نمت وانا بفكر في اليوم وتفاصيلو تاني يوم السبت صحيت متأخرة وحتى الصبح م صحيت صليتو من التعب قمت مخلوعة واخدت حمام وصليت الصبح الساعة 10 نزلت تحت لقيت عشوش براها في المطبخ شغالة طبيخ قلت ليها خالتو وين قالت لي ماما فات مع بابا بدري تعال اخت ليك تاكل قلت ليها بختو براي كملي طبيخك قالت لي حااضر فتحت التلاجة لقيت عصير كبيت كباية شربتها قلت ليها اساعدك قالت لي بتعرف تطبخ قلت ليها اي بس ما كتيير بعرف حجات بسيطة قالت لي خلاص هاك اقطع لي دا طلعت فوق المسطبة وشلت الطماطم بقيت بقطع وبتونس معاها طلعت ظريفة يخخخخ حكت لي قصة حياتها كووولها كملت الطبيخ ووصفت لي كم وصفة وطلعنا من المطبخ كدا سمعنا صوت فتحة الباب جو داخلين خالتو اماني وعمو ماهر سلمو علي قلت ليهم وين من الصباح خالتو اماني قالت لي مشينا لي صحبتي جارتنا بي هنا في المستشفى تعبت بالليل عندها أزمة قلت ليها بقت كيف قالت لي لمن خرجوها اصلا بتجيها الحالات دي فجأة قلت ليها ربنا يقومها بالسلامة عمو ماهر قال لي يا بتي بعدا مفروض نعمل اجراءت مستنداتك لانو المدارس بالكتير بتفتح بعد شهر ولازم تنزلي قلت ليو والحل شنو قال لي بكرة الصباح بدري خليك جاهزة عشان نمشي اول خطوة نطلع الرقم الوطني ونشوف البحصل قلت ليو طيب ان شاء الله خالتو اماني قالت لي عشوش حتي لينا نفطر يا بتي مسافة نغير هدومنا عشوش دخلت المطبخ ومشيت معاها وختينا الفطور شوية كدا جو وقعدنا كلنا سوا قلت ليهم حسام وين قالت لي طلع بدري الليلة مشى الجامعة قلت ليها اهااااا فطرنا ولمينا المطبخ وطلعت الغرفة فتحت التلفزيون بقلب في القنوات جبت سبيستون لقيت مسلسل كرتون شغال شكلو قديم لكن حلو اسمو عهد الاصدقاء وفي بدايتو الحلقة الخامسة وبقيت بحضر لحدي ما انتهى قمت مشيت المكتبة وقلبت الكتب كلها لقيت نفسي قارياها لقيت دفتر كدا غلافو اسود فتحتو ومسكت القلم في يدي غمضت عيوني وبقيت بكتب في كلام انا زاتي م عارفة معناهو شنو بس كتبت اي شعور جواي انشرحت في الكتابة لحدي ما سمعت أذان الظهر صليت ورقدت نمت صحيت العصر استحميت الغرفة كان دايرة ترتيب بسيط وكان في هدوم وسخانة قلت بدل م قاعدة ساي احسن ارتب رتبت الغرفة ولميت الهدوم بالجمبة باب الغرفة دق قلت اتفضل طلع حسام كان شايل كيس في يدو وشكلو جاي يداب من الجامعة قال لي كيفك قلت ليو اهلييين كييفك قال لي تمام قلت ليو يداب جيت قال لي الليلة تعبان وروحي مارقة شغال من سبعة صباحا داير انوم بس هاك الكيس دا حقك قلت ليو دا شنو قال لي افتحي براك يلا انا ماشي وبالله ماف زول يزعجني داير انوم بعد اصحى باكل قلت ليو ظابط ضحك وقال لي ماشة كووويس وبعدها طلع فتحت الكيس لقيت فيو شوكولاتات كتيييرة وشييبس ضحكت وقلت في سري حسام المجنون ربنا يخليك بالجد انا ارتحت ليو نفسيا وهو أول زول انا دخلت فيو وبعاملني كأني اختو بالجد ختيت الكيس ونزلت تحت لقيتهم بجهزو في الغدا شوية كدا قعدنا كوولنا الا حسام خالتو اماني قالت لي حسام وين قلت ليها قال