حوراء شكو خو ما صاير شي