يوميات عريس

يوميات عريس الحلقه 16

يوميات عريس
الحلقه 16
انتفضت ريم وابعدته
والله لو عملت كده تاني  لهفشكل ام الجوازه دي
ناصر :في ايه يابت دااحنا هنجيب العفش بكره واحتمال نكتب القايمه والكتاب بالمره وتبقي مراتي
ريم :لما بقي ماحدش عارف ايه هيحصل  عايزين نراعي ربنا عشان ربنا يكرمنا ياناصر
ناصر :وانا عملت ايه يعني
من يوم ماجتلك اخطبك وانا بعتبرك مراتي
ريم :لا ياخويا ماليش فيه لما ابقي مراتك بجد وحلالك غير كده لاء
ناصر :خلاص حقك عليا مش هقربلك تاني   الا وانتي مراتي وساعتها لو عملتي كده هديكي بالجزمه
ريم :وانا ساعتها ابقي تحت امرك بس بالحلال ياناصر
انا بحب فيك اخلاقك والتزامك وخوفك عليا بلاش تغير وجهه نظري فيك
ناصر :والله غصب عني ياريم مابقتش قادر استحمل بعدك خلاص
ريم :يعني انا اللي مابحسش
بس الصبر ياحبيبي
عشان كل بنت ماتتهاونش ف شرع ربنا عشان ربنا يكرمها فالخطيب هو مازال اجنبي بالنسبه اليك لايحق له تقبيلك او رؤيتك دون حجاب وماتعتمديش ان خلاص هنجوز قريب فكم من خطوبه فشلت علي اهون سبب
ابنتي الغاليه انتي جوهره ثمينه ويجب ان يعاني من يحاول اقتناؤك حتي يحملك فوق الاعناق  فانتي لستي بالرخيصه حتي تدسي ف التراب ويمشون عليكي بالنعال
كوني غاليه ولا تتهاوني

وربنا يرزق بناتنا بالازواج الصالحين
......فيروز........

