يوم سمعتهم بالصدفة وانا ماشة المطبخ اعمل لي حسام قهوة بتكلمو في غرفتهم عمو ماهر قال ليها مش المفروض بعدا نكلم الاولاد قالت ليو المفروض لانهم عايشين كأنهم غرباء طيب ح نوريهم كيف قال ليها بالأول ح اوري حنين البربطنا انا ومختار لانو من حقها ..انا هنا لمن سمعت اسم ابوي م قدرت أمسك نفسي قلت ليهم ابوي مالو طبعا كلهم اتخلعو لمن شافوني عمو ماهر قال لي ماف حاجة قلت ليهم هئهه انا سمعت اسم ابوي الحجة قالت لي بتكوني غلطانة قلت ليهم ممكن اغلط في اي شي الا حاجة بتخص ابوي وروني ابوي مالو وقعت في الأرض وبقيت ببكي اتزكرت ايامنا زمان وبكيت بحرقة كلهم بقو يهدوني شوية بقو ببكو حسام نزل بي أصواتنا قال لينا مالكم قلت ليو حسام الله يخليك قول ليهم يوروني ابوي مالو عمو ماهر قال لي اهدي طالما بقيتو كلكم ح اوريكم الحقيقة اقعدو لاني طول الوقت ضميري مانبني جا الوقت عشان تعرفو الحقيقة الليها اكتر من تسعة وعشرين سنة قبل ولادتك بي خمسة سنوات يا حسام
..اترسمت دهشة في وشوشنا انا وحسام قعدنا وانا قلبي ماكلني نهائي م حاسة انو الموضوع فيهو خير ..
فلاش باك القصة بلسان عمو ماهر
قبل تسعة وعشرين سنة عمري كان 17 سنة مولود في قرية صغيرة انا واخواني التلاتة مهدي محمد مختار م كان عندنا اخوات بس نحن الأربعة وانا اكبرهم عايشين مع اعمامي في بيتهم زينا وزي اي اهل بس في شي كان ناقص عندنا الثقة ايوا الثقة كانت معدومة عندنا ابوي كان داير يعرس لي بت اخوهو وانا دايرها برضو بس كنت رافض فكرة العرس طوالي كنت داير اشيل بيتنا اول بعداك افكر في نفسي وطبعا بت عمي التانية بتحبني بس انا م دايرها وطوالي بتعمل حركات وانا كنت بتجنبها ودايما بسكت عشان م تحصل مشاكل بين اعمامي وكدا بس لمن اتمادت قررت اني اوافق بي العرس عشان ارتاح بس م لحقت اكلم ابوي بموافقتي لانو بت عمي سبقتني وفتنت بين ابوي وأبوها قالت انو انا طوالي بطلب منها حجات م كويسة ولمن هي رفضت حاولت اغصبها وبقت تبكي ابوي وعمي قالو ينادوني وفعلا ناداني انا م اتصدمت من بت عمي لاني عارفها عملت كدا عشان تتحصل علي بس الصدمني اكتر ردة فعل ابوي صدق اني عملت كدا بالجد وشاكل وجاط هو وعمي م ادوني فرصة ادافع عن نفسي نهائي اتوجعت منهم لا وكمان م اكتفو بكدا غصبوني اعرسها واخلي اختها البحبها طبعا قلت ليهم لحدي هنا كويسين سكت ليكم في كل كلمة قلتوها طلعتوني م نافع سكت وبرضو قلتو على م راجل وسكت م اديتوني فرصة ادافع عن نفسي نهائي برضو قلت م مشكلة بس تجو تقولو لي اعرسها هنا نهائي م بسكت ليكم كان اموت م بعرسها قالو لي تعرسها م بعرسها والنقاش طول ابوي ضربني اتخيلو اي ضربني والله قال لي لو م عرستها ح اعتبر نفسي م عندي ولد اسمو ماهر وتطلع لي من بيتي في الوقت داك م فكرت في شي غير بت عمي البحبها طبعا هي حاولت تدافع عني أبوها ضربها قال ليها لو جبتي سيرتو تاني اعتبري نفسك معاو لا الشي البقهر انو كلهم صدقوها حتى امي الولدتني كأنها م عارفة اخلاقي بس الوحيدين ال م صدقوها مختار اخوي وبت عمي البحبها فعلا انا قررت اني امشي منهم ولا ملعقة م شلتها غير جنسيتي في جيب جلابيتي وقروشي الاشتغلتها من تعبي ومشيت خليت كل شي وراي جيت هنا مدني وبديت