"ဇေ ကိုယ့်ကို ဘာလို့ မုန်းတာလဲ "
ဇေ နှင်လွှတ်သည်ကို ထွက်မသွားဘဲ မသိသလို မေးလာသော ဘုန်းမြတ်သွေးကို
" ခင်ဗျား တကယ် မသိတာလား ?! ခင်ဗျားက သွေးအေးတယ် ။ ခက်ထန်တယ်။ ဇေ့ရဲ့ ခံစားချက်တွေကို အလေးမထားဘူး။ လျို့၀ှက်ချက်တွေ များတယ် ။ မရိုးသားဘူး ! "
"တော်တော့ ဇေ! "
" မတော်နိုင်ဘူး ခင်ဗျား မကောင်းကြောင်း ပြောပါဆို တညလုံး ထိုင်ပြောနိုင်တယ် "
"တော်ပါတော့ ဇေရယ် ကိုယ် အဲ့လောက်ဆို ကိုယ့်ကို မင်း ဘယ်လောက် မုန်းတယ်ဆိုတာကို ကိုယ်သိပါပြီ "
ဇေ့ကို ကြေကွဲစွာ ပြောလာသော ဘုန်းမြတ်သွေးရဲ့ မျက်လုံးများထဲတွင် မျက်ရည်များကို မြင်လိုက်ရသည်။
" ကိုယ် ၀န်ခံပါတယ်။ ကိုယ်က အရမ်း အေးစက်တယ် ဆိုတာကို . . . ဒါပေမယ့် ကိုယ်မင်းကို အေးစက်တယ် ဆိုတာကလေ မင်းကို ဆုံးရှုံးရမှာ ကြောက်လွန်းလို့ပါ ဇေရာ. . . "
ဘုန်းမြတ်သွေးရဲ့ စကား၏ အဓိပ္ပာယ်ကို ဇေ တကယ် မသိတော့ ။
"ကိုယ်လေ မင်းကို သူ့လို အဖြစ် မခံနိုင်ဘူး ! မင်း သူ့ လမ်းလိုက်သွားမှာ ကြောက်လို့ ကိုယ် အေးစက်ခဲ့တာပါ "
ဇေ့ရဲ့ ပခုံးကို ဆွဲရမ်းရင်း ပြောလိုက်သော ဘုန်းမြတ်သွေးရဲ့ မျက်ရည်များ ပါးပြင်ထက် စီးကျလာပြီး
ဇေ, မမြင်အောင် မျက်ရည်များကို အမြန် သုတ်လိုက် ပေမယ့် ဇေ မြင်လိုက်ရသည်။
" ဇေ ကိုယ့်ကို မုန်းတယ်ဆို ကိုယ် ဇေ့ ရှေ့ ရောက်မလာ တော့ပါဘူးလို့ ကိုယ် ကတိပေးပါတယ်။ ကိုယ် သွားတော့မယ် "
ဘုန်းမြတ်သွေး အခန်းထဲက ထွက်သွားသည် အထိ ဇေ မေးခွနိးပေါင်း မြောက်များစွာနဲ့ ငြိမ်နေမိသည်။
ဘုန်းမြတ်သွေး ပြောတဲ့ သူ ဆိုတာက . . . . . မင်းသုတ ဖြစ်ရမည်။
ဘာလို့ ဇေက မင်းသုတရဲ့ လမ်းကို လိုက်မယ်လို့ ဘုန်းမြတ်သွေး ထင်နေတာလဲ ?
ဘုန်းမြတ်သွေးနဲ့ မင်းသုတ ဘာတွေ ဖြစ်ခဲ့တာလဲ ? . . . . .
🍃 🍃 🍃 🍃 🍃 🍃 🍃 🍃 🍃 🍃 🍃🍃 🍃
YOU ARE READING
Hire . Com (Be My Rental Boyfriend Forever!)
Teen Fictionရည်းစား အတု၊ မိဘ အတု၊ မိသားစု အတု ၊ သူငယ်ချင်း အတု အစရှိသော fake relationship အငှား ၀န်ဆောင်မှုပေးသော Hire.Com ရဲ့ ပိုင်ရှင် သူဌေး ပေါက်စ 'ဇေလင်းလက်' ထို သူဌေးပေါက်စကို တသက်လုံး အတွက် fake boyfriend အဖြစ် လာငှားသူက Super High Boss ' ဘုန်းမြတ်သွေး'...
