صحيت الصباح بكل نشاط وطاقة إيجابية مع عارفة السبب يمكن عشان حسام جاي والبعتبرو أكبر سند في حياتي اخدت حمام وصليت ونزلت تحت لقيت امي وعشوش في المطبخ وابوي فات الخرطوم عشان يجيبهم كنت جعانة عملت لي سندوتش وشربت عصير ويا المطبخ جاك زول شغالين لحدي الظهر وطلعنا أصناف كتيرة بعدها كل زول رجع غرفتو استحم واتجهز وصلى الظهر ورجعنا الهول
شويتين وصلو والسلام بدا انا طوالي وقعت في حضن حسام وبقيت ببكي قال لي عويرة دي لمن سافرت م بكيتي قدر دا تقريبا ماف زول عارف سبب بكاي الا انا وامي بعدها سلمت على مآب بالأحضان قلت ليها ي وسخههه حسام ينسيك لي قالت لي انتي م عارفة اخوك يعني امي قالت لي خليها تدخل جوا اول فكينا الضحكة ودخلوا جوا قعدنا في الهول شربو موية بس لانو كلنا تعبانين وبعدها اي زول دخل غرفتو مآب دخلت معاي قلت ليها مخلية راجلك وجاية تضايقيني في حياتي مالك قالت لي ترجي المسيح الدجال 😒 قلت ليها اها الرحلة كيف قالت لي وبعلييي فاتتك اريتك مشيتي معانا قلت ليها وانا البوديني معاكم شنو يالسمحة قالت لي خلي تفاهتكك دي وخليني اوريك الصور بقت توريني الصور واحدة واحدة نفسياات والله😭 قلت ليها مآب كفاية مغارز نفسنتي بي قالت لي اسي كان وافقتي بي مهاب كان سافرنا سوا يااااي اتخيلي نكون كلنا مع بعض ح تكون تاريخية قلت ليها بطلي احلام وارقدني خلينا نتخمد 😒💔
صحينا العصر بصوت جوطة تحت اتجهزنا ونزلنا لقيناهم ما شاء الله خالتو هدى ومآثر وابوي وامي ومازن جو ودي الاحضان والسلام قعدنا نتونس شوية جو داخلين حسام ومهاب لمن شفتو قلبي عمل شححح وهو م عاين لي مرتين سلم على اختو وقعد شويتين عشوش جات قالت ماما اكل جاهز قمنا واتجهنا على السفرة ودي الونسة واللمة الحلوة مع اني كنت جعانة بس غالبني اكل بسبب تصرفات مهاب الباردة كملو الاكل وعملت الشاي والكيكة والقهوة والتسالي والفول والنبق كانت قعدة مبالغ فيها لحدي المغرب الشاب طلعوا الجامع ونحن لمينا العدة ورتبنا المطبخ بعدها طلعنا فوق انا ومآب عشان تجهز نفسها راجعة مع ناس امها بيتهم عشان ترحل بيتها من هناك دخلت واخدت حمام وبدت تجهز قالت لي حنين قلت ليها خير قالت لي طالما بتحبيو لي خليتي يخطب غيرك؟! من جوا حسيت بقلبي بتقطع من سؤالها بس اتماسكت وقلت ليها منو هو قالت لي بطلي استهتار عارفاني قاصدة مهاب قلت ليها هييي صحي مبروك ليو نسيت ابارك ليك مع الونسة قالت لي ممكن تدسي عن اي زول بس عني انا مستحيل النظرات الشفتها قبيل كافية جدا انها توريني قدر شنو انتي بتحبيو قلت ليها مآب بطلي تخاريف والبسي لبسك منتظرنك تحت قالت لي اوك حيجي يوم وكلامي يطلع صحح وساعتها ماف زول ح ينقذك مني لأنك ح توريني السبب يعني ح توريني ارح غوري قدامي طلعت وقفلت الباب يمكن مآب الوحيدة القادرة تفهم حقيقة مشاعري بس م بقدر اوريها السبب مسحت دموعي البدت تنزل وطلعت ليهم قعدنا شوية وقاموا فاتو ونحن قعدنا الليل كلو نتونس بعدها طلعنا انا وحسام مع بعض ونحن في الممر قلت ليو ح ترحل متين قال لي طارداني قلت ليو اكيد طارداك عشان أوسع قال لي حاقدهه عليك الله غرفتك م مكفياك قلت ليو انت حارقك وين اتفكفك وخليني استولي عليها حمر لي ودخل غرفتو وانا زاتي اتجهت غرفتي ورقدت بفكر انا م حابة انو حسام يمشي ويخليني يمكن تقولوا علي انانية وبتحب نفسها بس م بيدي جربتو احساس فقد السند بس دا الأنا حاسة بيهو حاليا 💔