من الصفر اشتغلت بياع خضار واشتغلت في المطاعم كنت بنوم في الشارع عادي م خليت شغلة بعرفها م اشتغلتها بعد سنة ربنا فتحها علي ولقيت شغل في مصنع غلال وطحون من كنت شغال في المطبخ شوية شوية بقيت بصدر وبستقبل القمح يوم بالصدفة جا زبون عشان يصدر لينا القمح والزبون طلع مختار اخوي اتفاجانا حضني وبقينا نبكي قعدنا مع بعض نتكلم سألتو من ناس البيت قال لي م داير ازعلك لكن سيرتك ممنوعة من البيت نسوك عديل قلت ليو طيب بت..قبل اتم كلامي قال لي ابت تعرس نهائي وكل يوم بضربوها والليلة قررو بكرة يعرسوها غصب بس قالت لي ح تهرب مستحيل تعرس غيرك وانا مستعد اساعدها واعمل ليكم الواجب كلو وعرسكم يتم على يدي بس انت وافق قلت ليو بس م عندي اي شي لا بيت لا اي شي قال لي كلو بجي بي خيرو م تشيل هم انت ناقش مديرك يزيد ليك المرتب ونشوف البحصل قلت ليو ربنا يخليك لي اكيد انت ح تتواصل معاي قال لي م دايرة سؤال هو لاقيك وين عشان افرط فيك فعلا مختار رجع الحلة وانا مشيت لمدير المصنع قلت ليو م عارف اطلب منك كيف بس انا محتاج قروش والله ممكن تديني حق الشهر من اسي قال لي احكي لي ممكن اساعدك فعلا م اترددت حكيت ليو لانو كان طيب وبحبني شديد قال لي م تشيل هم كل شي خليو علي بس حتى البيت ولو حاسي انك تقيل خليو ايجار ح اخصم من مرتبك كل شهر بس خلي المدام تجي في ناس بالطيبة دي يا يجماعة والله احساس حلو لمن تلقى انسان يفهمك ويساعدك تاني يوم مختار جا في المصنع بس المرة دي م كان براو جاب لي حياتي معاو شكلها ذابل وعيونها مورمة وضعفت شديد ربنا ينتقم منهم لاقينا مدير المصنع وهو الودانا المحكمة وشهد على زواجنا كمان مع مختار وبعدها ودانا بيت فيو اوضة وبرندة وحمام الأوضة فيها سريرين والبرندة فاضية قال لي البيت فاضي بس شوية شوية ح يتملي عندك اسبوع اجازة قلت ليو م قصرت معاي م عارف أرد ليك جميلك كيف قال لي الناس للناس والكل لي رب العالمين تستاهل اكتر قعدو شوية وبعدها فات مختار طلع جاب لينا اكل وموية وقال لينا ح امشي عشان م يشكو فيني حضنتو قال لي خلي بالك منها وانا ح اكون معاكم ع طول وفات عديت اسبوع في البيت اعتنيت بصحتها لمن رجعت احسن من اول بعدها نزلت الشغل وشوية شوية البيت اتملى واتفرش عدت سنة كاملة والوضع اتحسن اكتر من اول والاحلى كنت خاتي قروش بالجمبة عشان اشتري بيت ملك يوم مدير المصنع قال لي هو مسافر والمصنع والمصنع ح يتقفل بس جازف لي شغل في وكالة ومرتبو احسن بكتير قلت ليو والبيت قال لي ح ارجع بعد سنة في الفترة دي ح تكون أنجزت حاجة ولو مت او حصلت حاجة عافي ليك دنيا وآخرة والله يجماعة م صادفت زول اطيب منو في الدنيا دي فعلا اتنقلت للوكالة وعشان جيت عن طريقو لقيت منصب سمح واشتغلت احسن من اول لحدي م مرت سنة وفي السنة دي حصلت تغييرات كتيرة اشتريت بيت جاهز ووضعي اتملى رحلت البيت الجديد وبتاع المصنع رجع سلمتو المفتاح وشكرتو وسافر تاني عدينا سنتين في البيت الجديد وبعدها جبنا حسام ..ايوا بت عمي البحبها هي نفسها اماني امك يا حسام.. عدت السنين لحدي م وصلت للأنا فيو دا طبعا ماف زول كان بسأل مننا غير ابوك يا حنين وهو طلع ضحية ابوي وعرس ليو اخت اماني اللي هي حاليا امك ...
