فجأة باب الغرفة دق مسحت دموعي وقلت اتفضل دخل حسام قال لي بتبكي قلت ليو لا قال لي الوجع لو دسيناهو جوا عيونا بتفضحنا والعيون الوحيدة الما بتفضح وحاليا عيونك بتحكي اي شي كلامو بكاني زيادة قلت ليو نحن لي كدا قال لي ممكن اقعد قلت ليو اتفضل قعد جمب كرعيني في طرف السرير وقال لي نحن كيف قلت ليو نحن البشر ديل لي سيئين كدا ودايما بنتمنى الشر لي بشر زينا قال لي انتي صغيرة بس عقلك كبير وانتي شكلك مريتي بظروف صعبة ودي اسمها ابتلاءات ما ظروف وكلنا ربنا بيبتلينا ونحن علينا نصبر وم نيأس قلت ليو الكلام ساهل لي زول م جرب او مر بالمريت بيو انا ..انا عملت شنو في الدنيا دي عشان يحصل لي كدا حياتي اتدمرت وكل البحبهم خزلوني وفاتو خلوني وما قالوا لي الدنيا بعدهم ح تكون أسوأ من السيئ قال لي تتذكري قبيل لما سألتيني عن حنين طيب ما سألتني نفسك عن الحصل وعن تعامل امي معاك م حصل سألتي قلت ليو انا كل يوم بشوف في عيونكم كلكم نظرة حنينة نظرة حاجة انت بتحبها وخايف تفقدها وبقول يا ربي الحاصل شنو وحاليا انا شايفة نفس النظرة دي بس الجواب عندك .. قال لي انا ح احكي ليك عن منو هي حنين بس بالمقابل اوعديني انك ح تحكي لي عن الحاجة الفي قلبك الخلتك تتوجعي للدرجة دي قلت ليو ان شاء الله قال لي وعد؟! قلت ليو وعد😊 قال لي طيب حنين دي اختي قبل سنتين بالضبط اتوفت وانا السبب ....
باك فلاش القصة بلسان حسام....
بتكلم مع امي قلت ليها يا امي كل اصحابي عندهم عربات الا انا لي الناقصني شنو قالت لي القصة م قصة ناقصك ولا ما ناقصك القصة قصة سلامتك وحياتك انت متهور وحاليا في فترة مراهقة وبعدين انت يداب نزلت الجامعة ليك يومين تم سنة سنتين وبعدها سوق عربية م منعتك تسوق قلت ليها يعني انا كل يوم امشي السوق كفاية الثانوي دا كلو قضيتو من السوق لي المدرسة للبيت وم استفدت شي لي التعب م دام عندنا الشي ف يدينا انا لازم اسوق العربية يعني لازم اسوقها قالت لي يا ولدي الله يرضى عليك أسمع الكلام مشيت خليتها وانا زعلان م بفكر في شي غير اني اسوق العربية بس لانو اصحابي عندهم وابوي م برفض طلب لي زول فينا نقيت ليو لمن اقتنع ومشى يشتريها لي وامي كانت م راضية لاني في نظرها لسة صغير وطايش ..رقدت ف غرفتي وبفكر في كلام امي وم لازم اتكلم معاها بالطريقة دي مهما كان حسيت نفسي غلطت في حقها ورفعت صوتي عليها لازم أعتذر واخليها تعفي لي في عز التفكيير داك باب غرفتي فتح كرووووو👋 كالعادة اتفلت لقيتها حنين قلت ليها انا مية مرة قلت ليها م تفتحي الزفت دا كدا في حاجة اسمها استاذان قالت لي م ضروري استأذن وبعدين انا م شايفة زول عشان استأذن منو😴✌ قلت ليها الله يورينا نهاية لسانك الطويل دا شافعة ردها في طرف لسانها زيك اصلو م لاقتني😒 قالت لي ولا ح تلاقيك الموووهم م موضوعنا دايراك توديني بعدين ناس رونق عيد ميلادها الليلة قلت ليها وامي وين خليها تمشي معاك قالت لي امي قالت كرعيها واجعنها مبتقدر قلت ليها كيف م توجعها والسنة كلها حايمة مع عشوش في السوق وطالعة من غرفتك لي غرفتها قالت لي والله كلامك صاح جنها حوامة مرة م بتفتر كلو كلو🤭 قلت ليها بوريها ليك