بسمة غضبان

١١

#بسمة_غضبان

غضبان ⬇️
غانمين
وكل محاچيهم سواجي بروحي تجري
امكملين
وكل معانيهم حدايق
بيهة عطر الشوگ يسري
-غازي ثجيل

بسمه ⬇️
عـمري فات
ليلي ماهـو مثل الليل
ظلـمه ولا الي نـجمات
لا واحـد يـغنيـلي
ولا شـباچ من يقرأ الـنسيم الـبيه يـوميلي

رجعت من الدوام لغرفتي راسا  تعبان ردت بس اسبح و ابدل ..

رجعت ركض لان خابرني جاسر كال نطاح مريض بس بسمه مهتمه بي

شفته نايم هو عالسرير اتطمنت .. اخذت ملابسي و دخلت اسبح اتفاجئت بالحمام ملابس نسائيه ..

شلتهن اتفحصهن قابل بيهن مفجرات شني هاي شبيه انه ..!

شلتهن و رحت للغرفه : نطاح ؟!
ما ادحك الا بسمه كمزت من السرير لتراجعت ليوره ..

هي وكفت : ء اسفه ما جنت ادري نمت بلا ما احس ءءء اخذ راحتك منزله راسها و تمشي دتطلع وكفتها

: هذولي الج

اندارت خمطتهن من ايدي و ضمتهم وره ضهره : اني اني سبحت و جنت
: تلبسين هذا بربج ! س**** قياس سته و تلاثين تلبسينو شكد بوخه عجل.....قاطعتني

رفعت عيونهه تخزر بيه : نطاح ابنك منا عالاقل اني جبيره و هالكلام بس الطفل

دحكت وجهه صار قوس قزح 🌈 و مرتبكه ..  حتى جبينهه عرق

: ءءء هروح
: الله وياج مشكوره يولو ان شاء الله اجازيك بالافراح
: ما لا عادي
طلعت من الغرفه و انه رحت سبحت و طلعت وخرت نطاح لان جان نايم بمكاني وديته ليغاد لجهته دنام نطاح كعد ..

نطاح : بابا ليش انت دتنام هنا لعد بسمه وين مو جانت نايمه يمي

: شنوه بويه انه ما عاجبك تريد بسمه

: لا بس بابا بسمه شكد حلوه

: هذا مخيل على بنت عمي يا عار تصجم بنت عمي كدامي
صفن : بابا بس ريحتهه مثل ريحة الام اريد ام مثل بسمه

ابتسمت بتعب : هاي بس نامت يمك و صبحت تريدها
: لا هي حبابه كلش حبابه اني كتلهه سر و من جنت اذب من راسي و مريض و خاله حنين تعيط عليه ما ضربتني بس عيطت و هي اجتي مثل سوبر مان وخرت عمه حنين و نضفت كلشي و خلتني اسبح و صرت زين و حتى من كعدت متاذي ضربتني ابره بس اني بطل ما بجيت لان انه ما جبان

: اي كمل
: وراها سوتلي شعري دحكو شكد حلو و حجتلي قصه و نامت و اني نمت بحضنهه مثل الام

: و هسه تريد ام مثلهه
: اي بابا الولد وياي بالمدرسه عدهم امهات و يحطولهم لفه بالجنطه و صديقي رافت امه تسويله حليب و تحطلهيا بالبطل شكد طيب