دخلت الواتس لقيت رسالة من رقم غريب " فكرك لو خليتي آرام تبعد عني ح اخليك ف حالك لا م حذرتي كدا يداب بدت اللعبة واعتبري نفسك انتهيتي لانك بتلعبي مع الزول الغلط " والمشكلة لقيتو حاظرني استغربت دا منو وانا الدخلني شنو وكمان آرام لا ح اسالها عملت اسكرين للشات ورسلتها لي آرام م كانت اون لاين ف اضطريت اتصل عليها واقول ليها خووشي الواتس بعد استلمت الصورة رجعت اتصلت علي قلت ليها دا منو وانا دخلني شنو في الموضوع قالت لي دا رقم عناب دقيقة احكي ليك الموضوع ...
باك فلاش بلسان آرام....
قاعدة في الداخلية وماف موضوع اتصلت علي عناب قالت لي انتي وين قلت ليها ف الداخلية قالت لي انتي ف الداخلية وحبيبك هامل مع البنات قبل شوية وانا راجعة من السوق شوفتو ركب ليو بت ف عربيتو وكمان قدام وم عارفاهم مشو وين قلت ليها بتكون بت اهلو عادي قالت لي سمح قولي عادي عادي لمن تلقي مافيش في يدك وقفلت الخط ما عارفاها هي دايرة توصل لشنو انا م ح استعجل واحكم عليو لاني واثقة فيو ح اخت ليو عذر بقيت ماشة وجاية بس لازم اتاكد اول اتصلت عليو المكالمة الأولى م رد التانية رد قلت ليو جادعو وين قال لي كنت ببركن في العربية قلت ليو مشيت وين قال لي كنت في مشوار وحاليا وصلت البيت داير اخد حمام وماشي النادي قلت ليو مشوار وين قال لي آرام؟! ف حاجة ولا مالك قلت ليو لالا بس حالتي زهجانة وم دايرة اكل الداخلية كان نفسي نتغدا برا قال لي بس كدا طيب اجهزي باخد لي حمام واجيك فعلا بعد ساعة جاني طلعنا ونحن بناكل كنت متوترة وحابة اسألو بس خايفة يهيج ويزعل لاحظ لي قال لي مالك قلت ليو م مالي قال لي متأكد في حاجة احكي لي قلت ليو مشوارك كان وين قال لي دي عناب صحح؟ تاني رجعتي صدقتيها صح يا آرام جدع الملعقة من يدو وداير يقوم قلت ليو لا يا وضاح ودموعي نزلت انا م صدقتها انا واثقة منك بس.. قال لي بس شنو وريني بس شنو اصلا هي قالت ليك شنو قلت ليو اتصلت علي وقالت شافتك....عيونو حمرت قال لي اتصلي عليها اسي قولي ليها تجي قلت ليو لشنو قال لي بنزفرهه اتصلي قلت ليك فعلا اتصلت وقلت ليها عازماك في..تعالي سريع وقفلت قلت ليو وضاح ح تعمل شنو وريني قال لي ح احددو معاها هي حابة تخرب بيناتنا وانا ح اوريها فضلنا ساكتين ومنتظرين لحدي م وصلت قالت لي م قوولتي لي معاك وضاح قلت ليها مفاجأة قعدت ووضاح قال ليها عايني يا عناب لا اله الا الله قالت ليو محمد رسول الله قال ليها مشكلتك شنو معاي بقت تتمتتم قالت ليو ممم ماف شششي ضرب ليها الطاولة قال ليها قبيل لاقيتك وين قالت ليو في السوق قال ليها كان معاي منو وريها الحاصل سريع قالت لي كان معاو بتين امهم وقعت في الشارع رفعها في عربيتو واحدة ركبت ورا مع امها والتانية قدام وداهم المستشفى قال ليها وانتي قلتي لي آرام شنو مشكلتك شنو معانا وربي الكعبة لو م كنتي بت كان وريتك ليو اتلفت علي قال لي خلاص عرفتي الحقيقة ارتحتي يا هانم عناب بقت تبكي قلت ليها تبكي على شنو انتي انانية وم بتحبي تشوفي غيرك مبسوط وانا م بتشرف بوحدة زيك اعتبري البينا أنتهى قالت لي بتخليني عشانو قلت ليها هو دخل حياتي قبلك من أربعة سنة ومعرفتي بيك م تمت أربعة شهور يلا سلام قالت لي طيب يا آرام حتندمي صدقيني وفاتت خلتنا وضاح قال لي م كل الناس نيتها واحدة وبتحب الخير لغيرها فهمتي قلت ليو انا اسفة بجد قال لي م مشكلة انا عارفك عفويهه وم قصدك عشان كدا حبيتكك من أربعة سنة لما شفتكك في المطار وانتي مسافرةة قلت ليو وانا كمان قال لي يعني كنتي بتتغاتتي علي صاح ايواااا بقينا نضحك بعدها رجعني الداخلية وبالجد كنت مبسوطة دخلت الواتس رسلت ليها " م اتوقعتك كدا يا خساره " وحظرتها من اي جهة ....
