بعد يومين نزلنا الجامعة وكانت عادية جدا بس ف شي واحد اتغير اكتشفنا أنو عناب خلت الجامعة لكن م عرفنا السبب آرام قعدت معاي ف البيت بعد تعب ومحاولات الوسخهه دايرة الهملة عدينا السمستر الخامس كلو من البيت للجامعة ومن الجامعة للبيت لو زهجانا بنطلع اخدنا اجازة اسبوع وننزل السمستر السادس
يوم وانا في غرفتي آرام جات كانت شايلة تلفونها قالت لي ارح معاي بكرة ام وضاح عازماني غدا قلت ليها وانا الدخلني شنو ف الموضوع قالت لي اكيد م ح امشي براي قلت ليها متنقي كتير م ماشة قالت لي طيب هاك ومدت لي التلفون قلت ليها منو قالت لي اتكلمي بس قلت الو قال لي ع فكرة ناس بيتنا م بياكلوا الناس قلت ليو وضاح م كدا يخخخ قال لي كيف طيب اسمعي م داير اعذار بكرة ح تجي قلت ليو م خليت لي عذر اوك ومديت ليها التلفون وحدرت ليها ابتسمت وشالتو وطلعت
الموضوع ماشي لي أربعة شهور ويداب انا اعرف قال ليو حسام اهدأ انا حليتو وخلاص كنت م حابي اوريك لانو منتهي لكن من حقك تعرف قال ليو طيب لو كان حصل ليها شي الواطي انا مستحيل اخليو مهاب قال ليو وانا برضو بفكر اردها ليو بس اصبر علي شوية واقعد افهمك قال ليو شكلك م ناوي على خير قال ليو اتطمن كلو خير بس اصبر قال ليو طيب موضوع الجاسوس الزارعو لينا قال ليو انا عرفت كل شي بس ف الوقت المناسب ح اخرب كل شي بس انت اقعد يخخ قال ليو هدااا قعدت يلا احكي
تاني يوم قمنا قريب الظهر بعد عملنا الروتين اليومي آرام جابت غيارها وجاتني في غرفتي كانت فرحانة على عكسي انا كنت متضايقة شديد لاني ح اشوف خطيبة مهاب بس م بينت ليها لبست فستان اسود كط وسط وجكت جينز وشنطة يد سودا واسبورت ابيض وطرحة مشجرة وهي لبست فستان بين اصفر ومنقاوي وجزمة كعب جوافي وطرحة جوافي وطلعنا امي قالت لينا م تتاخرو وبعدين يا آرام خلي زولك دا يتحرك ويلمك عشان م عندنا بنات بمشو بيت نسابتهم بدون عرس اول واخر مرة قالت ليها عيوني لييكك يا خالتو وادتها بووسهه وانا بووستها ف رأسها وطلعنا قالت لي امكك عسسل يخخ قلت ليها زي بتها قالت لي لالا والله انتي لتيخة قلت ليها شووكرنن وجات عربية وضاح ركبنا واتحركنا بيتهم بعيد مننا وصلنا بعد تعب ولو م الونسة كان زهجت قال لينا اتفضلو ابركن العربية وبلحقكم آرام قالت ليو محسسني انو بيت ابوي قال ليها خلاص انتظروا خمسة دقايق بركن الغربية ورجع لينا دخلنا لقينا امو ف الهول سلمت علينا سلام حلو شديد بعدها قعدنا قالت لي وضاح ي ود اختك وين خليها تنزل سمعنا صوتها وهي بتقول جييت يا ماما كانت جميلة شديد لابسة بيجامة سلمت على آرام بالحضن ومدت لي يدها وهي ساكتة وقعدت تتونس طبعا انا ساكتة واصلا الوضع م عاجبني آرام قالت ليها مبروك الخطوبة كفاح قالت ليها الله يبارك فيك صحي انتي كنتي ماف قالت ليها اي والله ربنا يتم انا قالت ليها اميين يارب وبقو يلوكو ف السيرة وانا اتخنقت احساس بقول لي اخنقي كفاح وطلعي زيتها بس مسكت نفسي ونحن قاعدين الجرس ضرب كفاح قالت لينا عن اذنكم افتح الباب مشت وجات مع اخوها الكبير قال لينا سلام عليكم قلنا ليو عليكم السلام امو قالت ليو جيت يا ولدي حمد الله على السلامة قال ليها الله يسلمك ي حجة قالت ليو حصانك جراي الحق عشان تتغدا معانا عاين لي وعاين لي وضاح والكان باين عليو الضيق وقال ليها طيب بس اغير واجي وطلع غرفتو شوية الحبشية نادتنا الغدا قعدتنا في السفرة وشويتين جا نازل اخوهم الكبير قال لينا معلشش اخرتكم يلا بسم الله بدينا نتغدا وهم بتونسو ساي وانا ساكتة اكلت شوية بس وبقيت بعاين ليهم امهم قالت لي يا بت اكلي قلت ليها الحمد لله ي خالتو شبعت قالت لي اسي اكلتي شنو عشان كدا كملانة قلت ليها اكلت والله خلاص اخوهم قال شكلها بتخجل ابتسمت ليو وقلت لا والله ابدا بس اصلا م جعانة استأذنكم الحمام بي وين امهم قالت لي خلي زهراا توديك قلت ليها لالا م يحتاج خليها تكمل اكلها وضاح قال لي طيب ارح اوديك انا اصلا شبعت قلت ليو طيب واتحركنا منهم قلت ليو وضاح م قلت لي قبل كدا انو عندك أخ أكبر منك قال لي م جات مناسبة عشان كدا قلت ليو البشوف تصرفاتك بقول انت اكبر واحد قال لي الدنيا بتجبر يلا هداك الحمام انتظرك ولا بتعرفي ترجعي براك قلت ليو شكرا بعرف براي دخلت غسلت وصلحت طرحتي ورجعت لقيتهم ف الهول قعدت جمب آرام شويتين جابو الشاي قلت ليهم م بشرب شاي وضاح وآرام عاينو لي باستغراب عشان عارفني بشرب وكمان بي لقيمات عند الخالة الفي الجامعة بس م اتكلمو الشي المنعني اشربو هي نظرات اخوهم الزفت داك يشكك في نفسك والمشكلة بعاين لي انا بخلاص عدت الدقائق زي السنين بالنسبة لي لمن خلاص فاض بي قرصت ارام نظام قومي خلاص قالت ليهم نحن نستأذن اتأخرنا بعدا وشكرا ي خالتو ع العزومة قالت لينا العفو ي بناتي وكرروها تاني يلا يا اولاد وصلوهم وضاح قال ليها بوصلهم براي زي م جبتهم براي يلا اطلعوا م عارفة بس حسيت بيو متضايق طول القعدة م حبيت اسألو في الطريق الجو بقى مكهرب آرام حاولت تكسر قالت ليو امك ظريفة شديد قال ليها انا عمري كلو معاك م قلتي لي ظريف وتقعدي مع امي الساعتين ديل تقولي ظريفة كويس كويس بوريك قالت ليو دي الحقيقة ي بيبي قلت ليو اتفق قال لي انتي برضو معاها قلت ليو معلششش صحبتي لازم اوازرها فضلنا نرغيي لحدي م وصلنا آرام نزلت ولمن جيت انزل قال لي حنين استني قلت ليو خير قال لي عارفك اتضايقتي من اخوي بعتذر منك قلت ليو بطل هبل ضيق شنو قال لي انتي البطلي اخوي وانا عارفو قلت ليو م مشكلة اصلا م تختو ف بالك ابتسم وقال لي طيب انا نزلت وهو اتحرك
