بسمة غضبان

١٠

#بسمة_غضبان

بسمة ⬇️
تهب ريح العشگ مرات
بس شراعنه تشگك

غضبان ⬇️
بروحي الخضار شكثـر
والخاطرك صوفـرت حتى ارهـم لنـارك
         
نطاح ⬇️
منو اليفهمني انه انسان
انــســان !!  
محتاج لحنان الله
اريد انسان مثل امي
عمت عيني امن اطيح يگول واسم الله

//////////////////////////////

ما حسيت الا شفايفه على شفايفي .. تجمدت و هو عبالك فقد ..
دفعته حيل : انت شلون تتجرا

غرغرت عيوني و تركته و ركضت ليفوك ..

نمت و غطيت راسي و صرت تتلمس شفايفي و تفكيري .. ما اعرف شنو تفكيري بوقتهه

ثاني يوم كعدت مستحيه ما اعرف شنو اسوي مستحيه اخاف انزل .. لا اني ما اخاف بس هذا غضبان يحرجني

كمت من مكاني الساعه متاخره تقريبا بالدعش ..

هسه وين اروح كمت الشباك الغرفه يم السياج و يبين الغرف ..

رحت اباوع من الشباك محد ماكو شوي و غضبان طلع من غرفته الي هي تصير مقابيل غرفتنه اني و خواتي بس شفته رحت غطيت راسي و نمت ..

هاي اني شبيه ليش هجي اتصرف هو الغلطان مو اني ..

خلي انزل و شيسوي خلي يسوي ..

بدلت و غسلت وجهي ..

نزلت بلا حجاب ناسيته لان ما متعوده اتقيد بالبيت ..
دخلت للمطبخ هو كاعد و نسوان عمومتي و امي هم كاعدات بلعمت : صباح الخير

هو شافني و وجهه صار احمر و رافع عيونه باتجاهي و هو عيونه كبار و جواهم سواد .. بارزات كلش و اول ما يصفن على شي يخلي الكل عينه عليه لان عيونه احلاهم و يبين انو هو شديباوع

حجيه سهيله : هلا عيني صباح الظهر بعد وكت

ابتسمت ابتسامه مصطنعه : ما ادري ليش هلكد نمت بيتكم مريح ولا حسيت لا تلوميني الي لومي بيتكم

دارت وجهه و اني اخذت استكان صبيتلي جاي .. و كعدت اخوط بي ..

وشفت منه رشفه و رفعت عيني كلهم عينهم عليه .. باوعت عليهم و رفعت اكتافي : شكو سويت شي غلط

عبير : الحجاب
:  شبي
عبير : ملابسه حجاب
: اها ، ما اتوقع اله داعي هنا يعني محد كاعد بس اني و النسوان
سكتت لحظات و غضبان عيونه تتوسع تلاحكت لروحي ..
:و ابن عمي بحسبه اخوي هو 
من كلت ابن عمي هو رفع استكان الجاي يشرب من كلت بحسبه اخوي شرك بالجاي ..

قدمت عليه كلاص المي ..

اخذه و هو يباوع عليه ووجهه احمر كد ما كح ..

كملت الجاي و كمت ويه الكبار سويت الغدا ..

و حجيه سهيله يالله هاه بيانهه شافتني اعرف اطبخ و شوي رضت عني و ما سمعتنا كلام