دخلت الرقم ودقيت دخل الجرس الاول والتاني طوالي الخط فتح في الاول سكتا ساي قلت يمكن دي ما منى شوية كدا جاني صوت راجل بيقول الو الو انا اتخلعتا ودايرة اقفل كدا بس قال لي سمر ؟! ما تقفلي انا عثمان قلت ليو منى وين ولي تلفونها عندك الحاصل عليها شنو قال لي اهدي هي كويسة فاتت بيتكم وخلت التلفون معاي قالت لي لو دقيتي اتكلم معاك قلت ليو فاتت بيتنا لشنو قال لي الحلة قايمة وبتفتش فيك عشان كدا هي مع ناس بيتكم عشان م تديهم احساس انها عارفاك طلعتي برا الحلة بقيت ببكي ليو قال لي ما تبكي انا لو في مكانك ح اعمل نفس الشي العملتي انتي وما يهمك المهم انتي وين قلت ليو في مدني قال لي ودا رقم منو قلت ليو دي خالة بتبيع شاي في الشعبي قلت ليها جاييني اخوي قال لي اديني ليها قلت ليها خالتو فتحية هاك اتكلمي شالت التلفون واتكلمت معاهوو وقفلت قالت لي معقولة يا بتي كان توريني انتي ماف داعي اتكلم مع اخوك انتي زي بتي اكيد لو قلتي لي اخوي قال هو بعيد شديد وح يجي الصباح م ح اخليك تبيتي في الشارع اتفاجأت من كلامها بس برضو ابتسمت ليها وقلت ليها شكرا يا خالة وفعلا بعد الساعة ١٢ جات انا وخالتو فتحية طلعنا من السوق الشعبي لقينا امجادات واقفة برة بس اي واحد تسالو بقول ليها م ماشي في النهاية لقت ليها بتاع ركشة ود حلال وقال ليها يا خالة ماشة وين قالت ليو ماشة القلعة يا ولدي قال ليها القريبة دي قالت ليو اي والله لو م الفتر كان مشيت بكرعيني قال ليها لالا معقولة ارح طوالي بوديك قالت ليو الله يجعل فيك البركة يا ولدي وركبنا بعد أقل من ٥ دقايق وصلنا وبتاع الركشة حلف م يشيل منها في النهاية فات قالت لي والله يا بتي الزمن دا اولاد الحلال اتعدمو الا القليل قلت ليها اي والله بعدها اتحركنا دخلنا لينا بيت كدا فيو غرفة وحمام قالت لي بيتنا بسيط يا بتي بس علي قدرنا واستطاعتي قلت ليها الحاجة البسيطة دايما بتكون حلوة وملانة حب وفعلا بيتهم كان عبارة عن كدا يلا دخلنا الغرفة وكان فيها أربعة سراير لقينا بناتها نايمين ومجهزين ليها السرير حقها قالت لي ارقدي في السرير البعجبك النمشي اجيب ليك حاجة تاكليها قلت ليها لالا يا خالتو تسلمي شبعانة والله بس دايرة انوم وانتي زاتك تعبانة ارتاحي قالت لي اي والله يا بتي هاك اتغطي كويس الواطة باردة نومي ساي البيت بيتكم وما تخافي اخوك قال بيجي بكرة ان شاء الله تصبحي على خير وطفت النور ورقدت اما انا م قدرت انوم بفكر في القصة الحصلت لي وهمي كلو في منى بعد الحصل لي دا كلو صراحة خفت على سجى اختي خفت يحصل فيها نفس الحصل فيني لكن ما اظن الود بعد الحصل دا يقعد في الحلة اتذكرت ابوي وسهى ربنا يرحمهم والله فرقو معاي كتيييير يا ريتهم كانو عايشين اعمل شنو انا في الدنيا دي والحيحصل لي لقدام شنو بقيت ببكي وبفكر لحدي ما سمعت