يوميات عريس
الحلقه 13
خرجت ريم ف الصباح لتجده يفتح باب الشقه فتخفض راسها بخجل مماحدث
فيقترب منها ياصباح الجمال
ريم بخجل صباح الخير يلا بينا
ناصر :يلا ياجميل امك قالتلك ع الاتفاق
ريم :اه
ناصر :وايه رايك
ريم :اللي تشوفوه
ناصر :دا ايه الاستكانه دي مش واخد عليكي كده
يعني مش عاوزه حاجه تاني
ريم تنظر اليه انت عارف اني مش عاوزه غيرك ياناصر ومايهمنيش حاجه تانيه وراضيه بيك وبامكانياتك وربنا يكرمنا سوا
فينظر لها بهيام ويمسك يدها ويقبلها وهو ينظر لعينيها ربنا يخليكي ليا
حقيقي كل يوم بضرب نفسي 30 جزمه اني كنت اعمي ومش شايفك انتي جميله اوي ياريم ومش بقصد جمال ظاهري وحلاوه تجزع النفس منها مع انك جميله فعلا بس اقصد قلبك ابيض وروحك حلوه وبت جدعه صحيح بنت بلد اصيله ومتربيه لو لفيت الدنيا مش هلاقي زيك
فتسحب يدها منه وبعدين ف كلامك ده ياناصر يلا بقي هنتاخر ع الشغل هنفضل واقفين ع السلم كده حد يشوفنا
يلا عشان الحق البت مني تدخلني ف جمعيتها بنفرين اقبضهم ف الاول عشان نبدا الشغل
ناصر بزهق انتي مصممه بردو
فتنظر له انت رجعت ف كلامك ولا ايه
ناصر :ياسيتي لا رجعت ولا حاجه اللي عوزاه اعمليه انا نفسي افرحك بجد ياريم عشان انتي تستهلي كل خير
بس ايه الجيبه دي
ريم تنظرلنفسها مالها
ناصر :هتتفرتك عليكي
ريم :مش قلتلك اني تخنت شويه
ناصر :خلاص تخنتي يبقي ماتتلبس بدل ما اقطعهالك
ريم :خلاص والله ماهلبسها تاني ماتزعلش بقي مابحبش زعلك دا
فينظر لها ويبتسم خلاص يلا وخدي بالك بعد كده مابحبش الضيق ع الست بتاعتي
ريم :نعم نعم امال بتحبه ع الناس بره وعليا لا
ناصر :يابت مايبقاش مخك وسخ افهمي انا مالي بالباقي انا ليا ف لحمي وعرضي ماحدش يبص عليه غيري
و جحا اولي بلحم طوره كل نطع يشيل شيلته هو حر حابب مراته الناس تفصص فيها انا مال اهلي هتشيليني ذنبه ليه لكن انتي تخصيني وماحبش حد يبص عليكي انا لو اطول اغطيكي بلحمي هغطيكي عشان ماحدش يستجري يبصلك
ريم :بجد ياناصر بتحبني وتخاف عليا اوي كده
ناصر :انتي لسه بتسالي يابت ومش عارفه
ريم :الصراحه اصلك زي موج البحر غدار ومالكش قرار ولا اخر
بتقلب مره واحده
فينظر لها ويغمز والله دلعيني وانا ماقلبش
ريم تنظر له وانا ادلعك من انهي يامه
فيغضب في ايه يابت ماتتلمي ايه من انهي يامه دي يلا الباص جه داانتي تحرقي الدم ودخل كعادته يحجز لها فلم يجد مكان فاوقفها واحاط ذراعيه بها حتي لا يحتك بها احد وهي تحس انها في حما رجل يخاف عليهاويحبها لم تعهد هذا الاحساس من قبل من كان ياتي لها اما لجسدها الملفوف وقوامها او لجمالها اما ناصر كان يري كل هذا ولم يلفت انتباهه الا جمالها الداخلي هو مااعجبه بها وهذا هو المفروض فانت لن تعيش مع صوره تبروزها ع الحائط او جسد ساكن بلا روح بل الروح هي من ستتعامل معك فيجب ان تعشق الروح قبل الجسد
.........فيروز.........