تعبان بعد يصحى بياكل اتغدينا والوقت مر بسرعة تاني يوم الصبح صحيت بدري وجهزت حتى قبل حسام وطلعنا انا وعمو ماهر بي عربيتو الشوارع كانت فاضية وانا سرحانة بفكر في ابوي كل ما اشوف عمو ماهر بذكرني بي ابوي ودا الشي الكان بحببني فيو قطع سرحتي صوتو بقول لي وصلنا يلا ننزل انتبهت لنفسي ونزلت دخلنا مبنى وشكلنا اول الحاضرين قال لي شفتي الزول لمن يجي بدري بخلص بدري قبل الشمس تسخن دخلنا مكتب وعملنا الإجراءات خلصنا زي الساعة عشرة قال لي رايك شنو نفطر ونرجع البيت قلت ليو طيب مشينا كفتيريا اسمها بيتنا كانت ملانة ناس شكلو اكلها سمح قال لي اقعدي ومشى طلب لينا سندوتشات وعصير بالجد اكلهم كان حلو وتستاهل الزحمة الفيها فطرنا ورجعنا البيت خالتو اماني قالت لينا عملتو شنو قال ليها خلصنا اجراءات الرقم الوطني والاستلام بعد يومين قالت لينا الفطور قلت ليها الحمد لله سبقناكم وانا طالعة لاقيت حسام في السلم كان متشيككك اخر شياكة قلت ليو وين في النهار دا قال لي عندي محاضرة واحدة بجي بعد تلاتة ساعات بالكتير قلت ليو طيب في امان الله وطلعت كنت تعبانة طوالي رقدت نمت صحيت مخلوعة بعد العصر استحميت وصليت الظهر والعصر ونزلت تحت على المطبخ عشان اشرب واتفاجأت من المنظر القدامي حسام وفي المطبخ مركب سماعاتو وبغني ويعجن في الدقيق صوتو حلو شدييييد ومنظرو احلى اتكيت في الحيطة وبعاين ليو شوية وانتبه لوجودي طلع السماعة وبقى يحك في راسو قال لي واقفة من متين فكيييت الضحكة قلت ليو بتعمل في شنو قال لي بيتزا وكيك قلت ليو انت ملعقة م بتقدر تمسكها قال لي دا تحدي ولا شنو والله انا بعرف احسن منك قلت ليو طيب نشوف ركب سماعاتو وواصل وانا شربت الموية وطلعت فوق المسطبة وبعاين صراحة انا م بعرف بس نفسي اتعلم وبقيت مراقبة وهو انتبه وطلع السماعة تاني قال لي بتتعلمي من الشيف صاح قلت ليو ح اتجاوز سؤالك عشان م نتناقش قال لي تمام وبقينا نتونس عادي قلت ليو انت ما عندك اهل ولا شنو؟ لون وشو اتغير قلت ليو اسفة لو بتدخل في امورك قال لي مما قمت وانا بعرف امي وابوي بس تقريبا ابوي وحيد وامو وابوهو اتوفو في حادث واهلهم صعبين عشان كدا فات منهم وكون نفسو بنفسو اما امي تقريبا اهلها عايشين برا السودان وعندها مشاكل معاهم وسيرتهم ما بتجيبها ولمن افتح ليهم الموضوع بقولوا لي وجودنا ما مكفيك و..... كلام كتير وبقلبو موال بكى عشان كدا بتجنب الحاجة دي قلت ليو معليش قلبت مواجعك فجأة قال اوووووو بسبب كلامك الكتير نسيت الفرن فتحو وطلع الصينية حقت البيتزا ودخل الكيكة صراحة شكلها براو بشهي والعجب الريحة قال لي اهااا رايك قلت ليو م على قدر كدا قال لي حقد دفين🔪😒 بقيت بضحك قال لي بلا سنون قطع البيتزا وخت لي في صحن شلت قطعة وخربت وشي قلت ليو اقول ليك الصراحة بس بي شرط قال لي بقى فيها شروط يلا انجزي قلت ليو رهييييييبة حسوووم علمني بعملوها كيف بقى بضحك قال لي ابيت قلت ليو انا م اختك قال لي طيب لمن القى نفسي فاضي يلا اكلي صحة عليك ...
