بسمة غضبان

تكملة ٣٤

#بسمة_غضبان

بسمه
حتى الما يمرن عالبال .. مرن عليه 💔💔

شگد بية ولا لحگت أگلك منهن شوية

غافية .. حتى الشوارع
والحـزن بـ عيــوني صـاحي !

انه مو عريان و انفضهن نفض و انهض
ولا چني انه لو التمن عليه مشتتات البال
خذن  ثلثين حيلي و كبرن بسني

تمددت عالسرير و يمي نطاح هم منبطح يلعب بفوني ..

: ما مشتاق لابوك

: ما حبو

ثبتت عكسي و ايدي لازمه بيها راسي و عدلت نفسي .. : ليش ؟ هذا ابوك شون ما تحبو

: هو الي خلاج ترحين انه اصلا مزاعلو من رحتي بعد ما صاحبتو لانو خلاج تبجين

و ضربج ..

: ميصير حبيبي هذا ابوك يجوز اني اموت
هم تلومو الو

سكت و حضني .. ابتسمت عرفت كام يحس بالذنب ..

حطيت ايدي على بطني .. اخذت نفس

ما متقبله وضع الطفل الي ببطني ..

بس ميصير احسس الطفل انو اني ما احبه

ابتسمت : لتخاف او تخافين حبي اني امكم حتلو ابوكم ما احبو الكم راح ادللكم و احبكم

نطاح : ويه منو تحجين ماما

: ويه اخوك مدري اختك

نطاح : هنا اكو نونو يعني

هزيت راسي ..

لزم بطني ويكلي .. بعدو صغير

: ممم هسه يكبر و تكبر بطني و اجيبو و يصير عندك اخ لو اخت  و انت تربيهم ويايه

نطاح : اي و اشتريلها مصاص و ما اخلي اي ولد يحدر يمها

: ههههههههه ليش عود

: عجل غير اختي

ابتسمت ما اعرف .. احس مرتاحه ..

هاي جانت احلامي .. اني و زوجي و ابني و اكون حامل و ابني كاعد يخطط لاخوه

و زوجي يخطط لغرفه ابنا

اني مو مثل اي بنيه ..

جبت عمري متعوبه ..

ثقافه الموت و الالم عششعت بكل حياتي ..

اول شي بديتها بموت اخويه

جنت متعلقه بيه و كلش احبو ..

و مات ..!

بعدين بدا رعبب يملئ كل اركان روحي

بسبب انسان حقير ..!

لليوم محد يدري بزوج خالتي ..

غير امي الله يرحمهه ..
و خالتي ..