جانا صوت خشن احم احم الحاصل شنو هنا كلنا وقفنا على حيلنا لمن شاف منظرنا هو زاتو اتخلع كلمتين ولا زاد منهم ..كلكم المكتب.. مشينا بي كرامتنا وبنعاين لبعض انا ومآب وآرام ونتبسم ساي كاتمين الضحكة لانو كان ورانا دخل قعد في الكرسي ونحن واقفين قال لينا ممكن تفهموني الكان حاصل برا دا شنو عناب قالت ليو هم غلطو علينا آرام قالت ليها عليك الله ارح نرجع اوريك غلطنا كيف العميد قال ليهم ولا كلمة ع الاقل احترموا وقفتكم قدامي سكتو صننن قال لي انتي رفعت راسي قال لي اي انتي احكي لي الحصل قلت ليو كنا قاعدين بنفطر......عناب قالت لي م قلت ليك م قاصدة العميد قال ليها انا قلت ليك اتكلمي قالت ليو لا خلاص قال لي تسنيم طيب احكي لي انتي قالت ليو انا م عارفة لاني ما كنت حاضرة قال ليها يعني افهم انك جيتي لقيتيهم بتضاربو وطوالي وقعتي معاهم قالت ليو اي قال لينا ف زول عندو كلام غير القالو دا قلنا ليو لا طوالي بدا يشاكل فينا ياها محاضرات العميد المعروفة في النهاية قال لينا كنت ح اكتبكم انذار بس ح اخليكم لكن تاني يتكرر كلام زي دا م ح يحصل خير فهمتو قلنا ليو حاضر قال لينا واسي انتو الخمسة مفصولين باقي الاسبوع دا كلو انزلو الاحد الجاي يمكن تتأدبو يلا كلكم انصرفو طلعنا من المكتب عناب وتسنيم فاتو طوالي بدموعهم وانا ومآب وآرام فكينا الضحكة صراحة منظرنا كان اووفر بضحكك كملنا ضحكنا ونزلنا تحت طبعا الجامعة كلها بتعاين لينا وتضحك سمعنا صوت وضاح بي ورانا قال لينا دا شنو يا عولاق السويتو دا آرام قالت ليو يعني نسكت نخليهم قال ليها ف حاجة اسمها إدارة فرجتو فيكم خلق الله كلو لكن بيني وبينكم بركة الادبتوهم😹 رفعنا روسينا نعاين ليو ساي آرام هبشت راسو قال ليها لا انا تمام م عندي عوجة دايراني اشوف حبيبتي بتتهان واسكت اخدي حقك يا بيبي اوع تخليو والراجل المخرف دا قال ليكم شنو قلت ليو فصلونا اسبوع قال لينا م حنك راحة زاتو مآب قالت اقول لناس بيتنا شنو قلت ليها والعجب لو شافو منظرك وضاح قال لينا كلكم منظركم يععع ارح ارح خلوني اوصلكم ضحكنا واتحركنا صراحة نهائي م اتوقعت ردة فعلو ح تكون كدا وضاح رغم صغر سنو بس هو عاقل شديد وبهرشنا دايما😹 بالجد هو راجل بمعنى الكلمة م بحب اللف والدوران انسان دغري ودا الشي البخليني الناس تحترمو 💛 اول وصل مآب بعدها انا ودعتهم ومشيت البيت بضرب في الجرس ساعة بعدها فتحت لي عشوش قلت ليها دا كلو وين انتو دخلت جوا لقيت الحجة ف المطبخ قلت ليها بتعملي ف شنو قالت لي شوية اكل عاينت الحجات قلت ليها متأكدة انو شوية قالت لي ح اودي لي ناس ابتسام معاي وبعدين انتي مالك جيتي بدري ووب شكلك مالو كدا قلت ليها ماف شي ماشة انوم شوية لو الظهر أذن صحيني اصلي عشان تعبانة شوية يمكن ما اسمع قالت لي متأكدة انو ماف شي قلت ليها متأكدة اي قالت لي امشي نومي ونشوف الموضوع دا بعدين قلت ليها طيب طلعت الغرفة و محتارة اقول ليها شنو دخلت الحمام استحميت لبست بيجامة سودا فيها قلوب بالأبيض طويلة واكمامها طويلة فيها طاقية فتحت المكيف والمروحة اخر درجة بلعت حبة مسكن ورقدت كدا مآب وآرام اتصلو علي مكالمة جماعية قلت ليهم الحجة للان م عارفة شي قالت لي لي بعدين نشوف الموضوع وغالبني اقول ليها شنو مآب قالت والعجب انا جيت لقيتها ماف والبيت فاضي استحميت وبلعت مسكن واسي ح انوم قبل ما تجي آرام قالت اخير انتو انا وشي اتشوهه😭 قلت ليها دي انسانة حاقدة م تشتغلي بيها مآب قالت وبعدين الاسبوع دا فترة كافية اجتهدي وحيتصلح يلا انا طالعة منكم قلت وانا برضو آرام قالت يلا مع السلامة ورقدت نمت ..