قالت لي انت البديت المووهم ياخ يا حسوووم قول لي بوديك عشان اتخارج ماشة اطلع هدوم المدرسة ديل قلت ليها بوديك لكن م تتعودي قالت لي حبيييييبي انت عرفتك م ح ترفض لي طلب باستني في خدي وطلعت بقيت ببتسم ساي مع انو نحن الوقت كلو بنتشاكل بس بالجد البيناتنا م بيتفهم واختي حنين مالية لينا البيت بي نكدها وشكاويها وحنيتها اسم على مسمى لانو ربنا أداها لينا بعد تعب يداب عمرها 10 سنة بتقرا في خامس أساس ربنا يخليها بس .. طلعت مشيت لي امي قلت ليها يمة اعفي لي م قاصد اتكلم معاك بالطريقة دي قالت لي عافية عنك يا ولدي دنيا وآخرة وبعدين انا دايرة مصلحتك خايفة عليك من طيش الطريق قلت ليها بوعدك اني اعمل حساب وانتبه بنتكلم ابوي جا داخل امي قالت ليو خير الليلة جاي بدري قال ليها جات كدا وماف موضوع عشان كدا ويا حسام دا مفتاح عربيتك اعمل حسابك من الطريق لو اتهورت مرة واحدة بس اعتبر نفسك محروم من العربية للأبد قلت ليو ان شاء الله امي قالت لي الله يغطي عليك بنتكلم جات حنين نازلة من شافت ابوي جات حضنتو وهو رفعها فوووق طبعا حنين وابوي ديل قطعة من بعض نفس اللون ابوي اسمر وامي حلبية انا طلعت على امي وحنين على ابوي ونفس طباع ابوي وعيونو وبحبو بعض لدرجة يعني التقول اخوها م أبوها..قالت ليو بابا مشتاقيين الليلة جيت بدري مالك قال ليها ارجع يعني قصدك قالت ليو لالا قال ليها جيت بدري عشان اجيب ليك دي واداها كتاب قعدت تنطط حنين اختي بتعشق حاجة اسمها قراية قلت ليها يعني عاملة فيك نيوتن الوقت كلو تقري وبعدا م جايبة عمار قالت يا امي لمي ولدك دا امي قالت والله انتو الوقت كلو تتناقرو وفجأة تكونو زي العسل م مفهومين زاتو قلت ليها والفكرة هنا يلا يجماعة انا ماشي اشوف عربيتي الجديدة حنين قالت لي جابوها ليك واخيرااا قلت ليها تخيلي وم قادر افكر انك اول واحدة ح تجربيها قالت لي لازم اباركها ليك مشينا شفناها وكانت سودا حسب طلبي ورجعنا جوا قلت ليها يا حنين بعدين م تتاخري البسي سريع عشان اوصلك وعندي مشوار خفيف وبجي بسوقك قالت لي طيب وفعلا من المغرب إذن لقيتها جاهزة قلت ليها عاملة زي الاميرات قالت لي انا اصلا أميرة قلت ليها الواحد م يدلعك نهائي يلا اطلعي نزلنا تحت وامي تشيل وتوصي فينا اعملو حساب الطريق وم تسوق بسرعة و..... الله معاكم وبعدها طلعنا وصلتها لي صحبتها ومشيت مشواري الكان عبارة عن اصحابي ونسة وقهوة وشيشة وسجاير وبنقو يعني انا كنت مصاحب أصحاب سوء 💔 سرحت معاهم ونسيت اختي الا في النهاية اتصلت علي ام صحبتها حتى اتذكرتها قالت لي ح نطلع ليك جمب الظلط وانا الوقت داك كنت مسطول للنهاية ركبت العربية كدا وسقتها اتصلت عليها قلت ليها قربت اصل اطلعوا برا قالت لي نحنا جايين عليك وانا سايق وم حاسي بي شي ولا عارف نفسي سايق كيف بس المهم سايق والدنيا ظلام وانا جاري في الظلط كان فاضي فجأة حسيت نفسي ضربت حاجة طارت فوق ووقعت في الأرض وانا جوا العربية قلعت عيوني وم عارف نفسي نزلت كيف ..نزلت ولقيت نفسي ضربت اختي...💔 بقيت بكورك حنيين اصحي وكانت ملانة دم وفستان الاميرات الابيض الكانت لابساو قبل نطلع بقى عبارة عن دم ....
