يوميات عريس
الحلقه 6
توحه :قوم ياناصر جيبالك بت عسل النوبه دي قوم ياواد بقي
ناصر يرفع الغطاء يافتاح ياعليم يارزاق ياكريم
خير ياتوحه هو مافيش معاد للعرايس دي تورهوملي الا ع الصبح كده تصحيني فيه وانا مش مركز عشان تاخديني علي خوانه كده
توحه :ارغي ارغي وضيع الوقت
ناصر :ولو اني مابقتش بثق فيكي بتبقي عارفه كل حاجه وتلبسيني ف الحيط و اتعلمتي تكدبي ياتوحه
توحه :هنقضيها رغي وتتاخر ع الشغل
ناصر :وريني ياسيتي
وفعلا شاهد الفتاه ماشاء الله بارعه الجمال وعيون زرقاء وهي بيضاء ومحجبه
ناصر :لا انا قتلك ياتوحه عاوز اجوزها هاتي الرقم ولا خدي رقم امها وكلميها انا رايح امس مش بكره
توحه تضحك عليه خلاص خلاص هاخدلك معاد قوم بقي افطر ياحبيب امك.قبل الشغل
ناصر :لا انا شبعت خلاص
واخدت الرقم وحددت الموعد
وذهب للقاء قابل والدتها اولا
الام :ثانيه واحده هناديلها
ودخلت لها يلا يابنتي اعقلي واركزي كده
بسنت :حاضر ياماما فين خطيبي
الام :جوه يا حبيبتي خشيله بس ماتتكلميش
بسنت :حاضر ياماما
ودخلت بسنت ايه ف الجمال
ناصر قام بسم الله ماشاء الله ربنا يحفظك من العين
وجلست بسنت وينظر لها ناصر وهي تلعب بيديها وتشبكهم بطرق مختلفه وتهمهم
ناصر :بتقولي ايه
بسنت :بقول فتحي ياورده اقفلي ياورده
تيجي تلعب معايا واوقفته وتدور به فتحي ياورده اقفلي ياورده
واوقفها خلاص يابسنت انا دوخت
بسنت وانا كمان
ناصر :ماتجيبي ظلط ونلعب سيجا عاميه احسن
بسنت :مش بحبها
لك ف البلي
ناصر :داانا كنت حريف لعب بلي زمان ف الشارع قدام بيتنا
بسنت تقف تضع يدها بوسطها لا بقي انا اللي حريفه وهوريك واحضرت البلي فخلع الجاكت ونزل ع الارض معها ويكسبها فتبكي لا انت بتخم انا مش هلعب معاك انا مش بحبك وانت مش خطيبي هيه
ناصر :طب انا اسف نلعب دور تاني وتكسبيني ففرحت جدا ووافقت
وفعلا جعلها تكسبه فاحتضنته وهي فرحه انا بحبك اوي
ناصر بحنان وانا كمان
وجاءت الام
فنظر لها ناصر
حرام اللي بتعمليه ف بنتك ده
اعرضيها احسن علي دكتور نفسي يمكن يكون ازمه نفسيه او حاجه حصلتلها سببتلها اللي هي فيه لكن حرام تعرضيها لمواقف زي دي
فبكت الام
انا ام ونفسي افرح بيها زي كل الامهات واطمن عليها قبل مااموت مالهاش غيري
ناصر :ربنا يخليكي لها
بس حاولي تروحي لدكتور بيها يمكن خير
وذهب لامه
توحه :ايه ياسبع البرمبه
ناصر :مودياني لبنت عندها تخلف عقلي ياتوحه
بدل مارجع من شغلي اتغدي وانام ارجع العب سيجا عاميه وبلي
وخبطت ريم لابسه القمطه بتاعتها وماسكه خياره تاكل فيها وبجامه نص كم
ريم:خالتي خالتي عندك طماطمتين
توحه :حاضر حبيبتي خشي علي مااجيبلك
ناصر :هاتي حته يابت تطري ع الواحد بدل الارف اللي بيشوفه
ريم :وانا مالي ماتجيب من بينكو ماهي امك شاريه مع امي الخيار
ناصر :ياساتر وايه القمطه اللي فوقك دي ويلعب ف الفيونكه بتاعتها
ريم :الله مش بكنس السلم اللي سياتك تطلع تحك جزمتك وتطينه والله لو حكيتها تاني لاكلهولك مش كل يوم هكنسه وامسحه بسببك وامي وامك عيانين وانا المعكوكه فيه
ناصر :انتي نسيتي نفسك ابت تاكلي مين ويضربها علي ذراعها لتتالم
اي ياجاموسه كده حمرتهالي
ناصر :انا جاموسه ياحماره وايه النظافه اللي حلت دي عليكي
ريم جايلي عريس وتتالم من موضع ضربته
ناصر :وريني كده اه تصدقي احمرت اوي ويقترب ويعضها
ريم تضربه ف صدره ياعضاض ياللي مابتكلش لحمه تاك الارف فيقطع الخياره من تحت ويجري علي حجرته ليفتخ وازرار القميص
فتجري وراءه
كده ياطفس تاخد خيارتي
فيخلع قميصه ويلقيه عليها ايه الغباء ده تفتحي عليا كده وانا بقلع مافيش دم خالص
ريم :شوف ياد انت انا جبت اخري منك وتضع الخياره بفمها وتزقه ع السرير وتخنقه والله لو حكيت جزمتك دي ف السلم لهقتلك
فيزيحها عنه في ايه يابت متفرعنه علي ايه
ريم:انا كل يوم بيجيلي عرسان ووسطي اتقطم
ناصر :ليه بترقصيلهم
ريم :لا ياخفيف بمسح السلم واكنسه كل يوم
انت عملت ايه صحيح عرفت انك رحت لعروسه شوفت صورتها قمر ياد
ناصر :قمر بالستر ياختي طلعت مجنونه قعدنا نلعب بلي وفتحي ياورده
فسقطط من الضحك وضربت كف علي كف
فاتنرفز قومي غوري يابت من هنا
ريم :يامعنس يامعنس وتلعب حواجبها
ناصر لا انتي يظهر مش هتجبيها البر
فتضربه شالوط وتجري
ناصر :يانهار اسود انا اضرب بالشالوط البت دي عبيطه مش طبيعيه خالص
طب ايه رايك هلم تراب الشارع لا هجيب نقله رتش واردملك السلم ده
توحه :انتي فين يابنتي فكرتك مشيتي
ريم :كنت بشوف المعنس الي جوه
شكرا الطوماطم ياخالتي
توحه :مش عاوزين مساعده
ريم :تسلميلي ياغاليه
توحه :وابقي عرفيني اما العريس يمشي حصل ايه
ريم :من عونيا
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
