بسمة غضبان

٢٩

#بسمة_غضبان

يامه هبّت ريح وإهتز الشِجَر
والطار ما حط
هيّه ركضه أعله الرمل
والما يدفعه الشوگ يفحط

بسمه 💔
العوض بالله ولاكن عمري شيعوضه
انه السويت كلشي وما كعد حظه

: انت ليش هيج تعاملني عامر تره انت وافقت من زمان اسوي العمليه

عامر : قمر محسستني اتزوجتيني علمود العمليه ليش ما احس بحبج ولا بقربج مني بارده حتى ما تغارين ولا تحجين ذاك اليوم بنيه ذبت الرقم و انتي ما اهتميتي غيرج تكوم تمخلهه

صفنت بوجهه : اني مو هيج ! كمت و ملختهه و بعدين ؟

: شنو و بعدين
: و بعدين راح اخزيها و ابين روحي مخبله و كل هاللعوصه علمود تعرف حبك بكلبي ؟ انت زوجي و ابو بيتي شلون ما احبك بس اني احس بنقص بيه والله احس بنقص بيه من تقترب من عندي صح عندي تضاريس انوثه و هالاشياء بس فكرة اني ناقصه شي تربكني انطيني فرصه وحده لوره العمليه و شوفني

تنهد و اجه عصرني بحضنه : تعودت عليج ما اكدر بلياج بس حبابه لا تنفرين انه ما عندي غيرج ولا ادحك اي وحده و ناري شابه بيه و ما كادر افارقج

: بس يتم كلشي اوعدك راح يصير كلشي طبيعي

اخذ نفس : ان شاء الله راح احجز طياره بنهايه الشهر بس شايل هم الجهال امي متكدرلهم

: اي عمه ما تلحك عليهم شنو رايك اخذهم ليم شجن ببيت بسمه و غضبان

: و امي

: وياهم
: تقبل
: اني اقنعها لان يجوز نتاخر و هو اكبر واحد بيهم عمره خمس سنوات ما ينكدر الهم و عمتي هي يمنه و تتخربط

: شوفيها و شوفي بسمه حتى ندبر سفرنا

بسمه ..

بعد الي سواه غضبان و شكه بيه و سوايته ..

حلفت اندمه و اسبوعين  خليته صايم و ما يتقرب مني و اتحجج و يووو لعبت نفسه ..

الى ان خلصت اجازته و التحق ..

و هو هم كام ..

من يشوفني هيج .. يثكل و ما يحاول وياي

بس يعني هو هم ذيب و ما يكعد راحه بس ما مخليته ياخذ راحته زايد ..

حسيته كام يوم عن يوم يضوج اكثرر..

و ما يحب نرجع للبيت حتى لا يضل بس يدحك و يحاول يقنعني و يتوسل بيه ...

و ما يريد يجبرني و تصير نفس غلطة اول مره ..

كل يوميه نروح لبيت اهله كلنا مرات ساعه و نرجع ..

و مرات لا والله نروح عالعشا ..

عمه سهيله ..
ما بطلت ولا جازت مني ابد ... بس اني مطنشنتهه عالاخير ..