حوالي الساعة ٨ وحاجة جات رسالة في التلفون كان الرقم غريب فتحتها "عارفك لي اسي بتبكي قومي امسحي دموعك واكلي ليك حاجة ما صاح انا عايش وما حصلت على حاجة وحاليا في الطيارة وعلى وشك انها تقلع يلا امنتك الله بعد اصل بديك خبر " عرفت انو حسام بعد قريتها زدت في البكى والله اليوم دا كان اصعب يوم من بعد راحة طويلة فقدت حسام ما اليوم كلو انا ما طلعت من الغرفة والبيت كان صاني حتى الحجة كانت حابسة نفسها في غرفتها وعمو ماهر ماف هو الفات مع حسام الخرطوم يعني الجو جان كئيب لدرجة انا في الغرفة بصلي وبرجع السرير احضن المخدة لحدي المغرب جاني عمو ماهر في الغرفة قال لي يا بتي من مشينا انتي في القعدة دي قومي اكلي حاجة قلت ليو م دايرة يا عموو انا قال لي عارفك حاسة بشنو تفتكري ام حسام حتكون كيف مش حسام وصاك عليها وعلى نفسك طيب عايني المغرب جا وهي م اكلت حاجة ولا انتي لو عرف ح يكون مبسوط قلت ليو لاا قال لي يلا قومي قلت ليو طيب بس استحمى طلع فات دخلت الحمام استحميت ونزلت تحت لي الحجة قعدت اتكلمت معاها كتييير حتى هدت دخلت المطبخ لقيت اكل جاهز سخنتو وختيتو وقعدنا كووولنا ناكل وبعدها اتونسنا في الهول صاح القعدة كانت ناقصة بس سبحان الله قاعدين كدا تلفون عمو ماهر اتصل قال لينا رقم غريب وعالمي بكون حسام كلنا اتلهفنا فتح الخط والاسبيكر سلم علينا قال لينا وصلت من الظهر بس وصلت تعبان نمت شوية حتى طلعت اشتريت خط اتونس معانا كدا وقفل حتى الاجواء هدت عمو ماهر قال لينا شوفوو كنتو متجرسين ساي اهو اتصل وفعلا حسيت براحة لمن اتكلمت معاو شويتين نعسنا واي زول رجع غرفتو لقيت التلفون بتصل برضو رقم غريب وعالمي رديت قال لي يعني انا اديتك التلفون عبث افتحي الداتا😒 قلت ليو الناس بتسلم اول قال لي م علينا ارح قلت ليو ظابط فتحت الداتا لقيتو مرسل لي فيديو فتحتو كان هو بتكلم "هييي يا مجنونة شفت هديتك ودا شغل مجانين بس عجبتني شدديد طبعا ح احكي ليك الرحلة كانت كيف بما انو م سألتيني اول ما طلعت الطيارة وو.......فضل يحكي لحدي ما انتهى الفيديو رسلت ليو ربكورد "اما انا يومي كلو بكى وانت لافي طيب يجزمة😒" رسل 😹😹💔 قلت ليو اي اضحك غلطانة انا الببكى زاتو وو.....فضلنا نرغيييي ونرغيييي لحدي ما نعست قلت ليو يلا تصبح قرد قال لي وانتي من اهل القرووود🐒😹💔 حسيت بالراحة لمن اتكلمت معاو ويداب بديت ارجع لطبيعتي والبيت يرجع لطبيعتو كل يوم بنتكلم كدا بعد اسبوع نزل الجامعة وم بكون فاضي اليوم كلو عشان كدا بتكلم معاي بالليل ساعة كل يوم بنحكي تفاصيل اليوم وكدددا يوم بتكلم معاي وانا كنت زهجانة قال لي مالك قلت ليو جعانوووو وم اتغديت قال لي لشنووو قلت ليو نفسي في الشاورما الكنت بتعزمني ليها في المطعم الجمب شارع النيل وعصييير المنقةة داككك امممم😋 قال لي طيب برجع ليك قلت ليو بنوم اصلا انا نعسانة قال لي كلها خمسة دقايق برجع ليك قلت ليو طيب وفعلا رجع لي ورجعنا نتونس عادي وقفلنا شويتين جاتني مكالمة من رقم مسجل بي احمد قلت في نفسي احمد دا صاحب حسام داير مني شنو باقي الليل دا رديت عليو سلم علي قال لي بتقدري تنزلي لي تحت دقيقتين بس قلت ليو انت عارف الساعة كم قال لي طيب دقيقة بس قلت ليو طيب نزلت تحت شكلهم نامو فتحت الباب وطلعت لقيتو راكب في الموتر سلم علي وقال لي معليش نزلتك في وقت زي دا بس حسام اتصل علي وقال اجيب ليك ديل يلا ادخلي كنت مستغربة شلت منو الكيس ودخلت قفلت الباب حتى هو اتحرك رجعت الغرفة فتحت الكيس لقيتهااا شاورماااا وعصير منقةة😋 رجع اتصل علي حسام رديت ليو قال لي احمد جاك قلت ليو م عارفة اقول ليك شنو قال لي انتي هبلة احمد دا زي اخوك انا قلت ليك لو دايرة حاجة اتصلي عليو يلا اكلي ونومي سبحان الله يا جماعة حسام حتى وهو يعيد قريب 💕
