بسمة غضبان

٢٠

#بسمة_غضبان

عفت النـــاس كلهـــا ومـا عشكـــت انســـان بـــس انـــت اعجبتنـــــي و حيـــــــل حبيتــــــك اعز منـــــي عليـــــــه وغالــــــي عالـــــــروح... عليــــــك أجــــــــذب أذا فــــــــديـــــوم مليتـــــــك

🌸🌸🌸🌸🌸🌸🌸🌸🌸🌸🌸🌸🌸

الكل جان يعرف اني و غضبان واحد عدو للاخ اصلا ما اكعد بنفس المكان الهو بي ارتبك ..

و الي زادهم دهشه غضبان اعترفلهم انو هو جان متزوج و اني ارفضه لهذا السبب و ان هو شالني من باله .. و اسقط النهوه عني

بوكتهه دزلي رساله .. انه شكد عنيد مثل الحجاره بس سويت هذا الشي مو رضوخا ولا ضعف ولا  الج

سئلته.. ليش لعد ؟
جاوبني .. بلكي كلبج يحن انه اعرفج ما تحبين احد يجبرج على شي و حبيت اتساهل وياج

: ممم زين تسوي
: بس هيج
: لعد شتريد بعد
: يعني كفته فطائر كيك من ايدج و اذا متكدرين عادي اقبل ببوسه

و استمرت علاقتنا تقريبا شهرين .. توقعت من عمي كله ان اني سجلت بخط راح يزعل بس ابدا ما جاب طاري الموضوع كانو ما مهتم اصلا

الي عجبني بيه تعامله لطيفه ما يكعد يتامر و يحجي .. لا باسلوب يخجلني بيه و دائما من ارفض شي
يكلي ابدي بقليل و بعدين كثري لان العافيه بالتداريج

رغم كلش مبتعدين بس بالمحادثه نكون ولا احلى ..

ايام من احلى الايام كضيتهه وياه ..

قمر اه يا قمر هاي دمرت نفسها رسمي .. بيوم الي جبرتهه تنهي و تفسخ رايحه كايله لعمي حسن
و بنفس اليوم عمي اجه و كعد حاول يفهم حجيتله ان. جاسر عنده علاقات ثانيه بس ما كتله انو هي حوراء

بقى يحجي و يسئل بالاخير كال ماكو هيج شي و حتى لو اكو هيج شي من يتزوجون راح يلتهي و قمر واثقه بيه اختج بنفسهه مقانعه بكلامج يعني انه اقتنع ؟

بقيت صافنه ما عرفت اجاوب تالي عفت الموضوع و كلت لقمر مو تجين بعدين ندمانه اني ما دخلني هذا اختيارج و تذكري موقفي و طالب بالفسخ ما دام بعد بالبدايه بس انتي الرفضتي

بوقتها كالت بس اطلعي من حياتي اعيش مرتاحه ..
بعد نهائيا محجيت وياهه

جانت عصريه و غضبان جاي هو و رشوان و جاسر و ضرغام و غاده دائما متالفين ويانه المهم   يمنا و جايبين بيبي زهره و دنتعلل ..

كعك دهن و جاي .. و يا محلى هيج عصرونيات جان انتبه على غضبان صافن عالكعك
شافني اذا اباوعله بعدم فهم رافعه حاجبي بمعنى ليش تباوع عالكعك لكيت بي شي
جان يحجي : هذا الكعك عجبه هسه لو نطكه بجاكوج ما يصير بي شي
احطه باستكان الجاي ثانيتين و اطلعه يتفلش و يصير سيريلاك شني هاي
اكرطه اخسر سنوني
ابلعه اخسر  حياتي اعوفه ياااخيي   اشتهي و ها اضل هيج صافن عليه شلون الكيله حل