صحيت العصر على صوت الباب قلت اتفضل طلع حسام قال لي اجهزي ماشين مشوار قلت ليو مصحيني عشان كدا يخخخخ قال لي خلاص بمشي بخليك قلت ليو وربي بعد صحيتني م تمشي براك قال لي سريع وهاك دا البسيو قمت دخلت الحمام استحميت واتوضيت طلعت صليت وكالعادة دعيت ربنا وشكرتو على النعمة الاداني ليها وما بنسى دعواتي اليومية للناس الكان ليها أثر في حياتي خير او شر قمت فتحت الكيس لقيتو جايب لي عباية رمادية وطرحة رمادية واسبورت رمادي ونفس العطر حقو فرحت فرح طوالي خشيت فيهم وجيت طالعة نزلت تحت لقيت خالتو اماني قالت لي طالعين خلاص قلت ليها عارفة يعني ضحكت وقالت لي اي قلت ليها خلي يصبر لي حسام قبل ما نتم كلامنا جا نازل كان لابس بنطلون اسود وقميص رمادي واسبورت رمادي قال لي اعصابك اعصابك يلا نطلع قلت ليو طيب الحجة قالت لينا الله معاكم خلي بالك في الطريق يا حسام قال ليها ان شاء الله وطلعنا قلت ليو ماشين وين قال لي ح تعرفي وبعدين انتي م زهجتي من جو الامتحانات دي قلت ليو اسكت ساي قال لي عشان كدا احسن نتنفس اول شي مشينا المطعم البحبو داك اتغدينا وبعدها طلعنا مشينا السوق قال لي انتي كبرتي واكيد الملابس ديك ح تكون ليك صغيرة ف عشان كدا ح تطلعيها وناخد بدلها قلت ليو حسام م يحتاج قال لي لو الليلة م يحتاج بكرة برضو م يحتاج وعلى فكرة لازم ناخد سريع عشان عندي موضوع حابي اوريك ليو قلت ليو هااا خير قال لي بعد نشتري قلت ليو طيب اوووف😒 دخلنا اشتريت كم عباية ملونة بي جزمها وعشان حجمي صغير لسة اخدت برضو كم بنطلون وحلفت م اخد قمصان بنات الا زي حقاتو قال لي مجنونة انتي قلت ليو م بعرف بس دايرة زي هدومك قال لي معناها ح نرجع البناطلين وناخد اسكيرتات قلت ليو بجدعهم في اخر زاوية في الدولاب بعد أكبر شوية بلبسهم قال لي طيب وفعلا رجعناهم واخدنا الاسكيرتات والقمصان وكم فنيلة اكمام طوال وبي طرحهم وكم بيجامة رجعنا البيت بي اكياس كتيرة كنت متحمسة م انوم قلت لي عشوش تساعدني ارتب وفعلا الليل كلو نتونس ورتبنا الهدوم وطلعنا الصغيرة كنت فرحانة لي درجة كبيرة بس برضو م نسيت اهلي ولا نسيت الحصل معاي بس صحي الصدمة ممكن تعمل فيك حاجتين يا اما تدمرك أو تخليك اقوى والقرار عندك وانا اخترت الخيار التاني نمت وانا مبسوطة صحيت تاني يوم الجمعة اتوضيت صليت ودخلت المطبخ كان مزاجي رايق عملت الكيك العلمني ليها حسام وعملت الشاي وفي اكل في الثلاجة دخلتو المايكرويف وختيت الفطور ورصيت السفرة وطلعت فوق استحميت وغيرت لبست بيجامة جديدة وشعري كان بوب طبعا زي حق عشوش كل ما يقدم بتصلحو لي نزلت تحت لقيتهم صاحيين اتلمينا في السفرة وحسام قال لي بقيتي طباخة اكتر منى قلت ليو انا اصلا طباخة فطرنا وعشوش قالت بتلم السفرة هي اليوم عد سريع بعد العصر وانا في الغرفة جاتني الحجة قالت لي هاك صحبتك شلت التلفون قلت ليها اووبي💕 قالت لي اسكتي يا حقيرهه مالك جافيتيني ولا عشان المدرسة قفلت قلت ليها