بسمة غضبان

١٨

#بسمة_غضبان

غضبان

كما ينبت العشب بين مفاصل صخرة وجدنا غريبين يوماً وكانت سماء الرّبيع تؤلّف نجماً... ونجماً وكنت أؤلف فقرة حبّ.. لعينيك.. غنّيتها

✨الحب مشاعر جميلة وأحاسيس راقية.. الحب هو حياة القلوب الميتة✨

🌸🌸🌸🌸🌸🌸🌸🌸

لا بيه اوكع ولا بيه اركض فاقده توازني و دموعي تهل ..

دكتور ليث : بسمه اكعدي فقدتي توازنج

ما اعرف شانطق بس جرني و كعدني بالكاع

دكتور ليث : غمضي عيونج و رجعي اتوازني و كومي

اني كاعده و هو مكرفص يمي ..

استجمعت قوتي و كمت بسرعه ..

حوراء تعيط و رشوان لازمهه مبعدهه و قمر بصدر جاسر ..

غضبان مقرفص يم شغله دنكت راسي : ماما !

رحت يم راسهه دتتنفس بسرعه و فاتحه عيونها تدير بعينها بس متحجي ..

اجوي المسعفين شالوهه و اني اركض وراهم يمكن من اصعب لحظات حياتي شفت حياتي كلها بالسديه

صعدت وياهم و يمي ليث يسوي اسعافات اوليه و اني لازم ايدهه و ابجي و هي تحاول تحجي .. بس متكدر راسهه متاذي

وصلنا المستشفى و ورانه غضبان و رشوان و حوراء اجوي بالسياره  ..

نزلوها دا انزل افترت الدنيا بيه .. كعدت حسيت بعجز جبيييير لدرجه كرهت نفسي ..

طبطب على فخذي ليث : لا تكومين وصلنا للمستشفى لا تروحين تتوكعين

هزيت راسي لحظات و وكفت مشيت و اني امشي سريع بدلت ملابسي و دخلت للردهه

الدكتور : انزلاق بالظهر و بالرقبه اكو جرح بالراس لغرفه العمليات نزيف داخلي

وكفت مكتوفه الايدي .. بس ليث عافهم و كال : بسمه روحي يم اختج انه راح ادخل وياهم لا يضل بالج عمليه جدا بسيطه

هزيت راسي و وكفت يم حوراء حضنتني و تبجي و اني ابجي .. لحظات مثل الشريط تمر كبال عيني

غضبان يخابر و يحجي و ينتر ..

: شنوووو !!
انداريت عليه : شكو
اشرلي بايده ماكو شي و عاقد حاجبه يستمع ..

: نازل انه جوه اشوف ..

تركت حوراء لرشوان و نزلت وراه : شكو غضبان

غضبان : حجيه زهره اتخربطت جابوهه لهنا

هزيت راسي و رجعت صعدت اسئل الممرضات الي بالداخل

ساعات ننتظر يالله طلعوها من العمليات ..