أذان الصبح من دون مبالغة قمت وانا خايفة وما عارفة درب الحمام بي وين والضلام والبرد طلعت الحوش ودخلت الحمام وطلعت شفت لي إبريق جمب باب الغرفة شلتو واتوضيت دخلت الغرفة لقيت خالتو فتحية صحت تصلي قالت لي يا بتي انتي هنا خفت عليك قلت يمكن حاصلة ليك حاجة طلعتي خليتي البيت كان تصحيني معاك قلت ليها اسي كنت دايرة اصحيك للصلاة قالت لي خلاص ما مشكلة حصل خير فرشت لي المصلاية وادتني عباية صلاة صليت وبقيت بدعي وببكي يا رب انا م عندي ذنب فى الحصل لي دا كلو يا رب انت عارف الحقيقة يا ربي ساعدني يا رب خفف الوجع الجواي انا والله تعبت والله تعبت بقيت ببكي وبتنهد لمن صوتي بقى مسموع رفعتا راسي ولقيت خالتو فتحية واقفة قالت لي يا بتي انا م عارفة الحاصل عليك شنو انتي جاهلة وصغيرة وم قدر الهموم لكن مهما كان حاصل دي كلهاا ابتلاءات من ربنا داير يختبر صبرك وايمانك قلت ليها بس ما للدرجة دي يا خالتو انا القاها من منو في الدنيا دي وبقيت ببكي زيادة رفعتني ورقدتني في السرير وختت راسي في كرعيها وبقت تمسح على راسي قالت لي يا بتي دي حال الدنيا لا دايم فيها فرح ولا دايم فيها حزن واكيد دا امتحان من ربنا داير يختبر صبرك وايمانك زي ما قلت ليك قبل كدا خلي ثقتك بربك كبيرة وان شاء الله م بخيب ظنك وبقت تتكلم وتتكلم وتمسح في راسي لحدي م غلبني النعاس ونمت ...نمت بعد فترة طويلة نمت في حضن غير حضن امي وحسيت فيو بالراحة في حضن واحدة غريبة لا بعرفها ولا بتعرفني لمتني بيها الصدفة بس وغير اسمها م بعرف شي والله يجماعة ربنا م يبتليكم بالمر بي في حياتي 12 سنة اي عمري12 سنة وحصل معاي دا كلو يعني انا من الأساس ما طلعت لسة صدقوني حسيت بالأمان بعد كلامها حتى ولا سألتني من شي بس طبطبت علي ...صحيت على صوت التلفزيون بي اغاني الاطفال فتحت عيوني لقيت بت خالتو فتحية الصغيرونة بتنطط في السرير وبتغني مع التلفزيون بقيت بعاين ليها وبضحك شوية سمعت صوت اختها التانية قالت ليها يا اروى انا م قلت ليك م تفتحي التلفزيون عشان متصحي الضيفة جات وقفت في باب الغرفة عاينت لي قالت ليها اها صحيتيها ارتحتي
قالت لي معليش على الازعاج بس اروى اختي دي مزعجة خلاص قلت ليها لالا عادي اصلا انا صحيت خلاص اسي الساعة كم قالت لي الظهر اذن قلت ليها ووووب الليلة اتاخرتا عديل خالتو فتحية وين قالت لي في برندة الزنك بهناك قلت في نفسي يعني عندهم برندة تاني جمب وين انا م شفتها امس قلت ليها ايوااا قالت لي هاك ادتني فرشة ومعجون وغيار قالت لي الصابون والليفة في الحمام خشي عشان امي بتجهز في الفطور قلت ليها شكرا ليك قالت لي م بيناتنا دخلت الحمام واتجهزت وطلعت لقيت خالتو فتحية طالعة من الأوضة قالت لي صباح الخير قلت ليها صباح الخير قالت لي ارح بهناك ختيت الفطور قلت ليها طيب مشينا البرندة كانو