بسمة غضبان

٢٢

#بسمة_غضبان

منو بكدي فتح صفحه جديده ..
منو تندم لحد ما خلصت ايده ..
انه الخلصت ضهره السچاچين ..
و انه اليحب جتاله و يريده ..
اخ من البرود التارس  الناس ..
و انه حرورتي تجوي الحديده ..
\/\/\/\/\/\/\/\/\/\/\/\/\/\/
عجل و گلبي ؟
عجل و كسري ؟
ها ؟ ههه اي اي عفت كلشي و بعتني
عجل شحجي ؟
الفراگ هين ؟
كلي شنسى ؟
انسى يا لچمه و اعذرك ؟
تكلي ما تحبني ؟ عجل و عيوني البجتلك

غضبان ⬇️
و تالي انه احترك و شفتهم من مشو غالي بضهر غالي

حجي حسن : كدام الاوادم و الكرايب و بهاي الضروف الصعبه انه اريد ابني غضبان يستقر و يا ابو سامر ما الكه احسن من بنتك انه اطلب ايد كريمتك زهراء لابني غضبان

صدت عيني اعلى ابوي .. هذا شكاعد يكول
نار و كبت بصدري .. يعرفني اريد بسمه .. بس محد منهم قابل اتزوجهه لان جان شغلهه ممرضه

جدي امر ابويه و خلص .. و احنا كلنا يم عُربي فنش

بيوم ما خابرتني بسمه و سمعت صوتهه الي يرجف على امهه جنت فاتح الموضوع ويه ابويه و جدي و امي و كلهم رفضو بعد ما امي خربت كلشي و حجت

من هنا عرفت بسمه جانت 100‎%‎ وياها الحق من كلتلي اريد بيت وحد ..

صارت سالفه موت امهم و ما كدرت احجي شي .. و التهينا بيهم

بفتره شهرين انه و بسمه كلش تقربنا من بعض و صار السطح هو يشهد علينا ..
من اشوفها شلون عيونها تلمع من تدحك عليه الكح (اشمر) كل هم وره ضهري و اعاهد نفسي اخذهه ما اخذ غيرهه

بسمه : غضبان تعبانه هواي امي من عافتنه زيدت الحمل على ضهرهنا
: لا تشيلين حمل انه يمج يا عثرة گلبي

: غضبان متعوفني مو ؟ انت تحبني مو ؟

: و شلون ما احبج يا حياتي هو انه اروح للدوام ما اترك النقال حتى ما فاركج يا عزيزه غضبان غديييي شكد احبج

ابتسمت من بست كف ايدهه جف ايدي و كالت : اني هم احبك
اخذت جفهه و طلعت السوار الفضه : هذا صار كبال عيني و تذكرتج و كلت الا اخذه الها

: شكرا ، عود البسه
: انه البسلجيا هو ايدج

ابتسمت و نصت راسه و قدمت ايدهه لبستهه السوار باوعت يمنه و يسره باستني اخذي و رجعت لمكانها

صفنت هي دغتني : هاي شبيك شو صفنت
: خرجت من الدنيا يا زوجتاه

ضحكت و بينت تجاعيد عيونهه و هذا دليل ان دتضحك من كل قلبهه

لحظات بسيطه و قليله بس من احلى لحظات حياتي جنت من صدك فرحان و عايش بالعسل ..

و باخر نزله للدوام خابروني الحك ابنك احترك ..

رجعت للبيت نطاح لافين ايده و مضمديه و ديبجي و كاعده يمه بسمه تهدي بي

ركضت كعدت يمه : شبيك بابا شبي و هزيت راسي