Unicode
Just Love 17
တရားစီရင်ချက်ချမယ်နေ့ .......
တရားခံတွေ ရှေ့နေတွေဝင်မလာသေးခင်... လူတော်တော်များများကတော့ ရောက်နှင့်နေကြပြီ ကျတော်အပါအဝင်ပေါ့
" ကျွီ "
ဘေးတံခါးပေါက်ကနေ ရဲသားနှစ်ယောက်နဲ့ အတူဝင်လာတဲ့ Jungkook ... လက်မှာလဲလက်ထိပ်နဲ့ လိမ္မော်ရောင်ဝတ်စုံနဲ့တွဲကာ မြင်လိုက်ရသည်မို့ စိတ်ထဲမကောင်းဖြစ်ရပေမယ့် အားတင်းကာဟန်မပျက်နေလိုက်သည်။ စဝင်လာထဲက တစ်စုံတစ်ခုကိုရှာဖွေနေသည့်ပုံပေါ်သည်မို့ ကျတော့်ကိုရှာနေမှန်းသိပြီး မသိမသာ လက်လေးယမ်းပြကာ ဘေးဘီကိုကြည့်ရသေးသည်။
" ဟျောင်း "
လေသံတိုးလေးနဲ့ မျက်လုံးလေးများအရောင်တောက်သွားပုံလေးက ချစ်စရာကောင်းလိုက်တာ ....
***
တရားစီရင်ချိန်
ရှေ့နေ့များအပြန်အလှန် အလီဘိုင်များပြကာ ကိုယ့်လူဘက်ကအမှုလျော့ရန် ပြိုင်ဆိုင်ငြင်းခုံကြသည်။ အချိန်တစ်ခုရောက်လာတဲ့အချိန် ထိုအချိန်ကိုအားလုံးစောင့်မျှော်နေကြရသည်။ စီရင်ချချက်မည့်အချိန် ကျတော့်ခေါင်းတွေက မော့မကြည့်နိုင်တော့ ဘာကိုမှရင်မဆိုင်ရဲတဲ့လူတစ်ယောက်လိုမျိုးခေါင်းကိုသာငုံ့ထားမိသည်။ လက်တွေခြေတွေအေးကာထုံလာပြီး တုန်ယင်လာသည်။ သူတောင်ဒီလောက်စိတ်လှုပ်ရှားနေတာ တရားခံခုံမှာထိုင်နေတဲ့ Jungkook မင်းဘယ်လောက်တောင်ကြောက်နေလိမ့်မလဲ
" အလုပ်ကြမ်းနဲ့ထောင်ဒဏ် ၅နှစ် "
အနှစ်နှစ်အလလက စုဆောင်းထားသလိုမျိုး သက်ပြင်းရှည်ကြီးကို ပါးစပ်ကပါမှုတ်ထုတ်ကာ
တော်ပါသေးတယ် တော်ပါသေးတယ် တော်ပါသေးတယ် ကျောက်ရုပ်တစ်ရုပ်လိုငြိမ်သက်ကာ အတွေးတွေယောက်ယက်ခတ်နေသည်။ သတ္တိမွေးကာ ထိုကောင်လေးကိုလှမ်းကြည့်လိုက်တော့ ကျတော့်ကိုလှမ်းကြည့်နေတဲ့စိုးရိမ်တဲ့မျက်လုံးလေးတွေ ကျတော်ပြုံးပြလိုက်မှ သူပါသက်ပြင်းလေးခိုးချတာ သတိထားလိုက်မိသည်။