عاملنها نظام مطبخ وفيها سريرين ومرشوشة وريحة الطين زكرتني بي حلتنا على سيرة الحلة طوالي قلت ليها خالتو اخوي ما رجع ليك قالت لي بري والله لكن اقعدي افطري وارجعي ليو انتي قلت ليها كويس قعدنا نفطر وأثناء ما بنفطر تلفونها اتصل كنت متلهفة يكون دا عثمان بس طلع ما هو ردت على تلفونها وبعد قفلت الخط بقت تزغرد بتها قالت ليها يا امي ف شنو ردت ليها قبلونا في اللوتري البنات بقو فرحانين وانا م فاهمة شي بعاين ليهم بس شكلها حست بي قالت لي مش امس قلت ليك قدمنا في اللوتري قلت ليها اللوتري دا شنو قالت لي تقديم بفتح في وقت معين كل سنة بشيلوك برا السودان اها نحن قدمنا السنة دي واسي ناس التقديم اتصلوا وقالوا لي شالوكم أمريكا قلت ليها يعني انتو ح تمشو أمريكا قالت لي وبعد بكرة كمان فرحت ليهم بجد لانهم بستاهلو م تميت معاهم يوم بس عرفتهم طوالي من الفرح ما تمينا الفطور قمنا لانو الجيران سمعو الزغاريد جو وباركو ليها واتصلت على امها وأخواتها بس شكلهم م ابدو اي ردة فعل لانو حسيت بيها اتضايقت بعد الحصل والجو هدا شوية قالت لي هيييييا يا بتي مع الفرحة نسيتك النرسل اروى تجيب رصيد النمشي لي سلمى دي واجي مسافة تجيب الرصيد بتها الكبيرة قالت ليها مع خالتو سلمى وتجي اسي زي الما بعرفكم قعدت تضحك قالت ليها ما هي كلمتني من امس عندها ضيوف وانتي عارفة انا بعد العصر انا بعمل ليكم الغدا عشان المغرب بمشي الشغل قالت ليها يا امي بعدا شغل شنو ليك ردت خالتو ماشة الملم حجاتي الهناك قالت ليها اهااااا كويس وطلعت فاتت الوقت دا كان بعد الظهر في المسافة دي صليت الظهر وغسلت الجلباب الكنت لابساو والعباية وشريتهم وقعدت في الأوضة جات بت خالتو فتحية تتونس معاي قالت لي انتي مالك مسكينة كدا ضحكت قلت ليها لالا بس طبعي كدا م بتكلم كتير قالت لي بتقري فيكم قلت ليها ماشة تامن قالت لي زيي يعني الاجازة العويرة دي بدت امس والملل بدا معاها قلت ليها اقري قصص م ح تحسي بالملل قالت لي بتحبي القراية ولا شنو قلت ليها كتييير قالت لي صحي نسييت اسمك منو ضحكت وقلت ليها بعد الونسة دي كوولها م عارفة اسمي قالت لي اعرفو من وين وانتي م وريتيني قلت ليها خالتو فتحية ما ورتك قالت لي لا قلت ليها صحي توريك من وين هي زاتها ما اظن عارفة اسمي نسيت م وريتها البت بقت تضحك بي دموعها قالت لي يعني امي بعد دا كووولو م عارفة اسمك قبل م نسكت جو داخلين خالتو فتحية واروى قالت لي تعالي يلا عشان تتصلي لي اخوك قلت ليها كويس شلت التلفون ودقيت المكالمة الأولى ماف رد والتانية برضو يلا العصر اذن قلت اصلي وارجع اتصل بعد صليت برضو اتصلت الا في نهاية المكالمة الخط فتح ويا ريتو ما فتح..💔
الحياةّ حرب
حرب مَع نفسك ، وِحرب مَع ظروِفك
وِحرب مَع الحمَقى الذين خلقوِا هذهِ الظروِف ,,,!!!
ابقو عافية 🖤