ذهبوا الي العمل لتجري علي صديقتها فتحجز النفرين ف الجمعيه علي شرط تتسلمهم الشهر القادم
فاخلت لها صديقتها الاماكن بالاول لتاخذها اولا
وفعلا بعد شهر اخذت النقود وبدات في عمل السيراميك
وكان ناصر يباشر العمال
وتخرج ريم بصينيه الطعام للعمال فيهرول لها ناصر مسرعا ايه اللي جايبك هنا وسط الصنيعيه
قلتلك رني وهاجي اخد منك الصنيه
ماتجيش ف وسطيهم اخر مره انبه
ريم :حاضر حاضر ماتزوقش بس كنت عاوزه اتفرج ع السيراميك شكله ايه لما اتركب
ناصر :مش دلوقت خشي جوه
فتزمجر ريم وترفس بقدمها وهي تسير لشقتها
فينادي ناصر عليها انتي يابت
لما يمشو هفرجك
فتفرح ريم وتضحك له
ناصر يبرق لها خشي بقي بلاش لكاعه لالوشك بالكوع ويروح لها وايه مطلعك كده وينظر لشعرها
فتحسسه
يوووه ياخرابي والله ماخدت بالي اني نسيت الطرحه من لخمتي عشان اجيب الاكل سخن
ناصر بزعيق لا فتحي لنفسك ياروح امك بعد كده هعديهالك المره دي لكن لو اكررت هقطعهولك بايدي
ريم بنرفزه يوه ماقلتلك غصب عني وانا قاصده يعني اطلع بشعري
ناصر :انتي بتردي عليا كمان امشي ابت خشي جوه حسابك معايا بعدين
وتغلق هي باب الشقه
وهو يكمل الا دي كمان ترد عليا ماهو ده اللي ناقص
وهي تضحك من خلف الباب بسبب غيرته عليها
فهي لم تعهد كل هذا منه وكانها تحلم
وتخشي ان يكون مجرد حلم جميل وتستفيق منه
وبعد ان انتهي العمال من يومهم خبط عليها ناصر
ففتحت الباب
فنظر لها بضيق يلا ياختي تعالي شوفي
فخرجت لشقتها لتراها
ودخلت الحمام والمطبخ لتشاهد السيراميك التي اختارته بعنايه واييضا بارخص الاتمان ولكن ذو زوق جميل هاديء فليس بالثمن الغالي المبالغ فيه ولكن بالراحه النفسيه
لتشاهده وهي فرحه به وكانها قطعه من جنتها وهو يتأملها
الله ياناصر شكله خرافه وهو مبسوط وفرحان لفرحها ولكنه يخفي هذا وكانه مازال غاضبا منها ولكن عيونه تفضحه
فقاطع فرحتها
خلاص ياختي شوفتي السيراميك
ان عنت اشوفك مهوبه هنا تاني والعمال شغالين هجيب خبرك
فتنظر له بحب انت لسه زعلان مني فكها بقي مش بطيق زعلك يانونو
ناصر :تاني نونو
طب عشان نونو دي والله ماسايبك عشان تحرمي ليجذبها من خصرها ويقربها منه فرحانه يابت
تنظر له بهيام اوي ياناصر ربنا يخليك ليا ولا يحرمنيش منك ابدا
ناصر :ولا منك ياقلب ناصر ويقترب ليخطف قبله فتهرب منه
لا ياناصر لما نكتب الكتاب
ناصر :خلاص يلا نروح نكتب الكتاب
ريم :ياسلام بسهوله كده مش لما نجيب العفش ونكتب القايمه انت عارف ابويا الا القايمه عنده
ناصر :يابت انا شاري
واللي شاري مايفكرش ف اي حاجه بعد وقفتك معايا هبص لملاليم القايمه ثم دي حقك اكتبو اللي عاوزينه وامضي عليه
هو انتي هتشوفي منها حاجه اصلا ولا انتي راسمه علي طلاق يابت
ريم :تف من بؤك انا نفسي اقضي معاك عمري كله المهم انت اللي مش تقلب عليا
ناصر :يغمز لها والله كله بالحنيه بيفك
ثم طالعه للعمال بشعرك وجيالي بالقمطه انتي حوله يابت
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
