يوميات عريس

يوميات عريس الحلقه الرابعه

يوميات عريس
الحلقه 4

توحيده توقظ ناصر من نومه شوف ياواد البت دي اظن قشطه بجد
ناصر :يادي القشطه كرهتها بقيت اشوفها ارجع ياامه فكك مني بقي
انتي ماخلفتيش غيري ليه اهو كان ساعدني ف اللي انا فيه بدل ماانتي مبهدلاني لوحدي
توحيده :النصيب قوم فز بقي وشوف البت دي بدل مااقلب عليك

ناصر :خلاص خلاص وهتبرقي لسه
وريني ياسيتي وشاف البت
ناصر بسم الله ماشاء الله والله ومجايبك اتحسنت ياتوحه بس ربنا يستر وماتكنش بتضحك علينا بصوره بنت اختها ولا وخداها من النت واروح الاقي شمبانزي قدامي
مش مرتاحلك يا توحيده ولا لمجايبك اللي مافيهم حاجه عدله
سيبيني بقي اروح الشغل وخدي معاد
وربنا يستر

وذهب لعمله وجد خالد
ناصر :افتيني ياوزير
خالد :خير
ناصر :امي جيبالي عروسه الصراحه المره دي تحل من علي حبل المشنقه
خالد :طب يامعلم جبرت
ناصر :لا ماجبرتش ولا حاجه
خالد:ليه بس
ناصر :مش عارف مش مرتاح للموضوع
البت مافهاش غلطه
طب ليه مستنيه لدلوقت  من غير جواز ايه الرجاله اتعمت
ومش منتقبه عشان اقول  ماحدش بيشوفها
لا دي لابسه خمار وادب واخلاق
يبقي ايه القصه يامعلم
خالد :نصيب
انت اللي موسوس
مش يمكن هي اللي بترفض ومالقتش مناسب
زي ريم ماهي ف سنك ولسه واتخطبت كتير ومافيش نصيب
ناصر :ريم ايه دي بت صايعه مابيعجبهاش العجب داانا حافظها ومربيها علي ايدي
دا كفايه لسانها الي زي المفرد يطفش اجدعها راجل من قصادها
ودخلت ريم
ريم :انت يلا ماجبتليش الاجازه من خالك ليه وانا لازم اقل ادبي عشان تجبها
ناصر :اتفضل ياعم البس
انا بقيت يلا
لا ولها عندي طلب بدل ماتحترمني بتقولي يلا
دا المثل ياحماره ياغبيه بيقول لو كانلك عند الكلب حاجه قوله ياسيدي
ريم :ماشي ياسيدي
ناصر قام منتور بقي انا كلب يابنت ال.... فجريت ريم
ناصر :شايف الجزمه بتقولي ايه
وخالد واقع من الضحك ف الارض فطسان
ناصر :بت تحرق الدم حرقت دمي الله يحرق دمها اما نحلي بالقمر اللي معانا وينظر لصوره العروسه عله يهدا
خالد :ماتوريهاني كده
ناصر :ولا هتستهبل ولا ايه دي مراتي دي تضيع فيها رقاب
خالد :مراتك منين يامتخلف انت لسه روحتلها
ناصر :من غير مااروح هي دي تتساب
داانا ابقي اهبل وعبيط
وذهب ناصر للموعد المتفق عليه

دخلت ثريا
ثريا :الثلام عليكم
ناصر :وعليكم الثلام اقصد السلام
وفي نفسه مش مشكله حرف ماجاتش عليه
ناصر :بسم الله ماشاء الله اجمل من الصوره بكتير
ثريا :مييسي
ناصر :مييسي ده مين
اااه تقصدي ميرسي
ااه انتي لدغه ف الراء كمان
وياتري لدغه ف ايه تاني
ثريا :مس فاكيه لما نتكلم هتعيف
ناصر :وادي معانا ش وطبعا السين والراء
طب اسهلهالك ايه الحروف اللي مش لادغه فيها
ثريا :يوووه مس عايفه بقي
ناصر :معلش انا اسف اني بضايقك بس دا مستقبل الاولاد لو جت علي حرف يطير منهم مش مشكله لكن ال24 حرام
بالماسبه اسمك ايه
ثريا :ثييا
ناصر :سبحان الله ثريا
اهلك كان عندهم بعد نظر عشان تنطقيه صح
وتدارك هم افتكرو ال ثاء لكن نسيو ال راء معلش فرصه سعيده جدا يااخت ثييا اقصد ثريا ويحدث نفسه
دا ثواني واتعديت امال العيال اللي هيعتبروها قدوه ويقتنعو ان دي الحروف الصحيحه يختزلو الحروف ل10 بدل 24
ناصر :السلام عليكم
ثريا :وعليكم السلام
ناصر :حاجه اخيره هي امنيه تعرفي تحققيهالي
ثريا :ايه هي
ناصر :تعرفي تقولي ستي بسبستلي بسبوبه بالسكر والعسل ياعسل انت ياعسل
ثريا :لا انت جاي تهيج بقي امسي اطيع بيره بدي ما اقوي لماما وبابا يسييوك هييه بييا ويطيعوك بيه
ناصر :بغض النظر عن الكلام العظيم الي مافهمتش منه ولا كلمه بس انا طالع بكرامتي  لا تنادي بابا ولا ماما
وذهب لامه ناكس الراس
توحيده :ايه ياعملي الاسود
مالقوش ف الورد عيب
ناصر :ياامه حرام عليكي هو انا مش ابنك ولا لقياني علي باب جامع
البت زي الفل بس لادغه ف ال24 حرف
طب لو حرف ولا اتنين كنت استحملت وصلحت للعيال
لكن اصلحلهم الكلام كله ازاي
امه :عيال مين ياواد انتو خلفتو
ناصر :ياامه باعتبار ماسيكون
امه :اااه ابقي قابلني موت ياحمار

متابعه للصفحه وتصويت ورأيكو يهمني ف الاول والاخر عشان نكمل