بسمة غضبان

١٦

#بسمة_غضبان

إذا كان الأمس ضاع .. فبين يديك اليوم ! وإذا كان اليوم سوف يجمع أوراقه ويرحل .. فلديك الغد .. لا تحزن على الأمس فهو لن يعود ! ولا تأسف على اليوم .. فهو راحل .. واحلم بشمس مضيئه في غد جميل

🌸🌸🌸🌸🌸🌸🌸🌸🌸🌸🌸🌸🌸

: حوراء رجلج هو ما تاذيتي باوعي جاوبيني ويايه انتي ؟؟؟؟ حووورررااء

هزت راسهه : لا لا ما بيه شي ، جاسر جاي يخطب قمر اختي !!!!!

: مثلج متفاجئه قمر لساهه عمر السطعش ما طخته ، هذول شديخربطون

دخلت للغرفه : السلام عليكم

الكل رد ما عده جدي ...
: بما اني الاخت الاكبر و السؤول بعد امي ارفض رفض قطعي طلبكم

جدي : اششش اسكتو .. الجبير الي يقرر يعني انه و بما اني جدها انطي گمر لجاسر

: هذا غلط اختي صغيره مستحييييلللل

جدي : اذا تعرفين اختج صغيره جان خليتي عينج عليها وكضبتيها  غضبان لكاهم سوه طالعين من المدرسه سوه و بلا ميدري احد و ما ردنا فضيحه و هي بت عمه المرحوم

فتحت عيوني : قمرررر !!!

لساتني ما مستوعبه الامر شلوننن يعني هاي اختي اني ربيتهه و ابويه علمهه و امي وياهه كل خطوه ..

شون شلون مدا استوعب ..

امي راحت تعيط على قمر جرتها عمه عبير ..

عبير : ام هلال استهدي بالله تره الله يوفقهم مو صغار و بزر و بعدين يحبون بعض واحنا ما نلكي احسن من قمر

بيبي زهره : اي بالنهايه القريب لاتعرفه احسن من الغريب الما تعرفه

كلهم ايدوهه و امي اخذت دواه وهدات : هم صح القريب احسن من للغريب اذا هي موافقه و مثل ما كلتو طالعه و طابه هي اله تصير لغيره

: شنو ماما تره بعدها

امي صرخت : بسمةةةة اياني اسمعج تحجين خليها تروح تحبه و ابن عمها و جدها و بيبيتها يمها تره انه تعبت من حلمجن اربع بنات بركبتي تعبتتت

: شنو القريب شنو هذا حجيكم ابويه مره سالته ياهو الاحسن زواج الاقارب لو الغريببب تتذكرين شكلييييي تتذكررررينننن
طبعا تتذكرين بوكتهه كال ✨ الاقارب عقارب و الغريب ذيب 👌🏻ابقي يمي و ما انطيج لان راح تشگين ✨

باوعت امي بجت و بيبي زهره هزت براسها و كالت : الف رحمه على روحك يبنيي

هزيت راسي و كمت : هاهيه اذا هي قابله الله يهديكم بس اتذكر هذا الزواج اكبر غلط راح ترتكبونه بحياتكم

جدي : اي اي لا بارك الله بيج
: زين اخر شي جاسر انت تعرف كلشي عن قمر ؟

جاسر : اي لعد شون
: تمام يعني هسه اني اكدر اخليك توقع عقد انت انت ما تتزوج على اختي ابدا
جاسر اتلعثم : اي متاكد ما ابدلها و اصونها