بسمة غضبان

٢٧

السلام عليكم
كل عام و انتو بالف خير 🥳💖💖💖💖 ولو متاخره لكن كنت كلش مشغوله اعذروني

و يا رب من الغانمين و الفايزين بالدنيا و بالاخره يا رب و ان شاء الله تحقيق الاماني
و بجاه هذا عيد الله اكبر يخلصنا من هذا الوباء و يكشف هاي الغمه عن هاي الامه
عيدكم مبارك يا احلى متابعين

استمتعوا ..

#بسمة_غضبان

شعر قديم هديه للقصه من احدى المتابعات ..

هو / نمتي .. هنيالچ غفيتي .. وآنة ليلي يمر على عيوني صبح الينيَّم وردة ويمسد عليها.. مو مثل ليلولي وينيم جرح .. !! والغفه ابكلمة محنه .. مو مثل الينام وبعينه ملح ..!! هي / لا حبيبي .. آنه هذا الليل من يمرني دمعة.. وحزن.. واشواك .. وحنين آنه عيني عليك ما بطل دمعها ..

✨✨و من ثم تشرق شمس الصباح بوجوهنا ، ما اجمل الشمس التي اشرقت في وجهي اليوم نعم انه هو ✨✨

هاي من غضبان لبسمه⬇️ عيني عيني
يالبيك لهاني العُمر ، مارگزت من مر
- ايهاب المالكي

بسمه ⬇️
چا هو الگلب چومه لحم لولاك

قمر / هلا ماما سليم  انطيني جنطتك
عامر : احم احم السلام عليكم

رفعت رااسي ادحكلو هذا عامر حيللللللل ولا متغير بس شوي مشيب شعره دنكت راسي  : وعليكم السلام اهلا

عامر : هههه هلا بيج سلوم  ابن اخويه شلونه يمج

/ يخبل الله يحفظه و البقاء في حياتكم كالو اهله انطوك عمرهم

عامر : اي والله صار شهر اخويه و مرته الله يرحمهم ماتو و هو بقى امانه عندي

/ الله يحفظه و يلهمكم الصبر

عامر : الله يسلمج ما جنت اعرف انتقلتو هنا لو شنو
/ اي ويه بسمه
عامر : ان شاء الله لعد النا لقاء ثاني

/ ان شاء الله
اترخصت من عنده استقبل باقي الاطفال و منهم الي ادرسهم و اخليهم يرسمون

بالطلعه اامن على كل الاطفال و اطلع ..

مر من يمي سليم  : ست لا تروحين لساه عمو ما اجه حبابه انتظري اخاف ابقى ويه ست رشا

ضحكت : اوكي راح انتظر
جريت كرسي و كعدت يمه : شلونك

سليم  : الحمد لله بس مشتاق لماما و طبخها و لبابا و وكت جيتو من الشُغل و جايبلي وياه اشياء

: اني هم اشتاقيت الامي و لطبخها و لبابا و وكفته ويانه

سليم : ليش خاله انتي هم ابوج و امج  صارو بالسما و مثلي هم ما تسمعيهم

مسحت دمعتي من تذكرت امي و ابويه : اي ما اسمعهم

: لا تبجين ست تره عمو عامر كال هم يسمعونا و يعرفون نحبهم و اذا نبجي يبقون متضايقين