انا قتلت اختي بيدي اختي ماتت بسبب طيشي في اللحظة ديك ندمت على اني م سمعت كلام امي يا ريتني ما سقت العربية يا ريتني سمعت كلامها وخليت أصحاب السوء يا ما حذرتني ووعتي منهم بس وييين انا كنت عميان وما شايف شي غيرهم والبعملو هم لازم اعملو انا وبالسبب دا انا قتلت اختي ... قعدت جمب رأسها وحضنتها وكملت البكى وام صحبتها الكانت بتبكي معاي وبتقول لي ألحقها وديها المستشفى قبل تموت ولا صحبتها الكانت مغمى عليها من المنظر انا ما كنت فاهم شي بس كلامي كلو كان قتلت حنين اختي ماتت على يدي وكنت مصدوم في النهاية ام صحبتها ضربتني كف وقالت لي لو ما وديتها المستشفى ح تموت ما شايف حالتها كيف حتى بعداك انا وعيت على نفسي وطلعت بيها العربية وفاتت معانا ام صحبتها وشايلة بتها الكان مغمى عليها انا ما عارف وصلت المستشفى كيف ولا متين همي كلو كان في حنين نزلت وشلتها دخلتها جوا وبقيت بنادي في الدكاترة جا دكتور قال لي دي حالتها متأخرة شديد وم ح نقدر نمسكها الا تجي الشرطة جطت وكوركت فيو قلت ليو قصدك يعني بعد تموت انت م انسان ولا عندك إنسانية انفعلت شديد جا دكتور تاني مما شاف حالتها قال للدكتور التاني انت م نصيح دي حالة بتاخرو عليها ونادى ممرضتين قال ليهم حالة طارئة دخلوها عملية طوالي وفعلا طوالي بدت العملية وانا خلاص الفيني كملت وحتى نسيت اكلم امي ونسيت اي حاجة جات ام صحبت حنين تصبر فيني قالت لي يا ولدي الحصل قدر وانت م قاصد تلفونك دا من قبيل بضرب شوفو بتكون دي امك قلقت عليكم رد عليها وريها قلت ليها اقول ليها شنو بس وريني اني قتلت اختي ولا اني م سمعت كلامها اقابلها بي ياتو وش تاني ما هو كدا حياتي اتدمرت خلاص ح اتصل اوريها وفعلا اتصلت عليها مما ردت قالت لي يا ولدي مالكم اتاخرتو من قبيل بضرب ليك م قدرت ارد عليها بقيت ببكي قالت لي يا ولدي مالك م تخوفني قلت ليها وانا ببكي يا امي قتلتها والله ماتت بسببي الحقيني يا امي في الحوادث قالت لي يا ولدي بسم الله قتلت منو فهمني قلت ليها حنين يا امي وزدت في البكى وتاني م حسيت بي شي ....
-
شن فايدة الدواء ان كان عياك في الروح 🌸😴
ابقو عافية 🖤
