بسمة غضبان

٢١

#بسمة_غضبان

بارت طويل اتمنى ينال اعجابكم 🌸

✨طاحت دمعه امي شالها العصفور
كاله استغفر الله الجنه تبجي 💔✨

مره 28 يوم على اخر مره حجه ويايه بيها و بعد ما حجينا ..
صار 28 يوم افكر ..

قررت اترك شغلي علموده و الخاطره لان ما اكدر الا هو اني عادتي اتعلق بالشخص بسرعه .. و هو مو بس تعلقت بي لا حبيته و عشكته ضحكته طوله كلامه تهدئته غزله لهجته .. لهجته الي جنت ما احب احد يحجي بيها صرت اعشكها ..'
شكد حاولت لان جان عندي طريقين الاول اعرف شغلي و استمر وياه و الثاني انساه و اكمل بشغلي .. شكد حاولت اكرهه انساه ما كدرت ابد

رحت للمستشفى و اني كاتبه ورقه استاقلتي تقدمت على ميز دكتور ليث اتفاجئ انو جايه بلا تبديل .. خطيه عباله مريضه نفس كل يوم بالشهر من اتعب ..

: دكتور اني اجيت اقدم استقالتي
و حطيت الورقه كدامه بهت و كال ليش شصار .. كتله : قررت اترك الشغل

دكتور ليث : صار سبع اشهر تشتغلين جوه ايدي اتعودت عليج بكل الشغل بالعمليات صرتي انتي ايد اليمنه بالعياده اتضايق اشتغل لان السكرتيره شغلهه مو نفسج ، ليش تستقالين راح تاذين شغلي

: فخوره بنفسي سويت كل هذا و اشكرك على كلامك و مدحك الي بس ما اكدر اكمل بالشغل

هز راسه و كال : راح اخسر طاقه مثلج شنو اكدر اسوي ما امنعج حياتج هاي

هزيت راسي : بس عندي طلب دكتور

عقد حاجبه : تامرين
ابتسمت : ما يمر عليك عدو ، اذا ممكن تتصل على غضبان ابن عمي تكله بسمه قدمت استقالتها و راحت اكو شي
: ليش شنو السبب
: بس اريدهم يعرفون بس ما اريد اني اكولهم عادي انت الي تخابره
: اي ولو
و طلع تلفونه وكف يمي و يخابر و يبتسم .
فتح مايك و كعد على الكرسي و اشرلي اكعد