انتي وسخهه ولا ايه قالت لي حبيت اوريك النتايج بعد شهر قلت ليها م جادهه قالت لي اوووقسووم قلت ليها الله يقوم ليك ضنب تفووو عليك يا وسخة💦 مع السلامة قالت لي اصبري قلت ليها افصلي نفسك قالت لي كويس يا جزمة وقفلت الخط بقيت بضحك رجعت التلفون للحجة وقلت نفسي اشوف العالم من فوق طلعت جيت مارة بالغرفة البراها ديك وللان م سألت فيها شنو ولا ح أسأل طلعت السطوح وبقيت بعاين فجأة جاني صوت حسام قلت ليو بسسس انت محل م اقبل قال لي اصبري قربتي تتخارجي مني قلت ليو قصدك شنو قال لي امس انا قلت ليك دايرك في موضوع قلت ليو اهاااا صاح احكي لي الموضوع قال لي م كنت حابي اوريك نسبة للامتحانت قبل فترة جاتني منحة دراسية قلت ليو مفهمتك قال لي طيب انا ح اسافر برا السودان وأكمل دراستي هناك وأحضر الماستر ولو الأمور ظبطت ح ابني شغلي الخاص عيوني اتملت دموع قلت ليو ح تمشي وين وتقعد كم لي ح تخليني براي اطلع مع منو تاني واشكي لي منو قال لي قبل كدا انا قلت ليك طول ما انا عايش وفيني نفس ح اكون جمبك من كل النواحي وفي كل شي ولي اسي انا في وعدي بس ح اسافر فترة كم سنة اكون مستقبلي واجي راجع ما بطول بقيت ببكي قال لي والله لو م مجبور م بسافر بسس قاطعتو انا ببكي من فرحي ليك انت انسان طموح وتستاهل كل خير كل شي بحصل بكون لي خير وانا كمان هنا ح أشد حيلي واواصل دراستي واوعدك ح تكون فخور بي قال لي ودا الشي الحابي اسمعو انتي قوية واكيد ثقتي فيك كبيرة قلت ليو ح تقعد كم ومسافر متين قال لي تقريبا السفر بعد شهر او اقل اما اقعد كم دي لسة م بعرف عندي السنة الرابعة ح اكملها وبعدو ح احضر الماستر وابني شغلي الخاص يعني اقل شي بحتاج تلاتة أربعة سنة ويمكن تمتد قلت ليو كااااام😭 م جادي قال لي يا زولة ربك يهون قلت ليو ااامين بس لو مشيت اكيد ح تنساني قال لي مستحيل في زول بنسى اختو قلت ليو الليلة انا لي سنة كاملة هنا قال لي عارف وحاسب كل لحظة وعارف نتايجكم بعد شهر قلت ليو يخخخخ انا قبيل اتشاكلت مع ماب بسبب الموضوع دا حابي نتشاكل😒 قال لي م قنعان من نفسي مع السلامة ونزل فات والله يجماعة حسيت كل كلمة قالها لي تقيلة م قادرة اتخيل البيت من دون حسام هو البعمل لينا اجواء في البيت ولمن اكون زهجانة هو البعرف يضحكني مع انو اليوم كلو نتناقر بس حنييين بس كمان من ناحية دا مستقبلو هو وم صاح افكر في نفسي بس لازم ادعمو واعمل ليو مفاجأة أو حاجة تزكرني بيو ف بقيت بفكر وجات فكرة حلوة نزلت تحت وانا فرحانة وبديت انفذ طوالي...
من جانب تاني...
منى قاعدة في نص السرير وبتبكي سمر الليلة تمت سنة ولا عارفة ليها خبر يا ربي عايشة ولا ماتت والشي الواجعني انو ماف زول تاني سأل منها ولا جاب سيرتها احيييي من وجعتي فجأة حست بي يد صغيرة بتمسح في دموعها وبتقول ماما حضنتها وزادت في البكى قالت ليها حنيينة زي امك يا بتي خالتك ماف ليها سنة كانت بتحبك شديييد وبتحب امكك بس ربنا يحفظها ويحميها ....
