بسمة غضبان

٥

#بسمة_غضبان

شفتك بالحلم فزيت ادور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك

وكعت بسمه و  الكل يتراكض يمنا و الطلق فوك روسنا عبالك حرب ..

عالسريع غضبان شالهه من الكاع و دخلنا للبيت هواي نسوان كاعدات و هو تركهه عالقنفه و اخذ كلاص المي رش بوجهه

كعدت هو اندار على امه / يمه البنيه تعبانه طريق طويل خلوها ترتاح بالغرفه الخليتوها الهم

اني كعدت قريب يمها ..

لمى / اكلج هاي احنه بالعراق ؟ هذن عراقيات ؟ و انه اكول ليش البنيه ساحت و وكعت

جيداء / عجل دحكي الام تكولين اصغر من عدنا

لمى / دحكي دحكي امج شلون تباوعلهن احس راح تصجمهن بمكان اخوتي

جيداء / ما شاء الله والله مو سالفه هاي هذن خاف نصب كدامهن الخروف المشوي يدحكنو و يسلمن

لمى / يجنن هذن اخوتي صار يومين يمهن زين لزمو رواحهم انه بنيه و انغريت بيهن يا بويااااا هروح اتحرش

جيداء .. رحت للبنيه متفاجئه هي و خواتهه و عماتي و نسوان عمومتي كاعدات يدحكو بيهن من كدامهو كن يدحكو تلفزيون

لساتنا كاعدين و اجه ابويه صاح / بنات حدرو من هين ابو هلال يريد يتطمن على بنيته

و دخل عمي و ابوي و البنيه كعدت احتراما الهم ..

عمي كعد يمها باس راسها و ضمها بصدره و هي ساكته ..

ابتعد منها و كال الها / هاي بنتي بسمه الجبيره و هذا عمج حسن ابو ضرغام

وكفت قدمت ايدهه لابويه / اهلا عمي تشرفت بمعرفتك
كلنا اتفاجئنا طريقه كلامها و عقده حاجبها عبالك بالكوه محدره وياهم

حجي حسن / هلا بنيتي هلا بيج

دخلت جدتنا "زهرة" و كايدتها عمتي علياء ..

حجيه زهره / حَمّاد يمه

و عمي اندار عليها حضنها و كعد بالكاع يشم بشيلتهه و بس صوت الونين و البجي..

كامت بيبي زهره عدلت شيلتها/ ابوك ينتظرك بالمضيف زعلان عجل تتركه و تجي هين

حمّاد / لا بصلاة محمد ما هيج لكن بنتي مريضه و تخربطت و اجيت اتطمن عليها

حجيه زهره / بسم الله ما شاء الله اللهم صل على محمد هذن بناتك تبارك الرحمن يا حلاتهن

حمّاد/ بنات كومو بوسو بيبيتكم

و كامت الامايه و البنات بعدها بوسوها و رجعو كعدو ..

حجيه زهره / بسمه ،، انتي متعوبه يبيبي
بسمه / الحمد لله ع كل حال
حجيه زهره وجهت السؤال للام / اواز اسمج ؟