قمنا العصر وطوالي بدينا تجهيزات لبس وميك اب وغيرو مآب زفافها كان رهيييب اكمام طوال شفافة دانتيل ساندريلا اوف وايت وشعرها كعكة واحدة في نص رأسها وخصلات شعر مبعثرة وميك اب هادئ شديد يعني مززهه بمعنى الكلمة ام انا وآرام كنا شبيناتها فساتينا بالأسود قصيرة تحت الركبة بشوية فيها نقاط بالفضي وكل الاكسسوارت فضية وكعب عالي فضي آرام كانت عاملة شعرها كيرلي واطرافو كبدية وانا شعري كاري م غيرت لونو ياهو اسود والميك اب خفيف لحدي العشاء كدا خلصنا بعدها حسام جا داخل لينا في الكوفير كنا في غرفة الملابس كان لابس بدلة كحلية والقميص ابيض والجكت اطرافو بالأسود وجزمة سودا متخيلين معاي حسام مع لونو داك لابس كحلي 😭 آرام سلمت عليو وطلعت وانا حضنتو وباركت ليو وطلعت برا لقيت آرام مع وضاح ويزن وخطاب الكانو لابسين طقم بدل رمادية سلمت عليهم وضاح قال لينا جبنا حسام ف طريقنا ح يجوهو بعد شوية وبعدها فاتو بقينا واقفين برانا لحدي م جات عربيتين حقت حسام وسايقها احمد والتانية مهاب نزلو وجايين علينا وبعليييي منهم وبعليييي لابسين بدل لا تعرفوها عنابي لا هو كبدي بس المووهم حاجة كدا ف منتهى الوبعليي احمد سلم علينا وبعدها مهاب وكان بعاين لي ساي وانا خلاص اصلي متوترة زادها علي الحمد لله انو حسام ومآب طلعوا آرام المجنونة بقت تزغرد ساي وانا بضحك فيها وأحمد شغال ليو ابشر يا عريس طلعوا في عربية حسام وساقهم احمد ونحن ركبنا مع مهاب اتحركنا وراهم طوالي عملو بينا عمايل ف الشارع لفو بينا شوارع مدني كوولها في دقايق بس العربات ورانا بقت صف ناس وضاح وأصحاب حسام لفينا وبعدها مشينا الصالة طبعا في الصالة ماف زول لابس براهو الا الضيوف يعني أصحاب العروس والعريس تلقى اتنين تلاتة لابسين سوا اول نزلنا كوولنا ووقفنا في باب الصالة حتى بعدها العرسان اتزفو بأغنية
زغرودة من امو ولمة البنوت خمجو الدلكة وجابو ليهو السوط🎶🎼 💃
جابو ليهو السوط قالو ليو ابشر يا عريس بلاي يلا قوم بشر🎶🎼💃
بعد وصلو نص الصالة الأضواء طفت وبقت خافتة والصفافير اشتغلت شغلو اغنية
سمعني نبضك دفيني بنار حضنك ابيك الليلة وحدك الييي تكوون💕🎼
قرب عليا حس النار اللي فيا ابي ايدك باديا نلف الكووون💛💛🎶
بعدها اشتغلت الهيجة والزنقة طبعا انا وآرام في النص مع ماب زنقناها لمن قلنا كفى 💃💃جب جب جبب 😹
نهاية الحفلة بعد العرسان قعدو والناس كلها قعدت قامو أصحاب حسام رقصو راب اي والله اتخيلو منظرهم وهم برقصو وكل نفرين تلاتة لابسين سوا شوفتو شيالة العيد بس شكلها اتكشحت في الصالة دي آرام كملت الانبراش كلو والعجب مآثر وصحباتها لاحظت في الحفلة كان ف بت قاعدة مع مآرب وبعاينو لي ساي م اشتغلت بالموضوع وكملت الحفلة
الجرتق كان في نفس الوقت لانو مسافرين تلاتة صباحا وطبعا جات اللحظات الما بحبها لحظة الوداع كانت اصعب لحظة مهاب قال لي حسام خلي بالك منها مهاب قال ليو م دايرة وصية اختك بقت حقتي وفي عيني قبل قلبي وانا امنتك على حنين لحدي م ارجع والبكى بدا م قدرت استحمل ومشيت منهم بعيد قعدت في كنبة برا الصالة واتمحنت شوية حسيت بي زول قعد جنبي اتفاجأت لمن لقيتو يوسف ولا جوزيف داك جسمي برد والخوف امتلكني قال لي م تخافي انا اسف جيت أعتذر منك على اليوم داك م قدرت ارد عليو لاني خايفة منو بجد فجأة سمعت صوت مهاب بقول ليو عندك شنو هنا اكذب عليكم حسيت بي أمان لمن شوفتو جوزيف قال ليو جيت أعتذر مهاب قال ليو انا مش حذرتك م تقرب منها تاني لأي سبب بالغلط ساي لو شوفتك بتعاين ليها صدقني م ح يحصل خير فهمت جوزيف طوالي قام فات مهاب قال لي المقعدك شنو هنا عاجبك لبسك دا يعني اظن الحفلة خلصت شوفي ليك عباية البسيها م رديت عليو وقبلت بالجهة التانية حسيت بيو قعد قال لي افهمك كيف يا بت الناس انا والله بحبك م تعذبيني اكتر من كدا سنة كاملة يا حنين انا لي سنة كاملة منتظر ردك بس نفسي اعرف عملت شنو انا غلطت ف حاجة قلت ليو كدا يا مهاب افهم انو انا م دايراك ديلك البنات راقدات انا النفسي اعرف غلطت في شنو عشان انت تلاحقني كدا قلتها ليك بي صريح العبارة انا م دايراك ابعد من حياتي ف اكتر من كدا قال لي شايفة كدا قلت ليو اصلا انا م شايفة غير كدا بس انت الما عايز تفهم قال لي طيب يا حنين ربنا يسعدك ح ابعد زي م انتي دايرة بس لحدي م يرجع حسام انتي ف امانتي وقام على حيلو فات انا مع كل خطوة ببعد بيها بحس قلبي اتشال معاو والله بحبو يجماعة بس افهمو كيف ربنا ينتقم من الكان السبب صاح اتجاوزت اي شي بس مستحيل اقدر اتجاوز الحتة دي وبسببها انا يمكن حياتي كلها تدمر💔
