بسمة غضبان

٧

#بسمه_غضبان

مـدري لـيش  ..
ريـح تاخـذني لـ كـتر واتـردني ريـح
كلـشي مـاكو بـ كلـشي مـاكو
اعـثر واطـيح !!
منصور البدر

- هبوط بالضغط راح انطيج دوه اخذي من تحسين بدوخه
: يعني مو حامل

: اها لعد انزلي للمختبر حللي

اجه غضبان بعد ما جان يفتر على دكاتره شافني انصدم ابتسمت .. شنو هالصدفه شلونك ابو نطاح

: هاي انتي هنا شتسوين

: اني ممرضه هنا اشتغل انت شعجب جاي خو ماكو شي
: اااا لا ماكو شي

زها : منو هاي  ضوبي
كلبت عيوني : اني بنت عمه انتي المنو

زها : مرته
جاوبت باستغراب : مرت غضبان

غضبان : لا لا مو هيج
/: عجل ؟

زها : انتي معليج ان جنت مرته حبيبته شدخلج
/: وجهة نضر ، اني عندي شغل اذا تحتاجين اي شي اني موجوده  ها و لا تنسين تحليل الحمل

غضبان : هوب هوب شنو حمل
زها : مو يجوز اطلع حامل

غضبان : لا مو حامل
زها : مو....
غضبان : كتلج مو حامل

عفتهم و مشيت اجه ورايه ..
: بسمه اسمعيني

انداريت عليه اكلب بالملف : اي اسمعك ابو نطاح
: راح اطلقهه اصلا زواج متعه هذا

هزيت راسي : و اني شنو دخلي بالموضوع
غضبان : ما اريد احد يعرف لان بالسر

: تمام بس شراح استفاد اذا محد عرف
غضبان : و شراح تستفادين اذا اي احد عرف

: اوكي تمام سرك ببير
غضبان : ما احبها تره

: و اني شنو دخلني اذا تحبها او لا
شفت ازاد ديجي يمنا .. علكت .

ازاد : هلاو بسبسه شلونج شو ماكو هالايام خو ما صايرلج شي
غضبان : هلو هلو بسبسه و شو ماكو

خزرته و درت على ازاد : اهلا دكتور تمام الحمد لله هستوني ردت اجيك على عمليه ابويه

ازاد : هذا منو ديضايقج اني احاسبه اذا مضايقج كولي
غضبان هد عليه : هاي عليمن هذا يولو المايع ابو كذيله بنت عمي هاي

ازاد : ياااا بسمه هذا ابن عمج صدك
غضبان : اي عيني واللهي اني ابن عمهه لبسبس  ول بويه انت زلمه خلي حجيك ويه الزلم 

ازاد : اوكي ، بسمه انتظرج بمكتبي حتى نحجي ع عمليه ابوج
بسمه : تمام

غضبان : يولو بس لا ترحين وحدج لمكتبه و وحدكم سوه ، تره بالي ابد ما يصفى
بسمه : ولآ يصفى مو اله يصفى