فتحت عيوني لقيت نفسي في غرفة ومركبين لي درب وجمبي امي وحسام امي قالت لي حمد الله على السلامة وبقت تبكي حسام قال ليها يا امي ماف حاجة بتبكي خلينا نشوفها بقت كيف طوالي اتزكرت الحصل دموعي نزلت حسام قال لي هششش خلاص ماف شي انتي كويسة ونحن معاك كلمتو دي بكتني زيادة وامي طلعت م قدرت تشوفني كدا قال لي يعني اطلع انا زاتي هزيت ليو راسي بمعني لا قال لي طيب بطلي الشي البتعملي فيو دا معقولة ليك يومين نايمة وبعد تصحي تقلبي بيت عزاء قلت ليو يومين؟! قال لي اي يومين بس الحمد لله حاسة نفسك كويسة؟! قلت ليو اي كويسة بس دايرة اطلع من هنا قال لي طيب ح تطلعي بس اول لازم تاكلي ليك حاجة قلت ليو م نفسي والله يا حسام قال لي ولا عشاني قلت ليو والله م نفسي بس طلعني من هنا وانا باكل ف البيت قال لي خلاص طيب اشوف الدكتور اول وطلع
غمضت عيوني وبقيت بتزكر اليوم المنحوس اتزكرت نفسي وانا بترجى فيو يبعد مني بس شنو هه دمرني قتل ثقتي ف نفسي 😔💔 مستحيل انساو أو اسامحو صح اتغير شكليا حبتين بس مستحيل انسى صوتو القذر وهو بستفز فيني وبقول لي ماف زول ينقذك مني الله ينتقم منو💔
في جمبة من جمبات حي المطار كان قاعد امجد مع صحبو قال ليو انت عارف يا مان قبل يومين حصل معاي شي غريب قال ليو احكي ف شنو امجد قال ليو كنت ف الشركة مشيت مكتب المستر اودي ليو شوية اوراق كانت معاو بت ف المكتب مما شافتني بقت تصرخ وتقول زح مني قال ليو بتكون واحدة من بناتك ولا اقول ضحاياك😏 قال ليو المشكلة انو م حصل شفتها قال ليو امورك تحير يا صحبي احسن ليك اضرب سيجارتك دي وابقى مارق قال ليو لكن انت عارف انا لازم اجيبها واعرف هي منو قال ليو انا شايف لو شلتها من بالك يكون اخير لانو البتعمل فيو دا م كويس قال ليو يا زول ما ناقص محاضراتك الما بتخلص دي قال ليو امجد انت م بتحس بالذنب نهائي كفاية تعذب بنات الناس وتلعب بعقولهم💔 قال ليو افصلني يا عمر عليك الله قلت ليك م ناقص محاضراتك دي قال ليو ب كيفك لكن صدقني ح تقع ف يوم يلا انا ماشي امجد قال ف نفسو انا لازم اجيبها يعني لازم اجيبها ...
حسام جا قال لي يلا نمشي قلت ليو طيب وقمت قال لي بتقدري تمشي براك قلت ليو اي بقدر قال لي طيب ارح مسكني من يدي وطلعنا ركبنا العربية
رجعنا البيت امي نزلتني ودخلنا لقيت آرام ف الهول حضنتني وقالت لي حمد الله على السلامة قلت ليها الله يسلمك وطلعت معاي فوق لقيت الغرفة مرتبة قالت لي غايتو حاولت ان شاء الله عجبتك قلت ليها حلوة شديد قالت لي يلا اخدي ليك حمام مسافة الاكل يجهز قلت ليها طيب دخلت استحميت واتوضيت طلعت صليت وبكييت من قلبي ارتحت شديد قمت من المصلاية كدا جو داخلين آرام ومآب سلمت على مآب قالت لي جيتك كم مرة وانتي م واعية يا بت م ملاحظة وقعاتك كترت حتموتي بالطريقة دي اكلي زي الخلق بدل كل يوم رافعنك من حتة وانتي مهبطة قلت ليها طيب م ناقصة محاضرات آرام قالت طيب ح امشي اجيب الاكل طلعت ورجعت بعد دقايق شايلة صينية مآب فرشت سفرة بلاستيكية ف الأرض ورصو الاكل وقعدنا عاينت للصحن القدامي وضحكت كان فيو فطاير شاورما والصحن بالجمبة مرسوم فيو إسمايل بالكاتشب 🙃 مآب قالت لي اي ياهو زاتو الجابو ليك قلت ليها حسام دا مجنون والله قالت لي اخوك حنين شديد بالجد كل يوم بخليني احمد ربي انو دخل حياتي آرام قالت انا عاد لي الله ما عارفة نفسي عيشة بايتة ولا داعش ☹ قلت ليها انتي تخرسي خالص كل يوم عاملين لي تصحر عاطفي انتي ووضاح ي رمم حكت راسها وابتسمت مآب قالت ليها تفصلي يا وسخة وضحكنا كملنا الاكل وشربنا العصير وقضينا وقت حلو شديد فرقو علي بالجد يجماعة الاصحاب نعمة حقيف هنا شوية والوقفة دي لصحباتي واصحابي 🌸