ريم :يلا بينا بقي
ناصر :والعفش
ريم :عفش ايه ياناصر
عد غنماتك  ياجحا قال واحده قايمه وواحده نايمه
هو اوضه النوم ف الاوضه الكبيره والانتريه والنيش ف الصاله
والاوضه دي هتقفل لما ربنا يكرمنا نعمل اوضه اطفال لما نخلص الجمعيات اللي علينا نعملها جمعيه هي كمان
ناصر :يادي ام الجمعيات انا حاسس انك مولوده ف جمعيه الرفق بالحيوان
تصدقي قفشتيني منك وكرهت الجمعيات كلها حتي الجمعيات الاستهلاكيه يلا يابت انتي وش فقر اصلا
وفعلا تاني يوم احضرو العفش من عم الحاج وتعهدو له في اقرب وقت هيجبوله ال5الاف الباقين
ووضعوا العفش ف الشقه وجاء  وقت كتابه القايمه حتي تضع عفشها هي الاخري
ريم تهمس لناصر طول بالك علي ابويا ياناصر دا راجل كبير ومن خوفه عليا بيعمل كده لانها تعلم والدها تماما وتخشي ان يتسبب في فركشه الجوازه
ناصر :وانا شاريكي لاقصي درجه ياريم
ولكن اشترط امضاء القايمه مع امضاء كتب الكتاب
وبداو مباحثات القايمه اولا وعندما يتفقو ياتو بالماذون
وبدا ابيها
شوف بقي الفواتير دي قديمه يعني طقم الكاسات ابو 50 بقي ب100 حالا
ناصر :وانت هتدهوني بالفوايد بتاعته ياابو علي
دا حتي الفوايد حرام وربا
لا انا عاوزهم قرض حسن
ابو علي :احنا هنستعبط من اولها
هو كده وبين البايع والشاري يفتح الله
ام علي :جرا ايه ياراجل خف ع الواد دي بنتك وهو روحهم ف بعض
ابو علي :ولما يقل باصله ويكرشها هتفعيها انتي
ناصر :يعني الكوبايات اللي هتنفعها ياابو علي لما الواحد بيبيع
بيبيع خالص
ولما بيشتري مابيهموش وانا شاري بنتك ياعمي اللي عاوز تكتبه اكتبه وانا همضيلك عليه من غير مااشوفه مع امضتي ف دفتر الماذون
فنظرت له ريم بامتنان مع انها تعلم انه متضايق مما فعله والدها ولكنه اب وتفكيره اوصله ان هذا ماسيكتفه ويؤمن لابنته حقها ولكن ان كان شخص اخر غير ناصر من الممكن ان يعتبرها انتهازيه وطمع ويقلب الموضوع راسا علي عقب وكم من مخطوبين تتهدم خطوباتهم بسبب طقم كوبيات سيكسر من اول اسبوع
ولكنها معتقدات باليه  يعتقدون انها تحفظ حقوقهم واحيانا تتنازل الزوجه عن كل شيء في سبيل الخلاص من هذا الشخص
........فيروز....
خرج ناصر ووراءه ريم
ماتزعلش من ابويا ياناصر
دا اب وماتقدرش تلومه  لخوفه علي بنته
ناصر :مش زعلان ياحبيبتي مبروك  انهارده كتب كتابك ياعروسه
هتبقي حرم ناصر الضبع يابت ويجذب راسها لصدره لتضحك حتي يخرجها ما هي فيه
فتضحك المهم عندي انت ماتبقاش زعلان
ناصر وهو متألم ولا يريد ان يبين لها
مش زعلان المهم انك هتبقي مراتي
ريم :انا بحبك اوي ياناصر
ناصر :وانا بموت فيكي ياقلب ناصر
اهمدي بقي ووفري الكلام ده لبليل
اما نكتب الكتاب ونعلي الجواب
ريم :يارب يتمم بخير بقي انا تعبت والله
ناصر :ان شاء الله كل حاجه هتبقي تمام انتي بت جدعه وب 100 راجل
وتستاهلي كل خير
ريم :وانت كمان ياناصر بن حلال مصفي
ناصر :اهمدي وخشي جوه بقي 
انقلي حاجتك وافرشيها بقي خلينا نخلص
ريم :ابويا مش هيرضي الا اما تمضي
ناصر :ياسيتي هتنيل امضي اقولك هاتي الورقه امضيها ويكتب الي عاوزه اخلصي بقي ف سنه امك اللي مش معديه دي
ريم :خلاص خلاص ماتتعصبش كده
انت خلقك ضيق كده ليه
هقوله وربنا يستر
ناصر يزيحها من امامه اخش اقوله انا
ريم :لا انا هقوله الله يكرمك خليك بره الموضوع مش ناقصه كلكعه
خلاص خدي مفاتيح الشقه عشان انا تعبان وداخل انام عشان اصحصحلكو بليل
ريم :ماشي
ودخلت تتحايل علي ابوها وتقنعه تذهب بالملابس وتنظمها  وبعض الاشياء حتي تنتهي
واقتنع بعد عذاب ان ترص اشياءها بشقتها هي ووالدتها
وان يكتب هو القايمه بمزاج
وفعلا نفذ كل واحد ماقال وف المساء
جاء ناصر وابيه وامه  والماذون والشهود
واعطاه والدها القايمه فاخذها ليمضي
فقال والده مش تقرا فيها ايه
ناصر اشار له بيده ليوقفه خلاص ياابه انا عارف فيها ايه
ومضي وكتب الكتاب وزرغط الجميع ونقلو باقي الاجهزه للشقه
وبعدها ريم تنظر لشقتها وعيونها مليئه بالفرح وهو يتطلع لسعادتها وكانها ملكت الكون كله وليست بعض القطع الباليه
ولكن تكمن السعاده ف الرضا بالمقسوم وليست بافخرالاشياء
........فيروز...
وينام ناصر علي سريره ويهتز به ثم يجذبها بجانبه وهي سارحه تتامل الحجره وتلف لتري كل جزء بها
فتقع بجانبه فتفزع
الله في ايه ياناصر خضتني
ناصر :في ايه انتي قاعده تلفي ف الاوضه تقوليش ف قصر البارون مش حته اوضه سكه نص عمر
ريم :اخس عليك دي سكه
دي تنقيتي وعندي احسن من الف قصر
ايه يعني تبقي ف قصر وميت مافكش روح ولا تبقي ف جحر بس مليان سعاده ليجذبها من راسها ويقبلها بعنف
فتبعده في ايه ياناصر
ناصر :في ايه يابت مش بقيتي مراتي
ريم :لا لسه لما نشهر وتقوم ليجري وراءها
لا والله انتي عاوزه ضرب الجزمه فعلا
وهي تجري بين الكراسي وهو يجري وراءها
ريم :خلاص ياناصر بقي هصوت والله والم البيت عليك
ناصر :صوتي والله ماحد عاتقك.مني وهديكي بالجزمه زي ماقلت
ريم تصوت خلاص يا ناصر بقي حرمت
وناصر راسه والف جزمه ليديها بالجزمه عشان تتعدل معاه
وسمع ابوها وامها  الصويت
ابوها :في ايه الواد بيعمل ف البت ايه
امها :تلاقيهم بيهزرو
ابوها :يابرودك بنتك بتصوت وف الشقه معاه قومي فزي هأتيها
وذهبت تخبط ففتح ناصر
ماتتلمو بقي صوتكو جايب الشارع
فتجري ورا امها
ناصر عاوز يضربني بالجزمه ياماما
امهاباستغراب  واتتو لحقتو دااحنا لسه كاتبين الكتاب امال بعد الجواز هتقتلها
يلا يابت
وهي تنظر له من خلف امها وتضحك
ناصر :بتضحكي شكل طلاقك هيوافق يوم جوازك ياريم ماشي مفكره هتهربي ماشي ماشي
وجرت مع امها
وهو ينظرلشقته بسعاده بالغه يلقي عليها النظره الاخيره قبل ان يغلفها ويمسح علي شعره ويتنهد تنهيده كبيره
اخيرا يابنت الكلب اتفرشتي

داانا كنت حاسس اني هقابل رب كريم قبل ماتتفرشي ويغلقها وينظر الي شقه ريم ثم يدخل بيته ليحلم بيوم زفافهما معا